របស់ដែលគាត់យកមកបិទពីលើ ឡានទំនើប Jaguar នេះ គឺគាត់ខំសន្សំតាំងពីនៅក្មេងម្ល៉េះ សរុបប្រមាណ ៥០០០ឯណោះ

ប្រភពពីៈ https://www.khmerload.com/news/60523

ម៉ាឡេស៊ី៖ ប្រជាជនជាច្រើនដែលរស់នៅក្នុងតំបន់ Klang Valley បានកើតការងឿងឆ្ងល់យ៉ាងខ្លាំង និងគិតថាខ្លួនឯងកំពុងតែស្រវាំងភ្នែកក៏ថាបាន នៅពេលដែលពួកគេបានឃើញឡានមួយគ្រឿង មានពណ៌ចម្រុះទៅដោយកូនឡានក្មេងលេងតូចៗជាច្រើនដែលត្រូវបានបិទពីលើនោះ។  ទោះជាយ៉ាងណា វាគឺជាការពិត និងមិនមែនជាការស្រមើស្រមៃនោះទេ!

បន្ទាប់ពីបានឃើញឡាននោះរួចមក គ្រប់គ្នាបានឆ្ងល់ថា តើនរណាជាម្ចាស់របស់វា ហើយហេតុអ្វីបានជាគេតុបតែងឡានទៅជាបែបនេះ?

តាមពិតទៅ រថយន្តមួយគ្រឿងនេះ គឺជាកម្មសិទ្ធិរបស់លោក Datuk Seri Mahadi Badrul Zaman ដែលជាអ្នកចូលចិត្តឡានតូចៗ គ្រប់ស៊េរី ជាពិសេសគឺប្រភេទឡានប្រណាំង។ បុរសអាយុ ៣៤ឆ្នាំរូបនេះ គឺជានាយកប្រតិបត្តិនៃក្រុមហ៊ុន Financial Genius Group។ លោកបានចាប់ផ្តើមរក្សាទុកកូនឡានទាំងនេះ តាំងតែពីលោកមានអាយុ ១៣ឆ្នាំមកម្ល៉េះ ហើយរហូតមកដល់ពេលនេះ លោកមានប្រមាណ ៥ ០០០ កូនឡានឯណោះ។

ដោយសារតែលោកមានកូនឡានតូចៗបែបនេះច្រើន ដូច្នេះលោកក៏បានសម្រេចចិត្តរៀបចំឡានទាំងនេះ ក្នុងរបៀបមួយដែលប្រកបដោយគំនិតច្នៃប្រឌិតបំផុត គឺលោកបានយកកូនឡានទាំង ៥ ០០០គ្រឿងនេះ ទៅបិទពេញលើឡាន Jaguar S-Type របស់លោកតែម្តង។

សម្រាប់អ្នកដែលបានឃើញរថយន្តមួយនេះរួចបានឆ្ងល់ថា តើលោក Datuk Seri Mahadi Badrul Zaman នឹងធ្វើយ៉ាងណាបន្តទៀត ដើម្បីថែរក្សារថយន្តដ៏ចម្លែករបស់លោកនៅក្នុងរដូវវស្សា។ លើសពីនេះ ពួកគេក៏ទន្ទឹងរង់ចាំមើលដែរថា តើស្នាដៃរបស់លោក នឹងកាន់តែចម្លែកបែបណានៅថ្ងៃក្រោយ៕

Read More

គួរប្រុងប្រយ័ត្ន! មើលរឿងតុក្កតាច្រើនពេក កុមារាតូចម្នាក់ស្រាប់តែ បែកគំនិតធ្វើត្រាប់តាម កាន់ឆ័ត្រលោតទម្លាក់ខ្លួន ពីលើអគារកម្ពស់១០ជាន់ (មានវីដេអូ)

ប្រភពពី​ៈ https://www.khmerload.com/news/60583

ចិន៖ ហេតុការណ៍ដ៏កម្រមួយបានកើតឡើង ធ្វើឲ្យមហាជនជាច្រើន មានភាពភ្ញាក់ផ្អើលនិងរន្ធត់ចិត្តយ៉ាងខ្លាំង ដោយសារតែកុមារាអាយុទើបតែ៧ឆ្នាំម្នាក់ អាចរួចជីវិតពីសេចក្តីស្លាប់បាន បន្ទាប់ពីក្មេងប្រុសរូបនេះ បានលោតទម្លាក់ខ្លួនពីលើអគារកម្ពស់១០ជាន់ កាលពីថ្ងៃច័ន្ទដើមសប្តាហ៍នេះ ក្នុងទីក្រុង Suzhou ភាគខាងត្បូងខេត្ត Jiangsu ប្រទេសចិន។

យោងតាមប្រភពសារព័ត៌មាន បានឲ្យដឹងថា ហេតុការណ៍រន្ធត់នេះ បានកើតឡើង បន្ទាប់ពីកុមារារងគ្រោះបានមើលរឿងតុក្កតាច្រើនពេក ដោយឃើញតួអង្គសម្តែងក្នុងគំនូរជីវចល កាន់ឆ័ត្រយោងលោតទម្លាក់ខ្លួនពីលើទីខ្ពស់ ធ្លាក់មកដល់ដីបានដោយសុវត្ថិភាព និងគ្មានគ្រោះថ្នាក់ប៉ះពាល់ដល់អាយុអាជីវិត ទើបបណ្តោយចិត្តឲ្យក្មេងប្រុសខាងលើនេះ ព្យាយាមសាកល្បងធ្វើត្រាប់តាម ដោយកាន់ឆ័ត្ររបស់គេ លោតទម្លាក់ខ្លួនពីលើអគារតាមតែម្តងទៅ។

ជាសំណាងល្អ ដែលកុមារារងគ្រោះអាចនៅរស់រានមានជីវិត បន្ទាប់ពីឆត្ររបស់គេបានធ្លាក់ទាក់ ទៅប៉ះនឹងខ្សែភ្លើងអគ្គីសនី នៅទីសាធារណៈក្នុងទីក្រុង ជាហេតុធ្វើឲ្យបង្អង់ល្បឿននៃការធ្លាក់ ប៉ុន្តែទោះបីជាយ៉ាងណាក្តី កុមារារងគ្រោះនៅតែទទួលរងរបួសធ្ងន់។

ក្រោយកើតហេតុកុមារារងគ្រោះ ក៏ត្រូវបានគេប្រញាប់ប្រញាល់ ដឹកបញ្ជូនទៅសង្គ្រោះបន្ទាន់នៅមន្ទីពេទ្យ។ ឆ្លងតាមរយៈការពិនិត្យយ៉ាងយកចិត្តទុកដាក់ ខាងក្រុមគ្រូពេទ្យបានឲ្យដឹងថា ដោយសារតែស្ថានភាពរបួសធ្ងន់ធ្ងរ ជីវិតរបស់កុមារារងគ្រោះខាងលើនេះ គឺស្ថិតក្រោមការគំរាមកំហែងខ្លាំង ឬអាចនឹងបាត់បង់ជីវិតក៏ថាបាន ៕

Read More

កីឡាករ HONDA បានមកដល់កម្ពុជាហើយ នៅមុននេះបន្តិច

​​​       ប្រភព៖https://www.khmerload.com/news/49317

(ភ្នំពេញ)៖ កីឡាករបាល់ទាត់ជនជាតិជប៉ុន Keisuke HONDA បានធ្វើដំណើរមកដល់កម្ពុជាហើយ នៅមុននេះបន្តិច តាមជើងហោះហើរ EVA Air ច្រកទ្វារ VIP ព្រឹកថ្ងៃទី០៩ មិថុនានេះ ដើម្បីបើកមកបើកសាលាបាល់ទាត់ថ្នាល និងផ្តល់បទពិសោធន៍ពីការលេងបាល់ទាត់ កីឡាករក្មេងៗកម្ពុជា។

សូមបញ្ជាក់ផងដែរថា នេះជាដំណើរទស្សនកិច្ចផ្លូវការលើកទី១ ពីសំណាក់កីឡាករខ្សែប្រយុទ្ធជប៉ុន ដែលកំពុងលេងឲ្យ ក្លឹប AC Milan ក្នុងប្រទេសអ៊ីតាលី ក្រោយពីធ្លាប់មកប្រកួតនៅទឹកដីកម្ពុជា ម្តងដែរកាលពីខែកញ្ញា ឆ្នាំ២០១៥ ក្នុងវគ្គ ជម្រុះ World Cup 2018 ប្រចាំទ្វីបអាស៊ី ជើងទី២ ជុំទី២ ដោយកម្ពុជា បានចាញ់ជប៉ុន ២-០ ក្នុងនោះ ហុងដា ក៏រកបាន១គ្រាប់ផងដែរនៅនាទីចុងម៉ោង៕

