ម្តាយចុងចិត្តអប្រិយ ធ្វើបាប បង្ខំកូន អាយុ៧ឆ្នាំ ឲ្យហូបខ្សាច់រហូតមាន ដុំក្រួស យ៉ាងធំ ក្នុងប្លោកនោម

ប្រភពពី៖http://www.khmerload.com/news/27528

ឥណ្ឌា៖ ដុំក្រួសមួយដុំ ត្រូវបានវះកាត់ យកចេញពីប្លោកនោម ក្មេងប្រុសជនជាតិឥណ្ឌា អាយុ៧ឆ្នាំម្នាក់ បន្ទាប់ពីត្រូវម្តាយចុង បង្ខំឲ្យបរិភោគខ្សាច់ និងភក់។
ក្មេងប្រុសម្នាក់ បានទទួលរងនូវ ការធ្វើបាប និងមានការឈឺចាប់យ៉ាងខ្លាំង អស់រយៈពេល ជាងមួយឆ្នាំមកហើយ ដោយសារតែ ម្តាយចុងរបស់គេ បង្ខំឲ្យបរិភោគ ខ្សាច់ និងភក់ លាយជាមួយបាយ ជំនួសឲ្យម្ហូបនៅពេល ទទួលអាហារ។ ដោយសារតែទ្រាំមិនបាន គេក៏បានសម្រេចចិត្ត រត់ចេញពីផ្ទះ ដែលនៅក្នុងភូមិតូចមួយ ស្ថិតនៅរដ្ឋ Karnataka ភាគខាងលិចប្រទេសឥណ្ឌា ហើយបានទៅរស់នៅតាមដងផ្លូវ Bangalore នៅឯភាគខាងត្បូង ប្រទេសឥណ្ឌា។ បន្ទាប់មក រូបគេត្រូវបានប៉ូលីសប្រទះឃើញ ហើយបាននាំទៅកាន់ មន្ទីរសប្បុរសធម៌ សម្រាប់ការពារ សុខមាលភាពកុមារ របស់ប្រទេសឥណ្ឌា ដែលមានឈ្មោះថា Need Based Indai ដើម្បីចិញ្ចឹម និងថែទាំផងដែរ។
ជាមួយគ្នានេះដែរ បន្ទាប់ពីបានទៅរស់នៅ មន្ទីរសប្បុរសធម៌នោះមក ក្មេងប្រុសរូបនេះមានបញ្ហា ឈឺពោះធ្ងន់ធ្ងរ និងមានក្លិនទឹកនោម ដែលធ្វើឲ្យកុមារផ្សេងទៀត ធ្វើបាប និងមិនហ៊ាននៅជិតគេនោះទេ។ បន្ទាប់មកទើបគេ ពិនិត្យរកឃើញថា នៅក្នុងប្លោកនោម របស់ក្មេងប្រុសនេះ មានដុំក្រួសមួយដុំ ដែលជាហេតុធ្វើឲ្យគេ មានអាការៈបែបនេះ។
យ៉ាងណាមិញ មន្ទីរពេទ្យដែលក្មេងប្រុសនោះទៅពិនិត្យ បានរ៉ាប់រង ថ្លៃព្យាបាលរបស់គេទាំងអស់ និងបានឲ្យក្រុមគ្រូពេទ្យមួយក្រុម ធ្វើការវះកាត់ យកដុំក្រួសនោះ ចេញពីខ្លួនរបស់គេ បានដោយសុវត្ថភាពថែមទៀតផង។ លោកវេជ្ជបណ្ឌិត បាននិយាយថា “នៅពេលដែលជួបជាមួយ ក្មេងប្រុសនេះ យើងបានកត់សម្គាល់ឃើញថា គេមានភាពទន់ខ្សោយខ្លាំងណាស់ ហើយបានយំឱបពោះរហូត។ យើងបានធ្វើតេស្តមួយចំនួន ហើយភ្ញាក់ផ្អើលយ៉ាងខ្លាំង នៅពេលដែលរកឃើញ ដុំក្រួសមួយដុំ នៅក្នុងប្លោកនោមរបស់គេ ក្រោយមក២ថ្ងៃ ទើបយើងធ្វើការវះកាត់យកវាចេញ ហើយដុំក្រួសនោះ គឺបណ្តាលមកពី ខ្សាច់ និងភក់ដែលគេបរិភោគនោះ។”
ទោះជាយ៉ាងណា លោក Rahim Shaik នាយករបស់មន្ទីរសប្បុរសធម៌ Need Based Indai បាននិយាយថា “នៅពេលនេះ គេមានសុខភាពល្អ ហើយពួកយើង នឹងមើលថែទាំគេ ដោយយកចិត្តទុកដាក់ ទាំងផ្លូវកាយ និងផ្លូវចិត្ត និងបានឲ្យគេចូលរៀនថែមទៀតផង”។ ជាមួយគ្នានេះដែរ ក្មេងប្រុសដែលរងគ្រោះដោយ សារម្តាយចុងធ្វើបាបរូបនេះ មិនចង់ទៅរស់នៅផ្ទះរបស់គេវិញទេ និងមិនចង់ផ្តល់ដំណឹងទៅឲ្យអ្នកផ្ទះគេផងដែរ ដូចនេះអ្នកដែលនៅមន្ទីរសប្បុរសនោះ សង្ឃឹមថាក្មេងប្រុសនោះ នឹងទទួលបាននូវការចិញ្ចឹមថែទាំ ដើម្បីឲ្យគេមានជីវិតរស់នៅ ល្អជាងនៅផ្ទះរបស់ខ្លួន៕

