ជិះ​ម៉ូតូ​ទៅ​ធ្វើការ​បុក​ ពំនូកខ្សាច់​ដួល ស្លាប់​ខ្លួន​ឯង​​

ប្រភពពីកោះសន្តិភាព

ខេត្តព្រះសីហនុ ៖ បុរសម្នាក់បានស្លាប់នៅនឹងកន្លែង បន្ទាប់ពីជិះម៉ូតូឡើងពំនូក ខ្សាច់ដួលខ្លួនឯង កាលពីវេលាម៉ោង១១និង១០នាទីយប់ថ្ងៃទី១៨ មករា ២០១៤ នៅចំណុចក្បែរខ្លោងទ្វារចូលវត្តលើ ស្ថិតក្នុងក្រុម៨ ភូមិ៣ សង្កាត់១ ក្រុងព្រះសីហនុ ខណៈពេលជិះទៅធ្វើការនៅក្លឹបរ៉ក់ស៊ី ។

ជនរងគ្រោះដែលស្លាប់ត្រូវបានគេស្គាល់ឈ្មោះ ណុប ស្រស់ ភេទប្រុស អាយុ៣៧ឆ្នាំ មានទីលំនៅ ក្រុមទី១៤ ភូមិ១ សង្កាត់លេខ១ ក្រុងព្រះសីហនុ ជាសន្តិសុខប្រចាំក្លិបរ៉ក់ស៊ី អូរឈើទាល ក្រុងព្រះសីហនុ មានប្រពន្ឋ និងកូន២នាក់ ។

សមត្ថកិច្ចប៉ូលិសដែលចុះទៅកន្លែងកើតហេតុបានឱ្យដឹងថា ចំពោះករណីគ្រោះថ្នាក់ចរាចរណ៏នេះ ពុំមាននរណាម្នាក់ដឹងពីមូលហេតុពិតប្រាកដទេ  ប៉ុន្តែបើតាមការសន្និដ្ឋានស្លាក ស្នាមនៅកន្លែងកើតហេតុ ជំហានដំបូងថាបង្កឡើង ដោយខ្លួនឯង ព្រោះជុំវិញខ្លួនសពពុំមានអ្វីគួរឱ្យកត់សំគាល់ ក្រៅពីស្នាមម៉ូតូជនរងគ្រោះ ឡើងពំនូកខ្សាច់ និងស្នាមដួលជាច្រើនត្រឡប់នោះទេ ។

ក្រោយពីកើតហេតុ សពត្រូវបានក្រុមគ្រួសារ យកទៅធ្វើបុណ្យតាមប្រពៃណី ៕