ប្រភព ៖ Fresh News

កំណត់ហេតុខ្មែរឡូត៖ នៅចាំបានថា កាលពីឆ្នាំមុន កីឡាករ Honda ក៏បានមកប្រទេសកម្ពុជាម្តងដែរ​ គឺអមជាមួយក្រុមជម្រើសជាតិជប៉ុន ដើម្បីមកប្រកួតជាមួយ ក្រុមជម្រើសកម្ពុជា។

គួររំលឹកផងដែរថា កាលនោះ កីឡាករ Honda ទទួលបានការស្វាគមន៍គាំទ្រច្រើនជាងគេពីសំណាក់បងប្អូនអ្នកគាំទ្រនៅកម្ពុជា ហើយទន្ទឹមនឹងនេះដែរ ក៏មានអ្នកគាំទ្របានថតរូបជាមួយផងដែរ។ 

សូមបញ្ជាក់ផងដែរថា​ កាលនោះក្រុមជម្រើសជាតិកម្ពុជា បានចាញ់ ក្រុមជម្រើសជាតិជប៉ុន ២-០ នៅពហុកីឡដ្ឋានជាតិអូឡាំពិក ក្រោមក្រសែភ្នែកអ្នកគាំទ្រជាង ៦មឺុននាក់ តែទោះជាយ៉ាងណាអ្នកគាំទ្រក៏មានមោទនភាពចំពោះការប្រកួតមួយនេះដែរ។

Read More

ញាក់សាច់! កើត​សោកនាដកម្មទៀតហើយ​​ផ្លូវជាតិលេខ៤

         ប្រភព៖https://www.khmerload.com/news/49324

(ខេត្តព្រះសីហនុ) ៖ សេចក្តីរាយការណ៍បឋមឱ្យ​ដឹងថា មានករណី​គ្រោះថ្នាក់​ចរាចរណ៍​​មួយគួរ​ឱ្យ​រន្ធត់​បំផុត បន្ទាប់​ពី​​​រថយន្ត​២គ្រឿង​​បាន​បុក​គ្នាយ៉ាងពេញទំហឹង បណ្តាល​ឱ្យ​មនុស្ស​២នាក់ស្លាប់ និង​រងរបួស​ធ្ងន់​-ស្រាល​​២នាក់ កាលពីវេលាម៉ោង​១២ថ្ងៃត្រង់ ថ្ងៃ​ទី​០៩ មិថុនា ២០១៦ ស្ថិត​នៅ​​ផ្លូវជាតិលេខ៤ ត្រង់​ចំណុច​ដូង​ក្រអូប​ទឹក​សាប ក្នុងភូមិស្មាច់ដែង ឃុំ​រាម ស្រុកព្រៃនប់ ។

ទោះបីជាយ៉ាងណា មូលហេតុ​ និង​អត្ត​សញ្ញាណ​ជនរងគ្រោះ គេមិនទាន់ដឹង​នៅឡើយទេ ។ ក្រោយ​កើតហេតុ​​ភ្លាម​ៗ កម្លាំង​សមត្ថ​កិច្ចបាន​ចុះ​ទៅ​ជួយ​អន្តរា​គមន៍ ដោយ​ជួយ​ហៅ​រថយន្ត​​ដឹក​ជន​រង​គ្រោះ ​ទៅ​កាន់​មន្ទីរពេទ្យ ​ហើយ​​រថយន្ត​ទាំង​២​គ្រឿង ត្រូវ​ស្ទូច​មក​រក្សា​ទុក​ ដើម្បីរង់ចាំ​ការ​ដោះ​ស្រាយ​បន្ត ។

ប្រភព ៖ កោះសន្តិភាព

កំណត់ហេតុខ្មែរឡូត

នាពេលថ្មីៗនេះ រថយន្តកុងតឺន័រមួយគ្រឿង ពេលកំពុងធ្វើដំណើរទិសដៅ ពីខេត្តព្រះសីហនុ ទៅភ្នំពេញ បានជ្រុលទៅបុករះរថយន្ត៤គ្រឿង បណ្តាលរងការខូចខាតស្ទើរទាំងស្រុង និងបណ្តាលឲ្យមនុស្ស៤នាក់ រងរបួសធ្ងន់ នៅល្ងាចថ្ងៃទី៣០ ខែឧសភា ឆ្នាំ២០១៦នេះ ស្ថិតនៅចំណុចអូត្រាវ ក្រុង-ខេត្តព្រះសីហនុ។

សមត្ថកិច្ចខេត្តព្រះសីហនុ បានបញ្ជាក់ថា រថយន្តកុងតឺន័រ បានបុករថយន្ត Lexus RX300 ហើយជ្រុលទៅបុករថយន្តទួរីស និងរថយន្តធន់តូច (រថយន្តតាក់សីុនៅវាលរេញ) បណ្តាលរថយន្តទាំងនោះ រងការខូចខាតយ៉ាងខ្លាំង ដោយឡែករថយន្តកុងតឺន័រ បានក្រឡាប់ធ្លាក់ផ្លូវផងដែរ។ក្រោយកើតហេតុកម្លាំងសមត្ថកិច្ច ទាំងនគរបាល និងអាវុធហត្ថ បានចុះទៅជួយ អន្តរាគមន៍ដោយហៅរថយន្តពេទ្យ មកដឹកជនរងគ្រោះទៅកាន់មន្ទីរពេទ្យភ្លាមៗ ផងដែរ។

មន្រ្តីនគរបាលខេត្តព្រះសីហនុ បានបញ្ជាក់នៅយប់ថ្ងៃនេះថា ជនរងគ្រោះទាំង៤នាក់នោះ មានជនជាតិបរទេស២នាក់ផងដែរ តែមិនទាន់ស្គាល់អត្តសញ្ញាណនោះទេ៕

Read More

ករណី​ស្រុត​ដី​ធ្លាក់​រថយន្តកាលពិម្សិលមិញនេះ ៖​ សាលា​រាជធានី​ភ្នំពេញ​ឲ្យ​ក្រុមហ៊ុន OCIC ទទួលខុសត្រូវ

             ប្រភព៖https://www.khmerload.com/news/49326

រាជធានី​ភ្នំពេញ ៖ សាលា​រាជធានី​ភ្នំពេញ​បាន​និង​កំពុងធ្វើការ​សម្របសម្រួល​(​អាជ្ញាកណ្តាល​) រវាង​ម្ចាស់​រថយន្ត​និង​ក្រុមហ៊ុន OCIC ដោយ​តម្រូវ​ឲ្យ​ក្រុមហ៊ុន OCIC ទទួលខុសត្រូវ​ក្នុង​ការ​បាក់​ស្រុត​ដី​ធ្លាក់​រថយន្ត​នៅ​ជ្រុង​ប៉ែក​ខាងកើត​ពហុ​កីឡដ្ឋាន​ជាតិ​អូ​ឡាំ​ពិ​ក​កាលពី​រសៀល​ថ្ងៃ​ទី​០៨ មិថុនា​ម្សិលមិញ ។

នេះ​បើ​យោង​តាម​អ្នកនាំពាក្យ​សាលា​រាជធានី​ភ្នំពេញ លោក មាន ចាន់​យ៉ា​ដា ដែល​ប្រាប់​កោះសន្តិភាព​នៅ​ប៉ុន្មាន​នាទី​មុន​នេះ ។

សូម​បញ្ជាក់​ថា អំឡុង​ពេល​ភ្លៀង​ធ្លាក់​ខ្លាំង​កាលពី​ម៉ោងជាង​១​រសៀល​ថ្ងៃ​ទី​០៨ មិថុនា បាន​បណ្តាល​ឲ្យ​ស្រុត​ដី​ធ្លាក់​រថយន្ត​៣​គ្រឿង​នៅ​ជ្រុង​ខាងកើត​ពហុ​កីឡដ្ឋាន​ជាតិ​អូ​ឡាំ​ពិ​ក ។ រថយន្ត​ដែល​គេ​ចត​ទុក​លក់​ទាំង​៣​គ្រឿង​និង​ធ្លាក់​ដោយសារ​ការ​ស្រុត​ដី​ពេល​ភ្លៀង​នោះ​ម៉ាក CRV ២​គ្រឿង (​ព៌​ណ​ទឹកប្រាក់​និង​ព៌​ណ​ស្លែ​) និង​រថយន្ត​ម៉ាក​កាម​រី​បា​ឡែ​ន​០១​គ្រឿង ៕