Read More

ថៃចាប់​បញ្ជូន​ពលករខ្មែរ​ជាង2មឺុន​នាក់ហើយ ក្រុង​ប៉ោយប៉ែត​ពេញណែន​ដោយហ្វូង​មនុស្សរក​ឡានជិះ​មិន​បាន

 ប្រភពពី៖http://www.khmerload.com/news/27560

ក្រុងប៉ោយប៉ែត-ខេត្តបន្ទាយមានជ័យ៖ ការចាប់បញ្ជូនពលករខ្មែរ យ៉ាងគំហុកពីប្រទេសថៃ ដោយរបបយោធាថៃ បើតាមតួលេខបង្ហើប ឱ្យដឹងពីលោក ង៉ោ ម៉េងជ្រួន អភិបាលក្រុងប៉ោយប៉ែតថា មកដល់ពេលនេះ ពលករខ្មែរទាំងប្រុសទាំងស្រី ប្រមាណជា២ម៉ឺននាក់ហើយ ត្រូវបានចាប់បញ្ជូនមកវិញ ។ អ្វីដែលគួរឱ្យរំភើបក្នុងចិត្ត រហូតស្រក់ទឹកភ្នែកនោះ គឺប្រជាពលរដ្ឋដែលរស់នៅ ក្នុងតំបន់ព្រំដែននោះ ខ្លះមានបាយកញ្ចប់ ខ្លះទឹកបរិសុទ្ធ បាននាំយកទៅផ្តល់ ឱ្យពលករដែលមានឈាមជ័រជាខ្មែរ ហើយត្រូវគេចាប់បញ្ជូន ដោយដឹកកាត់ថ្ងៃ កាត់ភ្លៀង មកចាក់ចោលដូចសត្វ ដោយគ្មានក្តីមេត្តាករុណា ។

ក្រៅពីសន្ទុះចិត្តរបស់ប្រជាពលរដ្ឋ ក៏មានអង្គការសង្គមស៊ីវិល អង្គភាពនានារបស់ស្ថាប័នរដ្ឋ ទាំងស៊ីវិល ទាំងសមត្ថកិច្ច បានបំពេញតួនាទីរបស់ខ្លួន ក្នុងការដោះស្រាយបញ្ហាចំពោះមុខ ។ តាមសេចក្តីរាយការណ៍ នៅរសៀលថ្ងៃទី១២ មិថុនា ពីច្រកទ្វារអន្តរជាតិ ប៉ោយប៉ែត បានឱ្យដឹងថា ស្ថានភាពកាន់តែមានការលំបាក ព្រោះរថយន្តឈ្នួលគ្រប់ប្រភេទ បានចេញអស់ គ្មានសល់រថយន្តណាមួយ សម្រាប់ក្រុមពលករ ជិះទៅកាន់ស្រុកកំណើតទាន់ឡើយ ។ ដោយសារតែមានការកកស្ទះបែបនេះ  និងផ្ទៃមេឃតែងធ្លាក់ភ្លៀង នៅវេលាល្ងាចទៀតនោះ អាជ្ញាធរក្រុងប៉ោយប៉ែត ក៏បានបោះតង់ឱ្យក្រុមពលករ រាប់ពាន់នាក់សម្រាក ។

នៅលើដងផ្លូវចាប់ពីរង្វង់មូលច្រកទ្វារ គឺមានសុទ្ធតែមនុស្សឈរ ត្រៀបត្រារង់ចាំរថយន្ត ជិះទៅកាន់ខេត្តនានា ។ ការចាប់បញ្ជូនពលករខ្មែរខុសច្បាប់ ដោយរបបយោធាថៃ ហើយបញ្ជូនមកឱ្យសមត្ថកិច្ចកម្ពុជា តាមច្រកទ្វារអន្តរជាតិប៉ោយប៉ែតនេះ ពុំមានការថមថយទេ ពីមួយថ្ងៃទៅមួយថ្ងៃ ផ្ទុយទៅវិញ មានតែកើនឡើងជាលំដាប់ ។ ដោយសារបញ្ហានេះ គេឃើញមានអង្គការ ដៃគូនានារួមជាមួយអាជ្ញាធរ និងសមត្ថកិច្ចខេត្ត ក្រុង ក្នុងនោះរួមទាំងសប្បុរសជនផង បានបញ្ចេញសកម្មភាព យ៉ាងរស់រវើក ក្នុងការជួយដល់ក្រុមពលករ ទាំងការដឹកជញ្ជូនទៅស្រុកកំណើត ដោយមិនយកប្រាក់ និងផ្តល់ជាបាយទឹក នំ ចំណី និងពង្រឹងការការពារសន្តិសុខ សណ្តាប់ធ្នាប់ ទាំងយប់ទាំងថ្ងៃ ។

សម្រាប់ថ្ងៃទី១១ និងថ្ងៃទី១២ មិថុនា ពលករខ្មែរត្រូវបានអាជ្ញាធរថៃ បញ្ជូនត្រឡប់មកវិញ តាមច្រកទ្វារអន្តរជាតិ ប៉ោយប៉ែត យ៉ាងគំហុក ដូចទឹកបាក់ទំនប់ គឺថ្ងៃទី១១ មិថុនា មានរថយន្ដធំៗ រហូតជាង១៣០គ្រឿង ចំនួនមនុស្សជាង៧.០០០នាក់ ដោយភាគីថៃ បានបញ្ជូនពលករ តាមរថយន្ដបឺស៤៥កៅអី និងរថយន្ដធំៗភាគច្រើន ខុសពីសព្វមួយដង ។ មិនតែប៉ុណ្ណោះ នៅពេលដល់ម៉ោងបិទទ្វារព្រំដែនទៅហើយ រថយន្ដបញ្ជូនពលករ របស់ថៃនៅតែបន្ដ ប៉ុន្ដែគេដាក់ឱ្យពលករខ្មែរចុះ នៅលើទឹកដីថៃក្បែរមាត់ច្រក ទ្វារអន្ដរជាតិខ្លងលឹក ព្រោះតែទ្វារព្រំដែន នៅបើកតែមួយប្រឡោះតូច ប្រហែល៣ម៉ែត្រ ដើរចូលមកដីខ្មែរដោយខ្លួនឯង ដោយខ្លះលី ខ្លះទូលអីវ៉ាន់ ឯស្រីៗបីនិងពកូន ក្នុងនោះមានទាំងទាហានឈុតខ្មៅជួយកាន់ និងយួរអីវ៉ាន់ឱ្យពលករខ្មែរ ដល់ទឹកដីខ្មែរទៀតផង ។

មកដល់ព្រឹកថ្ងៃទី១២ មិថុនា គិតត្រឹមម៉ោងជិត១២ថ្ងៃត្រង់ សកម្មភាពបញ្ជូនពលករខ្មែរពីថៃ នៅតែមានការកើនឡើង ហើយជាមួយនឹងការវិលត្រឡប់ ភ្លូកទឹកភ្លូកដីនេះ អង្គការទេសន្តប្រវេសន៍ អន្ដរជាតិហៅកាត់ថា IOM បានយកចិត្ដទុកដាក់ ជួយដោះស្រាយមធ្យោបាយធ្វើដំណើរ ដល់ក្រុមពលករ ដោយជួលរថយន្ដ ប្រភេទ១២កៅអីជាច្រើនគ្រឿង ដើម្បីដឹកដោយមិនគិតប្រាក់ ។ ជាមួយគ្នានេះ ទាំងអាជ្ញាធរខេត្ដ-ក្រុង និងសមត្ថកិច្ច បានជួយជារថយន្ដ តាមអង្គភាពនានា ក្នុងការជួយដឹកបញ្ជូនពលករ ទៅតាមស្រុកកំណើត ដោយមិនយកប្រាក់ និងពង្រឹងកម្លាំងការពារ ព្រមទាំងជួយផ្ដល់នំចំណី ទឹកដល់ក្រុមពលករដូចជា សប្បុរសជនជាច្រើននាក់ នៅក្រុងប៉ោយប៉ែត ដែលបានចំណាយធនធានផ្ទាល់ខ្លួនដែរ ។