ប្រភព ៖ កោះសន្តិភាព

កំណត់ហេតុខ្មែរឡូត

គួរឲ្យដឹងថា យ៉ាងហោចណាស់មានរថយន្តចំនួន៣គ្រឿង បានធ្លាក់ចូល ក្រោយពីមានហេតុការណ៍ស្រុតដី នៅជាប់របងស្តាតអូឡាំពិកប៉ែកខាងកើត ក្នុងខណ្ឌ៧មករា នាវេលាម៉ោងប្រមាណ២:១០នាទីរសៀលថ្ងៃទី៨ ខែមិថុនា ឆ្នាំ២០១៦នេះបង្កឲ្យមានការភ្ញាក់ផ្អើលយ៉ាងខ្លាំង ដល់ប្រជាពលរដ្ឋ បានទៅចោមរោមមើល។

សេចក្តីរាយការណ៍ ពីកន្លែងកើតហេតុ បានឲ្យដឹងថា រថយន្តចំនួន៣គ្រឿង ដែលម្ចាស់ចតចោល នៅជាប់របងការដ្ឋានសំណង់ បានធ្លាក់ចូល ក្រោយពេលមានភ្លៀងធ្លាក់មួយមេធំ នៅរសៀលថ្ងៃនេះ តែមិនមានព័ត៌មាន ពីគ្រោះថ្នាក់ដល់ មនុស្សនោះទេ។ នៅពេលនេះកម្លាំងសមត្ថកិច្ចជាច្រើននាក់ បានចុះទៅជួយអន្តរាគមន៍៕

Read More

ដល់ក! ប្រពន្ធ​និង​សហាយ​កំពុង​ឡើងឋានសួគ៌​នៅផ្ទះ​សំណាក់ ត្រូវ​ប្តី​តាម​ទាន់

ប្រភព៖https://www.khmerload.com/news/49333

រាជធានី​ភ្នំពេញ ៖ ស្ត្រី​ម្នាក់​ត្រូវ​បាន​ប្តី​និង​កូន​២​នាក់​តាម​ទាន់​ខណៈ​កំពុង​នាំ​សហាយ​ឡើងឋានសួគ៌​នៅផ្ទះ​សំណាក់​«​សំណាងល្អ​ថ្មី​»​ដែល​មា​នទី​តាំងនៅ​តាម​បណ្ដោយ​ផ្លូវ​លេខ​៣០៤ ស្ថិត​ក្នុង​សង្កាត់​អូ​ឡាំ​ពិ​ក ខណ្ឌចំការមន បង្ក​ឲ្យ​មានការ​ភ្ញាក់ផ្អើល​យ៉ាង​ខ្លាំង​កាលពី​វេលា​ម៉ោង​១០ និង​២៥​នាទី​ព្រឹក ថ្ងៃ​ទី​៩ ខែមិថុនា ឆ្នាំ​២០១៦ ។

សមត្ថកិច្ច​បាន​ឲ្យ​ដឹង ស្ត្រី​ជា​ប្រពន្ធ​ឈ្មោះ គី​ម ឡាយ អាយុ​៤២​ឆ្នាំ ជា​ជនជាតិ​វៀតណាម បាន​នាំ​សាហា​យ​របស់​នាង​ជា​អ្នក​រើស​អេ​ត​ចាយ​ឈ្មោះ ជឿន ថា​ន​ភុង អាយុ​៣២​ឆ្នាំ ជនជាតិ​វៀតណាម​ដូច​គ្នា​ទៅ​ឡើងផ្ទះ​សំណាក់​សំណាង​ថ្មី បន្ទប់​លេខ​១០៥ ជាន់​ទី​១ ។ ចំណែក​បុរស​ជា​ប្តី​ឈ្មោះ លុក ហ៊ី អាយុ​៥១​ឆ្នាំ មុខរបរ​រកស៊ី ស្នាក់​នៅ​ម្តុំ​បឹង​ត្របែក​ខណ្ឌចំការមន ។

សមត្ថកិច្ច​បាន​ឲ្យ​ដឹង​ទៀត​ថា មុន​ពេល​កើតហេតុ​ ស្ត្រី​ជនជាតិ​វៀតណាម​រូប​នោះ​និង​អ្នក​រើស​អេ​ត​ចាយ​ម្នាក់​បាន​ជិះ​ម៉ូតូឌុប​គ្នា​មក​«ផ្ទះសំណាក់​សំណាង​ថ្មី​»ហើយ​ក៏​បាន​គ្នា​ឡើងឋានសួគ៌​ទាំង​ព្រឹក ខណៈនោះ​ស្រាប់តែ​ប្តី និង​កូនប្រុស​២​នាក់​បាន​តាម​មក​ទាន់ ក៏​បាន​ប្តឹង​សមត្ថកិច្ច​ប៉ុស្តិ៍​អូ​ឡាំ​ពិ​ក​ឲ្យ​ជួយ​ឃាត់ខ្លួន​បាន​ទាំង​២​នាក់​តែ​ម្តង ។

ក្រោយ​ពេល​កើតហេតុ ស្ត្រី​ជា​ប្រពន្ធ​និង​សាហា​យ​ជនជាតិ​វៀតណាម​ទាំង​២​នាក់​ត្រូវ​បាន​សមត្ថកិច្ច​នាំ​ខ្លួន​ទៅ​ប៉ុស្តិ៍​នគរបាល​រដ្ឋបាល​អូ​ឡាំ​ពិ​ក​ដើម្បី​ធ្វើការ​សាកសួរ និង​កសាង​សំណុំរឿង​ចាត់ការ​តាម​និ​តិ​វិធី​ច្បាប់ ៕

ប្រភព ៖ កោះសន្តិភាព

ចំណាប់អារម្មណ៍ខ្មែរឡូត

ឆ្ងល់​ផ្ញើ​លុយ​ឱ្យ​ប្រពន្ធ​ អស់​ច្រើន​ហើយ​នៅ​តែ​ថា ចាយ​មិន​គ្រប់ ជិះ​ពី​បន្ទាយ​មាន​ជ័យ​មក ឃើញ​ប្រពន្ធ​កំពុង​សហាយស្មន់។ គួរឲ្យដឹងថា ស្រី្ត​វ័យ​​ជាង​​៣០​ឆ្នាំ​​ម្នាក់ មាន​ប្តី​និង​កូន​៣​នាក់​​ទៅ​ហើយ​មិន​គ្រប់គ្រាន់​​ទៀត នាង​បាន​​បង្កើត​ស្នេហ៍​ថ្មី​លួច​លាក់ មាន​​សហាយស្មន់ ​ជាមួយ​បុរស​ពោះម៉ាយ​កូន​មួយម្នាក់​​ទៀត​យ៉ាង​ត្រេកត្រអាល ដែល​បុរស​​ជា​ប្រុស​សហាយ​នោះ​ គឺជា​មិត្តភក្ដិ​បុរស​​ជា​ប្ដី​របស់​ខ្លួន ដែល​មានមុខរ​បរ​ជា​កម្មករ​សំណង់​ដូច​គ្នា​ ។

លុះ​​ពេល​​បុរស​ជា​ប្ដី​ចាកចេញ​ទៅ​ធ្វើ​ការងារ​នៅ​ឯ​ខេត្តបន្ទាយមានជ័យ​​បាត់ រយៈពេល​ជាង​១​ខែ ​ស្ត្រី​រូប​នោះ​បាន​​សាង​ភាព ផ្អែម​ល្ហែម​​ជាមួយ​បុរស​​ ដែល​ជា​ប្រុស​សហាយ​ និង​បាន​រួមរ័ក​ជាមួយ​គ្នា​​ជា​ញឹកញាប់ ព្រមទាំង​សុំ​លុយ​ពី​​ប្ដី ​ទៅ​ឱ្យប្រុស​ស្នេហ៍​​ចាយវាយ​ជា​​បន្តបន្ទាប់​ថែម​ទៀត​ផង ។

ក្រោយ​​ពី​វេរ​លុយ​តាម​វី​ង​ឱ្យ​​ប្រពន្ធ​ជា​បន្តបន្ទាប់ ហើយ​មិន​ចេះ​គ្រប់គ្រាន់​នៅ​តែ​សុំ​ទៀត ​ធ្វើ​ឱ្យ​​មានការ​ងឿងឆ្ងល់​ ទើប​បុរស​ជា​ប្ដី​បាន​ធ្វើ​ដំណើរ​មក​ពី​ខេត្ត​បន្ទាយ​មាន​ជ័យ ដើម្បី​តាមដាន​ប្រពន្ធ ​ហើយ​ពេល​​មក​ដល់​ផ្ទះ​នៅ​រាជធានី​ភ្នំពេញ មិន​បានឃើញ​​ប្រពន្ធ​នៅផ្ទះ ទេ ក៏​បាន​សួរ​អ្នក​​ជិតខាង​ ទើប​ដឹង​​ពី​កន្លែង​ដែល​ប្រពន្ធ និង​ប្រុស​សហាយ​ខណៈ​កំពុង​ក្រេប​ទឹក​ឃ្មុំ​ជាមួយ​គ្នា ​ក៏​បាន​​បិទទ្វារ​បន្ទប់ រួច​​ហៅ​ប៉ូលិស​ឱ្យ​​ចាប់ខ្លួន​ទាំង​២នាក់​តែ​ម្ដង​ ។