នៅព្រឹកថ្ងៃទី១២ មិថុនា សកម្មភាពជួយក្រុមពលករ កាន់តែមានភាពរស់រវើកឡើង ។ អង្គការទេសន្ដប្រវេសន៍ ពេលនេះបានជួលរថយន្តធំៗ សុទ្ធតែប្រភេទ៤៥កៅអី ដើម្បីដឹកពលករ ឱ្យបានច្រើន ។ ជាពិសេសទៅទៀតនោះ មានរថយន្តជំនួយ ដោយអគ្គនាយកដ្ឋាន អន្តោប្រវេសន៍ សម្រាប់ជួយដឹកពលករផងដែរ ។ នៅព្រឹកនោះដែរ គេឃើញមានអង្គការ សាម៉ារីតាន់ភើស បានជួយឧបត្ថម្ភនំប័ុង និងទឹកបរិសុទ្ធដល់ក្រុមពលករ ឯយុវជនកាកបាទក្រហមកម្ពុជា និងកាយឫទ្ធិក្រុងប៉ោយប៉ែត បានជួយធ្វើចរាចរណ៍ ចែកនំ និងទឹក រួមចំណែកជាមួយអាជ្ញាធរ និងសមត្ថកិច្ចដែលកំពុងមមាញឹក រកពេលសម្រាកគ្មាន ។

ប៉ុស្តិ៍នគរបាលច្រកទ្វារព្រំដែន អន្តរជាតិប៉ោយប៉ែត ដែលគ្រប់គ្រងដោយ នគរបាលអន្តោប្រវេសន៍ គេឃើញមានការសហការល្អ ជាមួយអាជ្ញាធរ និងសមត្ថកិច្ចជំនាញពាក់ព័ន្ធ រួមទាំងអង្គការដៃគូ ឱ្យចូលទៅធ្វើការរួមគ្នាជួបសួរនាំ និងអប់រំដល់ពលករ ក្រោយពេលចុះពីរថយន្តថៃ ដែលខុសពីពេលមុនៗ ។ ចំពោះការធ្វើដំណើរ របស់ពលករខ្មែរ គ្រប់រថយន្តដែលអង្គការខាងលើ ជួលដើម្បីដឹកពលករ គេឃើញមានសរសេរឈ្មោះខេត្តសម្គាល់ នៅខាងមុខរថយន្ត ដើម្បីផ្តល់ការងាយស្រួល ដល់ក្រុមពលករ រកជិះទៅតាមបណ្តាខេត្ត ដោយមានមន្ត្រីអង្គការ ចាំជួយណែនាំបន្ថែមទៀត កុំឱ្យឡើងជិះខុសគោលដៅ។

លោកនុត សំអុល តំណាងអង្គការ IOM បានប្រាប់កោះសន្តិភាពថា ការដោះស្រាយមធ្យោបាយធ្វើដំណើរ ដល់ក្រុមពលករនេះ គឺដឹកទៅតាមបណ្តាខេត្តទាំងអស់ ដោយមិនគិតថាជិត ឬឆ្ងាយទ្បើយ ។ ចំពោះតម្លៃជួលរថយន្ត គិតតាមខេត្តជិតឬឆ្ងាយ បើខេត្តព្រៃវែង ឬស្វាយរៀង តម្លៃ១លានរៀល ឬជាង១លានរៀល ។ មន្ត្រីតំណាងអង្គការរូបនេះបន្តថា ចំពោះការដឹកមានកំណត់ មិនអនុញ្ញាតឱ្យផ្ទុកមនុស្សច្រើន ដូចរថយន្តតាក់ស៊ីទេ ព្រោះវាពាក់ព័ន្ធនឹងសុវត្ថិភាព នៃការធ្វើដំណើរ ។ លោកនុត សំអុល បន្តថា ថវិកាប្រើប្រាស់ ជារបស់ម្ចាស់ជំនួយ សហការជាមួយរាជរដ្ឋាភិបាល មានក្រសួងការបរទេស ក្រសួងមហាផ្ទៃ និងខាងផ្នែកប្រឆាំង ការជួញដូរមនុស្ស ។ នៅពេលភ្នាក់ងារ កោះសន្តិភាពសួរថា តើអង្គការនេះនឹងបន្តជួយ ដោះស្រាយមធ្យោបាយធ្វើដំណើរ ដល់ពលករ តទៅខាងមុខទៀតឬយ៉ាងណា ខណៈការបញ្ជូនពលករ របស់ភាគីថៃនៅតែមានការកើនទ្បើងនោះ ?

មន្ត្រីអង្គការរូបនេះ បានប្រាប់ថា លោកទើបទទួលបានអីុម៉ែល ក្នុងការចាយថវិកា ហើយមិនទាន់ដឹងប្រាកដថា នឹងចាយថវិកាដល់ប៉ុន្មាននៅទ្បើយទេ ។ មន្ត្រីរូបនេះបញ្ជាក់ថា នេះជាថវិកាជួយបន្ទាន់ និងជាការជួយសាកល្បងលើកដំបូង ប៉ុន្តែលោកនឹងពិភាក្សាបញ្ហានេះ ជាមួយថ្នាក់លើបន្ថែមទៀត ៕

 

Read More

រថយន្តកូរ៉េ បុកធ្លាយតូប លក់ឥវ៉ាន់ពីមុខ ដល់ក្រោយ ដោយសារ អ្នកបើករថយន្ត ងងុយដេក

ប្រភពពី៖http://www.khmerload.com/news/27289

កែប ៖ អ្នកបើករថយន្ត ងងុយដេក បានបើករថយន្តកូរ៉េ ១ តោនកន្លះ ក្នុងល្បឿនយ៉ាងលឿន ក៏ជ្រុល ចង្កូត ទៅបុកតូបលក់ ឥវ៉ាន់ចាប់ហួយ របស់ប្រជាពលរដ្ឋ នៅជាប់ផ្លូវជាតិលេខ ៣៣ ធ្លាយពីមុខរហូត ដល់ក្រោយ ប៉ុន្តែសំណាងល្អ គ្មានភាគីណាមួយ ទទួលរងគ្រោះថ្នាក់ឣ្វីឡើយ ។
ហេតុការណ៍នេះកើតឡើង នៅវេលាម៉ោង ៧ និង៥០នាទីព្រឹក ថ្ងៃទី០៥ ខែមិថុនា ឆ្នាំ២០១៤ នៅ ចំណុចដើមព្រីង លើកំណាត់ផ្លូវជាតិលេខ ៣៣ ស្ថិតក្នុងភូមិភ្នំលាវ ឃុំពងទឹក ស្រុកដំណាក់ចង្អើរ ខេត្ត កែប ។
តាមសាក្សី នៅកន្លែងកើតហេតុបានឲ្យដឹងថា មុនពេលកើតហេតុ គេបានឃើញរថយន្តម៉ាក កូរ៉េ១តោន កន្លះ ពណ៌ស ពាក់ស្លាកលេខ កែប 2A -0011 ធ្វើដំណើរតាមបណ្ដោយផ្លូវជាតិលេខ ៣៣ ក្នុងទិសដៅ ពីលិចទៅកើត ក្នុងល្បឿនយ៉ាងលឿន លុះមកដល់ចំណុចកើតហេតុ មិនដឹងជាកើតហេតុអី ស្រាប់តែ រថយន្តរ៉េចង្កូត ទៅបុកចំតូបលក់ ឥវ៉ាន់ពេញទំហឹង ពីមុខ ធ្លុះដល់ក្រោយប ។ ក្រោយកើតហេតុភ្លាម អ្នក បើករថយន្ត ចុះរត់គេចខ្លួនបាត់ ។
លោក សែម បញ្ញាមន ឣធិការនគរបាល ស្រុកដំណាក់ចង្អើរ បានឲ្យមជ្ឈមណ្ឌល ព័ត៌មានដើមឣម្ពិល ដឹងថា ម្ចាស់រថយន្ត បង្កមានឈ្មោះ ជីវ មក់ ភេទប្រុស មានទីលំនៅភូមិកែប សង្កាត់កែប ក្រុង ខេត្ត កែប ។
តាមប្រភពព័ត៌មាន ចុងក្រោយបានឲ្រដឹងថា ខាងរថយន្តបង្ក និងខាងម្ចាស់ផ្ទះ បានឈានទៅដោះ ស្រាយគ្នារួចរាល់ឣស់ហើយដែរ ៕