ហេតុ​ការ​ណ៍​​ប្ដី​តាម​ទាន់​ប្រពន្ធ​លួច​មាន​សហាយ​ និង​ប្ដឹង​ឱ្យ​​​​ប៉ូ​លិ​​ស​ចាប់ខ្លួន​នោះ បាន​កើត​ឡើង​កាលពី​វេលា​ម៉ោង​១១​ និង​៥០​នាទី ព្រឹក​​ថ្ងៃ​ទី​០៤ ​កុម្ភ​: ​២០១៦​ ស្ថិត​នៅ​ក្នុងផ្ទះ​ជួល​​របស់​ប្រុស​សហាយ​ ​ក្នុងភូមិ​ត្រពាំង​ថ្លឹង សង្កាត់​ចោម​ចៅ​ ខណ្ឌ​ពោធិ៍​សែន​ជ័យ រាជ​ធានី​​ភ្នំពេញ​ ។

ស្ត្រី​ផឹ​ត​ក្បត់​​ប្តី​នោះ​​ឈ្មោះ​ឯម ច្រឹប អាយុ​៣៥​ឆ្នាំ​ មុខរបរ​នៅផ្ទះ​​មើលថែ​កូន ស្នាក់​នៅ​ភូមិ​ថ្មគោល សង្កាត់​ចោម​ចៅ ខណ្ឌ​ពោធិ៍​សែន​ជ័យ​ និង​មានស្រុក​កំណើត​នៅ​ក្នុងភូមិ​ត្រពាំង​ឈូក ឃុំ​លាយ​បូរ ស្រុក​ត្រាំកក់ ខេត្តតាកែវ ។​ ចំណែក​បុរស​ជា​ប្តី​​ឈ្មោះ​និ​មន អាយុ​៤៩​ឆ្នាំ ជា​កម្មករ​សំណង់​ ដែល​តែងតែ​ទៅ​ធ្វើការនៅ​​ឆ្ងាយ ហើយ​១​ខែ​ចុង​ក្រោយ​​នេះ បាន​ទៅ​ធ្វើ​កា​​រសំណង់​នៅ​ឯ​ខេត្ត​បន្ទាយ​មាន​ជ័យ ។ ដោយឡែក​ បុរស​ដែល​ជា​សាហា​យ​ស្ម​ន់​ឈ្មោះ​គង់ ចំរើន អាយុ​៤៥​ឆ្នាំ​ ជា​បុរស​ពោះម៉ាយ​កូន​​មួយ ដែល​បាន​​លែងលះ​ប្រពន្ធ ​និងត្រូវជា​មិត្តភក្ដិ​របស់​បុរស​ជា​ប្តី ​និង​មានមុខ​បរជា​កម្មករ​សំណង់​ជាមួយ​គ្នា ស្នាក់​នៅផ្ទះ​ជួល​​កើតហេតុ​ខាងលើ ។

ប្រភព​ពី​បុរស​​​ជា​ប្តី​​រៀបរាប់​ទាំង​ហួសចិត្ត​​ថា គាត់​និង​ប្រពន្ធ​បាន​​រៀប​ការ​ជាមួយ​គ្នា​​​រយៈពេល​ច្រើន​ឆ្នាំ​មក​ហើយ ​ចំណងដៃ​គឺ​​បានកូន​ប្រុស​-ស្រី​ចំនួន​​៣​នាក់​ ។ មិនតែប៉ុណ្ណោះ​ រវាង​គាត់​ប្រុស​សហាយ​ គឺជា​មិត្តភក្ដិ​យ៉ាង​ជិត​ស្និទ្ធ រួមការ​ងារ​ជាមួយ​គ្នា​ ​ហើយ​រយៈពេល​១​​ឆ្នាំ​កន្លង​មក ​គាត់​តែងតែ​ចេញ​ធ្វើ​ការងារ​​សំណង់​នៅ​ឯ​ទី​ឆ្ងាយ​ៗ​ មិនសូវ​ជា​មាន​ពេលវេលា​គ្រប់​គ្រាន់ នៅ​រួមរស់​ជាមួយ​ប្រពន្ធ​ឡើយ​ ។ ព្រោះតែ​ជីវភាព​គ្រួសារ​ ទើប​ខិតខំ​តស៊ូ​រក​​ប្រាក់​កម្រៃ ដើម្បី​ចិញ្ចឹម​ប្រពន្ធ​-កូន​ ដោយ​ទុកចិត្ត​ប្រពន្ធ១០០% មិន​ដែល​គិត​ថា ប្រពន្ធ​ផិតក្បត់​បែប​នេះ​ឡើយ ​។ ហើយ​ទោះជា​ចាកចេញ​ទៅ​ឆ្ងាយ ​ក៏​ពិតមែន ប៉ុន្តែ​គាត់​មិន​ដែល​ផ្ដេសផ្ដាស​ក្បត់​ចិត្ត​ប្រពន្ធ​កូន​ឡើយ គាត់​បាន​ខំ​សន្សំ​​លុយកាក់ និង​បាន​ផ្ញើ​​មក​ឱ្យ​​នាង​ជា​ប្រពន្ធ​ មិន​ដែល​ខកខាន​ម្ដង​ណា​ទេ ​។

បុរស​នោះ​បាន​​បន្ត​ថា នៅ​ចុង​ក្រោយ​នេះ ​គាត់​បាន​ចាកចេញ​ទៅ​ធ្វើការ​នៅ​ឯ​ខេត្តបន្ទាយមានជ័យ អស់​រយៈពេល​១​ខែ​កន្លង​​មក​ហើយ​ ​ព្រោះ​ត្រូវ​​បាន​មេការ​សំណង់​ចាត់​ឱ្យ​​ទៅ​ទីនោះ ។ ចំណែក​បុរស​ឈ្មោះ​គង់ ចំរើន​ មិន​បាន​ទៅ​ជាមួយ​គាត់​នោះ​ឡើយ​ ។ គាត់​​មិន​បានដឹង​ថា ប្រពន្ធ​គាត់​និង​​បុរស​នោះ​​មាន​ទំនាក់ទំនង​ស្នេហា​ជាមួយ​គ្នា​ចាប់តាំងពី​ពេល​ណា​នោះ​ទេ​ ។ ប៉ុន្តែ​ទំនង​តាំងពី​មុន​ពេល​​ដែល​គាត់​ចាកចេញ​ទៅ​ធ្វើការ​នៅ​ឯ​ខេត្តបន្ទាយមានជ័យ​មកម្ល៉េះ ។ ហើយ​អ្វី​ដែល​គាត់​ទុកចិត្ត​ប្រពន្ធ​​នោះ គឺ​ដោយ​សារ​តែ​កន្លង​​មក​ គាត់​ស្រលាញ់​នាង​ខ្លាំង​ណាស់​ មិន​ដែល​ធ្វើបាប​នាង​ម្ដងណា​​ឡើយ ។ ផ្ទុយ​ទៅ​វិញ ​បែរជា​មានរឿង​ផិតក្បត់​​កើតឡើង​បែប​នេះ​ គួរ​ឲ្យ​សោកស្ដាយ​ខ្លាំង​ណាស់ ។

ប្រភព​​ដដែល​បន្ត​ឱ្យ​ដឹង​ថា​ អ្វី​ដែល​ធ្វើ​ឲ្យ​​គាត់​មានការ​សង្ស័យ​ទៅ​លើ​ប្រពន្ធ​នោះ គឺ​ដោយសារ​តែ​គាត់​ផ្ញើ​​លុយ​ឱ្យ​​ចាយ​រហូត ប៉ុន្តែ​ត្រឹម​រយៈ​ពេល​ខ្លី​ប៉ុណ្ណោះ​ ប្រពន្ធ​បាន​ខ​ល​​សុំ​លុយ​ថែម​​ទៀត​ដោយ​ប្រាប់​ថា ចាយ​មិន​​គ្រប់​ ហើយ​ប៉ុន្មាន​ថ្ងៃមុន​នេះ​ ប្រពន្ធ​បាន​សុំ​លុយ​​ទៀត ខណៈនោះ​គាត់​បាន​ផ្ញើ​​លុយ​ចំនួន​៤០០​​ដុល្លារ ​ហើយ​មិនយូរ​ប៉ុន្មានក៏បាន​ប្រាប់​ថា ​លុយ​នោះ​ចាយ​អស់ហើយ និង​​បាន​សុំ​​​ថែម​ចំនួន​១០០០​ដុល្លារ​ទៀត​ ។ ពេល​នោះ​ គាត់​មិន​បាន​មាត់.ក​អ្វី​ទេ​ ក៏​បាន​ផ្ញើ​ឱ្យ​ចំនួន​១.០០០​ដុល្លារ​ទៀត ។

​ប៉ុន្តែ​ដោយ​​ការ​ងឿងឆ្ងល់ នៅ​រសៀល​ថ្ងៃ​ទី០៣ ​កុម្ភ​: ​គាត់​បាន​លួច​ធ្វើ​​ដំណើរ​ត្រឡប់​មក​ផ្ទះ​​នៅ​ភ្នំពេញ​វិញ​ ដើម្បី​តាមដាន​ប្រពន្ធ​។​លុះ​​ពេល​ទៅ​ដល់ មិន​បានឃើញ​ប្រពន្ធ​នៅផ្ទះ​ឡើយ​ ក៏​បាន​សួរ​អ្នកជិតខាងទើប​ដឹង​ថា ​ប្រពន្ធ​គាត់ចេញ​បាត់​ពី​ផ្ទះ​រហូត ​មិន​ដែល​នៅផ្ទះ​ទេ ​ហើយ​អ្នក​ជិតខាង​បាន​ប្រាប់​ពី​គោលដៅ​ដែល​ប្រពន្ធ​គាត់​តែង​ទៅ​រាល់ថ្ងៃ​ គឺ​បន្ទប់​ផ្ទះ​ជួល​​ដែល​មិត្តភក្ដិ​របស់​គាត់​ឈ្មោះ គង់ ចំរើន ស្នាក់​​នៅ​ ។

បុរស​ខាងលើ​​​បន្ត​ថា លុះដល់​ព្រឹក​ថ្ងៃ​ទី​០៤ ​កុម្ភ​: គាត់​បាន​តាម​ទាន់​​ប្រពន្ធ​កំពុង​ស្ថិត​នៅ​ក្នុង​បន្ទប់​ជួល​របស់​ប្រុស​សហាយ​​យ៉ាង​ល្អូក​ល្អឺ​ន​​ជាមួយ​គ្នា​ ដូច​ជាល​លក​ញី​-ឈ្មោល ទើប​គាត់​ចាក់សោ​​ទ្វារផ្ទះ​ពី​​ក្រៅ​ និង​ប្តឹង​សមត្ថ​កិច្ច​ឱ្យ​​ជួយ​​ឃាត់​បាន​​ទាំង​២​នាក់​តែ​ម្ដង​។​បន្ទាប់​​មក ​បាន​សំណូមពរ​ឱ្យ​សមត្ថ​កិច្ច​​នាំ​អ្នក​ទាំង​ពីរ​ទៅ​​ប៉ុស្តិ៍​​ចោម​ចៅ ដើម្បី​សួរនាំ​ ។ ​ចំណែក​រូប​គាត់​ជា​ប្ដី​ បាន​សម្រេចចិត្ត​​ថា សុខ​ចិត្ត​បំពេញ​បំណង​ប្រពន្ធ​ទៅ​​ចុះ គាត់​​មិន​បំបែក​នាង​ពី​ប្រុស​​សហាយ​នោះ​ឡើយ ។ គាត់​សុខចិត្ត​លះបង់​នាង​ទៅ​​ឱ្យ​បុរស​ជា​មិត្ត​ភក្ដិ​ម្នាក់​នោះ​ គាត់​មិន​អាច​យក​មនុស្ស​ស្រី​​ ផិតក្បត់​ធ្វើ​ជា​ប្រពន្ធ​​តទៅ​ទៀត​នោះ​ទេ​ ។

ដោយឡែក​ បុរស​ឈ្មោះ​គង់​ ចំរើន ដែល​ជាប់ចោទ​ថា​ ជា​ប្រុស​សហាយ​នោះបាន​និយាយ​ថា ​ខ្លួន​ពិតជា​បាន​លួច​​សហាយស្មន់​ជាមួយ​​ស្ត្រី​ម្នាក់​នោះ​មែ​ន ហើយ​ពេល​នេះ​​ បើសិន​ជា​ប្ដី​របស់​នាង​​និង​​នាង​លែងលះ​គ្នា​​ដាច់ស្រេច​ ខ្លួន​សុខចិត្ត​ទទួលយក​នាង​ធ្វើ​ជា​ប្រពន្ធ​ ​ព្រោះ​ខ្លួន​ក៏​ជា​ពោះម៉ាយ​កូន​មួយ​​​ ។

Read More

ការកត់សម្គាល់ចំនួន ៦ចំនុច ដែលអ្នកមិនបានដឹង ក្នុងពេលលោកអូបាម៉ា ទទួលទានអាហារ តម្លៃ ៦ដុល្លារ នៅហាណូយ

     ប្រភព៖https://www.khmerload.com/news/48757

វៀតណាម៖ នាពេលថ្មីៗនេះ មនុស្សជាច្រើន ក៏ដូចជាអ្នកនិយមប្រើប្រាស់បណ្តាញសង្គម មានការភ្ញាក់ផ្អើល និងចាប់អារម្មណ៍ជាខ្លាំង ជុំវិញរូបភាពរបស់ លោកប្រធានាធិបតីសហរដ្ឋអាមេរិក បារ៉ាក់ អូបាម៉ា បានចូលទៅពិសាអាហារ ដែលមានតម្លៃត្រឹម៦ដុល្លារ នៅក្នុងហាងលក់អាហារ ដ៏សាមញ្ញមួយកន្លែង នៃទីក្រុងហាណូយ ប្រទេសវៀតណាម។

យោងតាមប្រភពព័ត៌មាន ប៊ីប៊ីស៊ី បានឲ្យដឹងថា លោកប្រធានាធិបតីសហរដ្ឋអាមេរិក បារ៉ាក់ អូបាម៉ា បានចូលទៅពិសាអាហារ នៅក្នុងហាងកន្លែងកាលពីថ្ងៃអង្គារ ជាមួយនឹងលោក Anthony Bourdain មេចុងភៅដ៏ល្បីឈ្មោះមួយរូប ហើយក៏ត្រូវបានគេស្គាល់ថា ជាអ្នកដែលចូលចិត្ត ភ្លក្សរសជាតិអាហារ នៅតាមដងផ្លូវផងដែរ។

យ៉ាងណាមិញ ក្រៅពីទិដ្ឋភាពទាំងនោះហើយ នៅមាន៦ចំណុចផ្សេងទៀត ដែលប្រិយមិត្តប្រហែលជាមិនបានចាប់អារម្មណ៍ ជុំវិញសកម្មភាពនៃការពិសាអាហារ របស់លោក បារ៉ាក់ អូបាម៉ា នៅឡើយ។សូមតាមដានចំនុចខាងក្រោមទាំងអស់គ្នា៖

១.គ្មានអ្នកណា នៅក្នុងហាងនោះ មើលទៅដូចជាស្គាល់លោក បារ៉ាក់ អូបាម៉ា ឡើយ

បើយើងមើលនៅក្នុងរូបថត យើងអាចឃើញយ៉ាងច្បាស់ថា អ្នកដែលទទួលទាន អាហារនៅក្នុងហាងនោះ មិនមានភាពភ្ញាក់ផ្អើល ឬក៏ច្របូកច្របល់អ្វីឡើយ នៅពេលដែលមានវត្តមាន របស់ប្រធានាធិបតីអាមេរិក ចូលក្នុងហាងអាហារ ដ៏សាមញ្ញ និងអង្គុយនៅតុក្បែរពួកគេនោះ។

ក្នុងនោះដែរ អ្នកកាសែតសញ្ជាតិប្រេស៊ីល Sofia Perpetua បានសរសេរនៅលើ បណ្តាញសង្គមថា “ខ្ញុំពិតជាចូលចិត្តអំពីរបៀប នៃអ្នកទទួលទានអាហារទាំងនោះ ក្នុងការធ្វើពុតដូចជា ពួកគេមិនស្គាល់ថា អ្នកណាកំពុងអង្គុយ ក្បែរគេអញ្ចឹង”។