Read More

ប្រទះឃើញសព​អតីតមន្រ្តី នគរបាល ម្នាក់​ចងក.ធ្វើអត្តឃាត​ រហូតដល់ហើម​ស្អុយ ក្នុងផ្ទះសំ​ណាក់យីហោ​ “ឡាយ ឃាង” ​ដោយមិនដឹងមូល​ហេតុនៅ ខេត្ត​ប៉ៃលិន

ប្រភពពី៖http://www.khmerload.com/news/27300

ខេត្តប៉ៃលិន ៖ ប្រទះឃើញសពអតីត មន្រ្តីនគរបាលម្នាក់ ចងក.ធ្វើអត្តឃាតនៅក្នុងផ្ទះសំណាក់ យីហោ ”ឡាយ ឃាង” អស់រយៈពេល ៣ទៅ៤ថ្ងៃ រហូតដល់ហើមស្អុយ ទើបម្ចាស់ឡើង ទៅមើលក៏ឃើញចងក.នៅភ្ជាប់នឹង ធ្នឹមផ្ទះជាន់ទី ១ដែលបង្កឱ្យមានការភ្ញាក់ផ្អើល កាលពីវេលាម៉ោង១២ និង៣០ នាទីថ្ងៃត្រង់ ថ្ងៃទី០៥ ខែមិថុនា ឆ្នាំ២០១៤ ស្ថិតនៅក្នុងភូមិស្ទឹងកាច់ ស្រុកសាលាក្រៅ ដែលម្ចាស់ផ្ទះ ឈ្មោះ ឡាយ ឃាង ភេទប្រុស អាយុ៦៧ឆ្នាំ មានប្រពន្ធ ឈ្មោះ សុខ ហៀង អាយុ៥៧ឆ្នាំ ។

សពជនរងគ្រោះដែល ចងក.ធ្វើអត្តឃាតខ្លួនឯង រហូត ដល់ហើមស្អុយនេះ ឈ្មោះ ហែម ហុន ភេទប្រុស អាយុ៤៤ឆ្នាំ ជាអតីតមន្រ្តីនគរបាលកាន់ ផ្នែកគណនេយ្យនៅស្រុកសំរោងទង ដោយមានបញ្ហារឿង លុយកាក់ត្រូវមេដក ចោលកាលពីឆ្នាំ២០០២ មានស្រុកកំណើត រស់នៅភូមិព្រះខែ ឃុំតាហែង ស្រុកសំរោងទង ខេត្តកំពង់ស្ពឺ បច្ចុប្បន្នមកស្នាក់ នៅក្នុងភូមិកើតហេតុខាងលើ ។

ប្រភពព័ត៌មានពីសាក្សីនៅ កន្លែងកើតហេតុ បានរៀបរាប់ឱ្យដឹងថា មុនពេលកើតហេតុម្ចាស់ផ្ទះ ឈ្មោះ ឡាយ ឃាង អាយុ៦៧ឆ្នាំ បានទទួលដំណឹងពីភ្ញៀវដែល ជួលផ្ទះរបស់ខ្លួនស្នាក់នៅថា មានធុំក្លិនស្អុយ ចម្លែកខុសពីប្រក្រតី ។ ពេលនោះម្ចាស់ផ្ទះមាន ការសង្ស័យក៏ បានដើរបោសសម្អាត នៅតាមទីធ្លាមុខផ្ទះសំណាក់ ហើយក៏ចេះតែធុំក្លិនស្អុយដូច អ្វីដែលគេបានប្រាប់មែន ទើបគាត់បោសសម្អាត បណ្តើរហិតតាម រកក្លិនបណ្តើរ ស្រាប់តែក្រឡេកមើលទៅ ខាងលើបន្តិច ឃើញសពបុរសខាងលើចងក. ដោយខ្សែអង្រឹងព្យួរ នៅជាប់នឹងធ្នឹម ខាងមុខបន្ទប់ផ្ទះសំណាក់ដែល ជាងធ្វើមិនទាន់រួចរាល់ ។ ប្រភពបន្តទៀតថា គ្រាន់តែឃើ ញភ្លាមម្ចាស់ផ្ទះស្ទើ រតែគាំងបេះដូង ដួលស្លាប់ម្នាក់ឯង ព្រោះគាត់មាន រោគាប្រចាំកាយ ហើយក៏ត្រដររត់ បណ្តើររិតទ្រូងបណ្តើរ ទៅប្រាប់កូនចៅ និងបងប្អូនឱ្យទៅពិនិត្យ មើលសពនោះ រួចក៏ប្តឹងសមត្ថកិច្ចឱ្យចុះទៅពិនិត្យតែម្តង ។