តែយ៉ាងណាមិញ នៅពេលដែលលោក អូបាម៉ា ចេញពីហាងអាហារនោះ មនុស្សជាច្រើន ដែលរង់ចាំនៅខាងក្រៅ គឺពិតជាសប្បាយរីករាយ និងច្រួលច្របល់ ខ្លាំងមែនទែន។

២.ការរៀបចំអាហារ មានភាពស៊ីមេទ្រី

មុខម្ហូប Bun Cha របស់វៀតណាម គឺជាប្រភេទអាហារដែលមាន សាច់ជ្រូកអាំង និងនំបញ្ចុក ព្រមទាំងបន្លែមួយចំនួន បូករួមជាមួយនឹង ស្រាបៀរថែមទៀត គឺរឹតតែពិសេស។ តែអ្វីដែលធ្វើឲ្យ មានការជជែកវែកញែកខ្លាំង នៅលើបណ្តាញសង្គម នោះគឺទីតាំងនៃការដាក់អាហារ។

អ្នកប្រើប្រាស់បណ្តាញសង្គមម្នាក់ បានបញ្ចេញមតិថា “ការដាក់អាហារ ឲ្យត្រង់ជួរល្អឥតខ្ចោះពេក ពិតជាធ្វើឲ្យខ្ញុំទើសចិត្តមែន។ ជាពិសេសគឺរបៀបនៃការ ដាក់ចានគោម ចាន និងចង្កឹះ នៅលើតុ”។

ក្នុងនោះក៏មានអ្នកបញ្ចេញមតិ ផ្សេងទៀតលើកឡើងថា “ការបរិភោគអាហារ ដែលមានការដាក់ចាន មានទីតាំងត្រឹមត្រូវល្អ ពិតជារឿងដ៏អស្ចារ្យ និងឆ្លាតមែន”។ 

៣.ការដាក់ចង្កឹះរបស់លោកប្រធានាធិបតី ពិតជាសកម្មភាព ដ៏ល្អឥតខ្ចោះ ក៏ប៉ុន្តែ..

Anthony Bourdain មេចុងភៅដ៏ល្បី បានធ្វើការសរសើរ អំពីរបៀបនៃការដាក់ចង្កឹះ របស់លោក បារ៉ាក់ អូបាម៉ា ហើយគ្រប់គ្នាក៏យល់ស្រប តាមហ្នឹងផងដែរ។ ដោយក្នុងនោះ លោក Bourdain បានសរសេសនៅលើទំព័រ Twitter ផ្ទាល់ខ្លួនរបស់លោកថា “ខ្ញុំពិតជាមាន មោទនភាពចំពោះ លោកប្រធានាធិបតីណាស់ ដែលគាត់បានដាក់ចង្កឹះ យ៉ាងមានសណ្តាប់ធ្នាប់ នៅលើចានគោម និងមិនដោតវាចូលក្នុងនំបញ្ចុក (សញ្ញាបង្ហាញអំពីភាពមិនគួរសម និងមិនគោរពជាខ្លាំង)”។

យ៉ាងណាមិញ នៅលើរូបភាពបង្ហាញ ពីជ្រុងម្ខាងទៀត ក៏មានអ្នកនិយមប្រើប្រាស់ បណ្តាញសង្គម ធ្វើការលើកឡើងថា “តើមានតែខ្ញុំ ឬក៏មានអ្នកផ្សេងទៀត ដែលមិនបានដឹងថា ក្រដាសគម្របចង្កឹះពណ៌ក្រហម បានជ្រុះនៅលើឥដ្ឋ?” 

៤.ជើងម៉ាប្លាស្ទិក និងស្រាបៀរហាណូយ

នេះគឺជាសកម្មភាព ដ៏គួរឲ្យគោរពមួយ ដែលលោកប្រធានាធិបតីអាមេរិក រូបនេះមិនបានប្រកាន់ឬកអ្វីឡើយ ពោលគឺលោកអាចអង្គុយ នៅលើជើងម៉ាប្លាស្ទិក ដូចជាប្រជាជនវៀតណាមទូទៅ នៅក្នុងហាងនោះ ព្រមទាំងទទួលទាន ស្រាបៀរហាណូយ ផងដែរ។ 

៥.តើប្រធានបទអ្វី ដែលលោក អូបាម៉ា និងលោក Bourdain ពិភាក្សាគ្នា ក្នុងពេលទទួលទានអាហារ?

នេះក៏ជាសំណួរមួយ ដែលមានការជជែកវែកញែកគ្នា យ៉ាងក្តៅគគុក នៅតាមបណ្តាញសង្គម នានាផងដែរ។ ដោយក្នុងនោះគេចង់ដឹងថា តើប្រធានបទអ្វី ដែលមេចុងភៅដ៏ល្បីបំផុតមួយ នៅលើពិភពលោក និងអ្នកដឹកនាំដ៏មានឥទ្ធិពលបំផុត របស់ពិភពលោក លើកយកមកពិភាក្សាគ្នា និងជជែកវែកញែក ក្នុងអំឡុងពេលទទួលទាន អាហារ។ 

៦.តើរូបថតទាំងនេះ ថតឡើងដើម្បីអ្វីឲ្យប្រាកដ?

នេះក៏ជាសំណួរមួយ ដែលត្រូវបានទទួលការ ចាប់អារម្មណ៍ខ្លាំងនៅលើ បណ្តាញសង្គម ផងដែរ ដោយក្នុងនោះ មានការលើកជាចម្ងល់ច្រើនថា តើរូបថតទាំងនេះ ថតឡើងគឺដើម្បីអ្វីឲ្យប្រាកដ។ ដោយក្នុងនោះ មានអ្នកប្រើប្រាស់បណ្តាញសង្គម Instagram ម្នាក់បានលើកជាសំណួរថា “តើពួកគាត់មានគម្រោងអ្វី? ឬមួយក៏ពួកគាត់ កំពុងតែថតដើម្បី ទុកសម្រាប់កម្មវិធីរបស់ Bourdain?”។ ក្នុងនោះដែរ ក៏មានអ្នកកាសែតម្នាក់ លើកឡើងផងដែរថា “ទិដ្ឋភាពក្នុងការទទួលទានអាហារនេះ នឹងធ្វើការចាក់ផ្សាយ នៅអំឡុងខែកញ្ញាខាងមុខ”។

ទាំងនេះគឺជាចំណុចទាំង៦យ៉ាង ដែលប្រិយមិត្តយើងប្រហែល ជាមិនបានចាប់អារម្មណ៍ តែវាគឺជាប្រធានបទ ដ៏ពេញនិយមដែលមាន ការជជែកវែកញែកគ្នា នៅលើបណ្តាញសង្គម របស់បរទេស៕ 

Read More

សម្តេចតេជោ ហ៊ុន សែន ថាឆ្នាំនេះអាច រៀបចំព្រះរាជពិធី បុណ្យអុំទូក បានព្រោះកម្រិតទឹក មិនទាប ដូចឆ្នាំមុនទេ

          ប្រភពៈhttps://www.khmerload.com/news/48762

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានប្រកាសថា នៅឆ្នាំនេះ ព្រះរាជពិធីបុណ្យអុំទូកនៅក្នុងរាជធានីភ្នំពេញ អាច រៀបចំធ្វើបាន ព្រោះកម្រិតទឹកមិនទាបដូចឆ្នាំកន្លងទៅនោះឡើយ។

ការថ្លែងបញ្ជាក់របស់សម្តេច បានធ្វើឡើងនៅក្នុងពិធីប្រគល់សញ្ញាបត្រដល់និស្សិតសាកលវិទ្យាអាស៊ីអឺរ៉ុប នៅវិទ្យាស្ថានជាតិអប់រំនាព្រឹកថ្ងៃទី ២៥ ខែឧសភា ឆ្នាំ២០១៦នេះ។ សម្តេចតេជោ ហ៊ុន សែន បានថ្លែងបញ្ជាក់ថា «ហើយធ្វើម៉េចជម្រៅទឹកត្រូវឲ្យល្អបំផុត ដែលត្រូវអុំទូក ព្រោះបើមិនអុំទៀត គឺឡើងពីរឆ្នាំជាប់គ្នា ឆ្នាំនេះត្រូវតែអុំ អ៊ីចឹងត្រៀមទូកងឲ្យហើយទៅ! អុំបាន។ ប៉ុន្តែឆ្នាំទៅ បើអុំប្រហែលជាមានបញ្ហា ព្រោះអាទឹក ដែលមិនត្រូវខ្នាតនេះ គឺនឹងធ្វើឲ្យលំបាកសម្រាប់ចំណុះទូកអុំ»។

សូមបញ្ជាក់ថា ព្រះរាជពិធីបុណ្យអុំទូក តែងតែប្រារព្ធធ្វើឡើងនៅក្នុងខែវិច្ឆិកា ជារៀងរាល់ឆ្នាំ។ តែនៅឆ្នាំ២០១៥កន្លងទៅ ព្រះរាជពិធីនេះមិន ត្រូវបានប្រារព្ធឡើងនោះឡើយ ដោយសារតែទឹកទន្លេបួនមុខមានកម្រិតទាបខ្លាំង ដែលបង្កការលំបាកក្នុងការអុំទូក។ កាលពីឆ្នាំ២០១១ ២០១២ ២០១៣ ព្រះរាជពិធីបុណ្យអុំទូក ក៏ត្រូវបានផ្អាកផងដែរ ដោយសារកម្ពុជាជួបគ្រោះទឹកជំនន់ និង ត្រូវកាន់ព្រះរាជមរណទុក្ខ៕

Read More

ទុកជាបទពិសោធន៍ សំរាប់ឪពុកម្តាយគ្រប់រូប! លទ្ធផល ភ្លេចកូនចោលក្នុងឡាន គឺបែបនេះ

ប្រភពពី៖http://www.khmerload.com/news/39094

ចិន៖ វាគឺជារឿងដ៏គួឲ្យ ប្រុងប្រយ័ត្នមួយ សំរាប់ឪពុកម្តាយ គ្រប់រូប ដែលតែងតែ មានការធ្វេសប្រហែស ជាមួយនឹង កូនតូចៗ របស់ខ្លួន បើទោះជា រវល់នឹងការងារ យ៉ាងណាក៏ដោយ។

រថយន្តទុកចោលកណ្តាលថ្ងៃ
ជាក់ស្តែង កាលពីពេលថ្មីៗនេះ ក្មេងប្រុស អាយុ៤ឆ្នាំម្នាក់ មកពីខេត្ត Hunan បានស្លាប់បាត់បង់ជីវិត ដោយសារជាប់នៅក្នុងរថយន្ត ផ្នែកកៅអីក្រោយ ខណ:ពេលដែល អាកាសធាតុក្តៅខ្លាំង ធ្វើឲ្យក្មេងប្រុសរងគ្រោះ មិនអាចទ្រាំទ្រនឹងកម្តៅក្នុងរថយន្តបាន។

យោងតាមប្រភពសារព័ត៌មាន បានឲ្យដឹងថា ក្មេងប្រុស រងគ្រោះឈ្មោះ Xiaotian នៅថ្ងៃកើតហេតុ បានធ្វើដំណើរជាមួយក្រុមគ្រួសារ ទៅទទួលវ៉ាក់សាំងការពារជំងឺ។ ប៉ុន្តែនៅពេលដែលត្រឡប់មកផ្ទះវិញ វេលាម៉ោងប្រហែល ១១ព្រឹក គ្រួសារក្មេងរងគ្រោះ បានភ្លេចយក Xiaotian ចេញពីឡាន ដែលរូបគេកំពុងគេង នៅកៅអីក្រោយតែម្នាក់ឯង រួចក៏នាំគ្នាឡើងទៅ បរិភោគអាហារនៅផ្ទះសាច់ញាតិ នៅជាន់ទី១៥ លើខុនដូមួយកន្លែង។ លុះមកទល់ម៉ោងប្រហែល ៥ល្ងាច ក្រុមគ្រួសារទាំងមូល ចាប់អារម្មណ៍ថា បាត់ Xiaotian ទើបចាប់ផ្តើមមានការភ្ញាក់ផ្អើល ដើររក។

ប្រភពឲ្យដឹងទៀតថា Xiaotain ជាប់ក្នុងរថយន្ត ដែលមានសីតុណ្ហភាពក្នុងនោះ ដល់ទៅ ៤០អង្សារសេ បានស្លាប់ មុនពេលក្រុមគ្រួសាររកឃើញ។ ទោះបីជាភ្លាមៗ ក្រុមគ្រួសារក្មេងរងគ្រោះ ហៅឡានពេទ្យ ដើម្បីជួយសង្គ្រោះ ក៏ដោយ តែវាបានហួសពេល អស់ទៅហើយ។ គិលានុបដ្ឋាយិកា​ម្នាក់ បានប្រាប់ដល់ សារព័ត៌មានថា ក្មេងរងគ្រោះ ទំនងជាស្លាប់មុនពេល ឪពុកម្តាយរបស់គេ បានរកឃើញ យូរដែរមកហើយ៕

រូបភាពវាស់សីតុណ្ហភាពក្នុងរថយន្ត

Read More

ប៉ុន្មាន​ម៉ាត់​យ៉ាង​ខ្លី វៀតណាម​ថា កំពុង​បញ្ជា​ឱ្យ ​អាជ្ញាធរ​មូលដ្ឋាន​ ធ្វើ​របាយការណ៍

ប្រភពពី៖http://www.khmerload.com/news/38993

រាជធានី​ភ្នំពេញ ៖ មន្ត្រី​អ្នកនាំពាក្យ​ ក្រសួងការបរទេស និង​សហប្រតិបត្តិការ​ អន្តរជាតិ បាន​ឲ្យ​ដឹង​ថា រដ្ឋាភិបាល​វៀតណាម ​បាន​បញ្ជា​ឲ្យ ​អាជ្ញាធរ​មូលដ្ឋាន​ ចុះ​ពិនិត្យ​ តំបន់​ព្រំដែន និង​ធ្វើ​របាយការណ៍ ​ដើម្បី​ឲ្យ​ថ្នាក់ដឹកនាំ ឆ្លើយ​តប​នឹង​កំណត់​ទូត ​របស់​កម្ពុជា ដែល​លើក​ឡើង​ថា វៀតណាម​ បាន​រំលោភ​ដី​កម្ពុជា ក្នុង​ខេត្ត​រតនគីរី និង​ខេត្តកណ្តាល ។

យោង​តាម​សេចក្តី​ប្រកាស​ព័ត៌មាន​របស់​អ្នកនាំពាក្យ​ក្រសួងការបរទេស និង​សហ​ប្រតិបត្តិការ​អន្តរជាតិ ចុះ​ថ្ងៃ​ទី​២៤ មិថុនា បានឱ្យ​ដឹង​ថា លោក​ឧបនាយករដ្ឋមន្ត្រី ហោ ណាំ​ហុង បាន​ជួប​ជាមួយ​លោក Le Hoai Trung អនុរដ្ឋមន្ត្រី​ការ​បរទេស​វៀតណាម ដែល​បាន​មក​ចូលរួម​ក្នុង​កិច្ចប្រជុំ «​វេទិកា​អាស៊ាន​-​ជប៉ុន​» នៅ​រាជធានី​ភ្នំពេញ កាលពី​ថ្ងៃ​ទី​២៣ មិថុនា ។

ក្នុង​ជំនួប​នោះ លោក​ឧបនាយករដ្ឋមន្ត្រី ហោ ណាំ​ហុង បាន​រំឭក​ពី​ការ​លើក​ឡើង​របស់​សម្តេច​តេ​ជោ​នាយក​រដ្ឋមន្ត្រី ហ៊ុន សែន ដែល​បាន​ស្នើ​កុំ​ឲ្យ​វៀតណាម​ធ្វើ​អ្វី​នៅ​ក្នុង​តំបន់​ដែល​មិន​ទាន់​បាន​បោះបង្គោល​ព្រំដែន ។ សេចក្តី​ប្រកាស​ព័ត៌មាន​បន្ត​ថា លោក​ឧបនាយករដ្ឋមន្ត្រី បាន​ស្នើ​យ៉ាង​ទទូច​ជា​ថ្មី​ម្តងទៀត​ឲ្យ​ភាគី​វៀតណាម​គោរព​តាម​សេចក្តី​ប្រកាស​ព័ត៌មាន​រួម ចុះ​ថ្ងៃ​ទី​១៧ ខែមករា ឆ្នាំ​១៩៩៥ រវាង​កម្ពុជា និង​វៀតណាម ។