ម្ចាស់ផ្ទះសំណាក់បានបញ្ជាក់ថា គាត់មិនធ្លាប់ឃើញជនរងគ្រោះ ពីមុនមកជួលផ្ទះសំណាក់របស់គាត់ស្នាក់ នៅនោះទេ ថែមទាំងមិនធ្លាប់ឃើញមក ហូបកាហ្វេ ឬគុយទាវនៅក្នុងហាងរបស់ គាត់ខាងមុខដែរ ស្រាប់តែធុំក្លិស្អុយទៅ ពិនិត្យមើលក៏ឃើញហើមស្អុយព្យួរក. នៅលើធ្នឹមបង្កឱ្យមានការភ្ញាក់ផ្អើល ។

ប្រទះឃើញសពបុរសម្នាក់ចង.កនៅក្នុងផ្ទះសំណាក់

Read More

នាំម្ដាយមករស់នៅជាមួយ ដូចនាំមក ស្លាប់! ដោយសារប្ដីចាប់រំលោភម្ដាយ រហូត ដល់ផុតដង្ហើម

ប្រភពពី៖http://www.khmerload.com/news/27305

អង់គ្លេស៖ នារីម្នាក់ ហេតុតែចង់ជួយ ម្ដាយរបស់ខ្លួន សុខចិត្ដ នាំម្ដាយមករស់នៅជាមួយនឹង ក្រុមគ្រួសាររបស់ខ្លួន តែបែរជាផ្ដល់នូវ រឿងសោកដនាកម្មមួយទៅវិញ។
តាមប្រភពព័ត៌មានបានឲ្យដឹងថា លោក Mohammed Yassin Yusef អាយុ ៣២ឆ្នាំ បានវាយប្រហារទៅលើ ម្ដាយក្មេករបស់ខ្លួន ដែលមានឈ្មោះថា Amoe Seline Stevens វ័យ ៦៤ឆ្នាំ រហូតដល់ស្លាប់ នៅភាគខាងជើងទីក្រុងឡុង នៅពេលដែលក្នុងផ្ទះ មានតែអ្នកទាំងពីរ។ គួរបញ្ជាក់ថា អ្នកស្រី Stevens ធ្លាប់មានជំងឺដាច់សសៃ ឈាមម្ដងរួចមកហើយ ដែលចុងក្រោយ ធ្វើឲ្យគាត់ក្លាយជាមនុស្សពិការ និងពិបាក ក្នុងការនិយាយស្ដី។ នៅក្នុងថ្ងៃដែលកើតហេតុ Yusef បានចាក់សោរខ្លួនឯង និងម្ដាយក្មេកនៅក្នុងបន្ទប់ ដែលបន្ទាប់មក ក៏រំលោភសេពសន្ថវៈគាត់។ នាពេលនោះ អ្នកថែរក្សាអ្នកស្រី ក៏បានមកដល់ផ្ទះ ដែលភ្លាមៗនោះ  Yusef បានរត់ចេញពីក្នុងបន្ទប់ ខណៈពេលដែល សំលៀកបំពាក់ របស់ជននេះ ពោរពេញទៅដោយឈាម។
ដោយឃើញសភាពបែបនេះ អ្នកថែរក្សាម្នាក់នេះ បានចូលទៅក្នុងបន្ទប់របស់ អ្នកស្រីចំណាស់នេះ បន្ទាប់មកក៏ ប្រទះឃើញ ខ្លួនប្រាណគាត់សុទ្ធសឹងតែឈាម និងធ្លាក់ពី កៅអីទំរេត ផងដែរ។ ទោះជាយ៉ាងណា គាត់ត្រូវបានបញ្ជូនទៅកាន់ មន្ទីរពេទ្យភ្លាមៗ ប៉ុន្ដែប៉ុន្មានក្រោយមក បានស្លាប់ ដោយសារតែរងរបួសធ្ងន់ធ្ងរ និង កូនប្រសារប្រុសគាត់ បានជាប់ទោសពី បទសម្លាប់រូបគាត់។
យ៉ាងណាមិញ អ្នកសើុបអង្កេតជឿជាក់ថា Yusef ធ្លាប់បំពានផ្លូវភេទ ស្ដ្រីជាម្ដាយ ជាច្រើនដងរួចមកហើយ តែដោយសារតែគាត់ ពិការ និងពិបាក និយាយបែបនេះ ទើបធ្វើឲ្យគាត់ មិនអាចប្រាប់សមាជិកណាម្នាក់ ក្នុងគ្រួសារបាន។
សម្រាប់ ក្រុមគ្រួសាររបស់គាត់ ពិតជាមានភាពតក់ស្លុត និងសោកសៅជាខ្លាំង ចំពោះការស្លាប់របស់អ្នកស្រី Stevens ចំណកឯកូនប្រសារប្រុសនេះ ប៉ូលីសនឹងចាត់វិធានការណ៍ ទៅតាមផ្លូវច្បាប់ ចំពោះទង្វើរដ៏ស្មោគគ្រោក មួយនេះ៕
រូបភាពរបស់ជនល្មើសដែលជាកូនប្រសារ Mohammed Yassin Yusef និងម្ដាយក្មេកដែល ជាជនរងគ្រោះ Amoe Seline Stevens 