សេចក្តី​ប្រកាស​ព័ត៌មាន​បន្ត​ថា «​លោក​ឧបនាយករដ្ឋមន្ត្រី ក៏​បាន​លើក​ឡើង​ពី​ករណី​វៀតណាម​ជីក​ស្រះ​នៅ​ស្រុក​អូ​រយ៉ា​ដាវ ខេត្តរតនគិរី និង​ករណី​សាងសង់​ប៉ុស្តិ៍​យាម​នៅ​ជាប់​ភូមិ​ព្រែក​ស្បូវ ឃុំ​សំពៅ​ពូន ស្រុក​កោះធំ ខេត្តកណ្តាល ។ លោក​បាន​ស្នើ​ឲ្យ​ភាគី​វៀតណាម​បញ្ឈប់​ការ​សាងសង់​នេះ ទោះបីជា​ក្នុង​ករណី​ជា​ការ​ជួសជុល​ប៉ុស្តិ៍​យាម​ចាស់​ក៏​ដោយ ដែល​អនុរដ្ឋមន្ត្រី​ការ​បរទេស​វៀតណាម​បាន​លើក​ឡើង​ថា គ្រាន់តែ​ជា​ការ​ជួសជុល​ទេ​» ។

តាម​សេចក្តី​ប្រកាស​ព័ត៌មាន​ដដែល​នេះ​ថា លោក​អនុរដ្ឋមន្ត្រី​ការ​បរទេស​វៀតណាម បាន​លើក​ឡើង​ថា ភាគី​វៀតណាម​បាន​ទទួល​កំណត់​ទូត​របស់​កម្ពុជា ហើយ​ថ្នាក់ដឹកនាំ​វៀតណាម​បាន​បញ្ជា​ឲ្យ​អាជ្ញាធរ​មូលដ្ឋាន​ធ្វើ​របាយការណ៍​ជូន​ថ្នាក់ដឹកនាំ​វៀតណាម និង​បច្ចុប្បន្ន​កំពុង​រង់ចាំ​របាយការណ៍​នេះ ។

អ្នកនាំពាក្យ​ក្រសួងការបរទេស​កម្ពុជា​លោក ជុំ ស​ន្ទ​រី ត្រូវ​បាន​ដកស្រង់​សម្តី​ដោយ​វិទ្យុ VOD កាលពី​ថ្ងៃ​អង្គារ ទី​២៣ មិថុនា​ថា កម្ពុជា​កំពុង​ដោះស្រាយ​បញ្ហា​ព្រំដែន​ជាមួយ​វៀតណាម​តាម​យន្តការ​ទ្វេភាគី ដែល​លោក​ថា ការងារ​នេះ​ត្រូវ​ចំណាយ​ពេលវេលា​យូរ ។ លោក​បន្ដ​ថា យន្តការ​ទ្វេភាគី​នេះ​ជា​ដំណោះស្រាយ​ជំហាន​ដំបូង ដោយ​ឲ្យ​អាជ្ញាធរ​ខេត្ដ​នៅតាម​បណ្ដោយ​ព្រំដែន​ប្រទេស​ទាំង​ពីរ​ជួប​ប្រជុំ​ពិភាក្សា​គ្នា​រក​ដំណោះស្រាយ ហើយ​ក្រៅពី​នេះ​ក៏​មាន​បើក​កិច្ចប្រជុំ​រវាង​គណៈកម្មការ​ព្រំដែន​ប្រទេស​ទាំង​ពីរ​ផង​ដែរ ។ លោក​មាន​ប្រសាសន៍​ថា «​បច្ចុប្បន្ន គឺ​យើង​ធ្វើការ​ប្រមូលផ្ដុំ​ការ​តវ៉ា​តាម​ការទូត ហើយ​ដែល​យើង​ធ្វើ​កន្លង​មករ​ហូត​ដល់​ពេល​នេះ គេ​ហៅ​ថា​យន្តការ​ទ្វេភាគី ដូច​ជាតា​មរយៈ​ទំនាក់ទំនង​គ្នា​រវាង​អាជ្ញាធរ​ដែនដី រវាង​អាជ្ញាធរ​ខេត្ត​និង​ខេត្ត ខេត្ត​កម្ពុជា​និង​ខេត្ត​វៀតណាម ឬ​ក៏​តាម​រយៈ​កិច្ចប្រជុំ​របស់​គណៈកម្មការ​ចម្រុះ​ព្រំដែន​របស់​ប្រទេស​ទាំង​ពីរ ហើយ​និង​ការ​តវ៉ា​តាម​ផ្លូវ​ការទូត​» ។

គួរ​រំលឹក​ថា កំណត់​ទូត​របស់​ក្រសួងការបរទេស​កម្ពុជា កាលពី​ថ្ងៃ​ទី​១៤ មិថុនា ដែល​ផ្ញើ​ទៅ​រដ្ឋាភិបាល​វៀតណាម​ឲ្យ​ដឹង​ថា ក្រុមបច្ចេកទេស​គណៈកម្មាធិការ​ព្រំដែន​កម្ពុជា និង​អាជ្ញាធរ​ខេត្តរតនគិរី បាន​រក​ឃើញ​ស្រះ​ចំនួន​៣​បន្ថែម​ទៀត​នៅ​ក្នុង​ព្រៃ​ជ្រៅ​បន្ទាប់​ពី​ការ​រក​ឃើញ​មុន​នេះ​ចំនួន​៥ ដែល​វៀតណាម​បាន​ជីក​ចន្លោះ​បង្គោល​ព្រំដែន​លេខ​៣០ និង​លេខ​៤០ ក្នុងភូមិ​ឡំ ឃុំ​ប៉ក់​ញ៉ៃ ស្រុក​អូ​រយ៉ា​ដាវ ខេត្តរតនគិរី ដែល​កន្លែង​នោះ​មិន​ទាន់​បាន​កំណត់ព្រំដែន​ច្បាស់លាស់​នៅឡើយ ។ កំណត់​ទូត​បញ្ជាក់​ថា ស្រះ​ទឹក​ទី​១​មាន​ទំហំ​១២​ម៉ែត្រ​គុណ​នឹង​១៨​ម៉ែត្រ ស្រះ​ទឹក​ទី​២​មាន​ទំហំ​១៤,៥​ម៉ែត្រ​គុណ​នឹង​១៧​ម៉ែត្រ និង​ស្រះ​ទឹក​ទី​៣ មាន​ទំហំ​១០​ម៉ែត្រ​គុណ​នឹង​២៤,៥​ម៉ែត្រ ។

ចំណែក​កំណត់​ទូត​របស់​ក្រសួងការបរទេស​កម្ពុជា ចុះ​ថ្ងៃ​ទី​១៧ មិថុនា លើក​ឡើង​ថា កាលពី​ថ្ងៃ​ទី​៨ មិថុនា ក្រសួង​បាន​ផ្ញើ​កំណត់​ទូត​មួយ​ទៅ​ប្រទេស​វៀតណាម ស្នើ​ឲ្យ​បញ្ឈប់​ការ​ជីកដី​ធ្វើ​គ្រឹះ​សម្រាប់​សាងសង់​ប៉ុស្តិ៍​យោធា ត្រង់​ចំណុច​និយាម​ការ WT-06065-07703 នៅ​ជាប់​ភូមិ​ព្រែក​ស្បូវ ក្នុង​ឃុំ​សំពៅ​ពូន ស្រុក​កោះធំ ខេត្តកណ្ដាល របស់​ប្រទេស​កម្ពុជា ។

បើ​តាម​អះអាង​របស់​លោក​ឧបនាយករដ្ឋមន្ត្រី ហោ ណាំ​ហុង ដែល​បាន​ផ្ញើ​លិខិត​ទៅ​សម្តេច​ពញា​ចក្រី ហេង សំ​រិ​ន ប្រធានរដ្ឋសភា​ថា ក្រសួងការបរទេស​កម្ពុជា និង​ស្ថានទូត​កម្ពុជា​ប្រចាំ​នៅ​ទីក្រុង​ហាណូយ បាន​ធ្វើ​កំណត់​ទូ​តទៅ​រដ្ឋាភិបាល​វៀតណាម​អំពី​ការ​រំលោភ​បំពាន​លើ​ទឹកដី​កម្ពុជា​នៅ​តំបន់​ផ្សេង​ៗ ចាប់ពី​ឆ្នាំ​២០១៣ ដល់​ឆ្នាំ​២០១៥​នេះ ចំនួន​១១​ដង​រួច​មក​ហើយ ។

គួរ​កត់​សម្គាល់ថា ភាគី​កម្ពុជា​បាន​ផ្ញើ​របាយការណ៍​ច្រើន​ដង​ហើយ មាន​ន័យ​ថា និយាយ​ច្រើន​ណាស់​ហើយ​ជម្រាប​ទៅ​ភាគី​វៀតណាម ។ ប៉ុ​ន្តែ​ភាគី​វៀតណាម​បាន​ឆ្លើយ​តប​វិញ «​ប៉ុន្មា​ន​ម៉ាត់​យ៉ាង​ខ្លី​» តែ​ប៉ុ​ណ្ណោះ មិន​គួរ​ឱ្យ​ទុកចិត្ត​មែន !!

Read More