Read More

សាមណេរ និង​សិស្ស​១២​អង្គ/នាក់ ប្តឹង​ចៅ​អធិការ​វត្ត​ «ថ្មពូន» រួម​សេពមេថុន​តាមរន្ធគូទ

ប្រភពពី៖http://www.khmerload.com/news/27306

ខេត្តកំពង់ចាម ៖ សាមណេរ និងសិស្ស១២អង្គ/នាក់ បាននាំគ្នាដាក់ពាក្យបណ្តឹងទៅ សមត្ថកិច្ចមូលដ្ឋានដោយចោទ ប្រកាន់ព្រះចៅអធិការវត្ត «ថ្មពូន» ព្រះនាម អ៊ុំ សុផុន ព្រះជន្ម៣៩ឆ្នាំ ស្ថិតនៅចំណុចឃុំថ្មពូន  ស្រុកព្រៃឈរ បានរួមសេពមេថុន តាមរន្ធគូទជាច្រើនលើក ។

ប្រភពបានឱ្យដឹងថា ជុំវិញការចោទប្រកាន់នេះ ត្រូវព្រះចៅអធិការវត្តមាន ថេរដីកាកាលពីព្រឹកថ្ងៃទី៥ មិថុនា ២០១៤ នេះ បដិសេធតាមទូរស័ព្ទថា មិនពិតទៅវិញ ។ ប៉ុន្តែចៅអធិការវត្តបាននិមន្ត ចេញពីវត្តបាត់ មិនដឹងទៅទីណាឡើយ ។ តាមលោកអនុសេនីយ៍ត្រី គាត វិធូ នាយប៉ុស្ត៏រដ្ឋបាល ឃុំថ្មពូនបានប្រាប់ឱ្យដឹងថា មានសាមណេរចំនួន៧អង្គ និងសិស្សលោក២នាក់ នាំគ្នាមកដាក់ពាក្យបណ្តឹង ជាបន្តបន្ទាប់ កាលពីថ្ងៃទី២៨ និង២៩ ឧសភា កន្លងមក ។

តាមសាមណេរ ហេង វិរៈ អាយុ១០ឆ្នាំ បានប្រាប់សមត្ថកិច្ច ឱ្យដឹងថា មានពេលមួយ មិនចាំខែក្នុងឆ្នាំ២០១៣ អាត្មាបានទៅគង់នៅ វត្តព្រះលានថ្មពូន ដើម្បីរៀនធម៌រយៈពេលជាង១ខែ  ក្នុងពេលមួយម៉ោង៩ និង១៥នាទីយប់ ឆ្នាំ២០១៣  លោកគ្រូអ៊ុំ សុផុន ចៅអធិការវត្តបានហៅឱ្យ ទៅធ្វើសរសៃនៅក្នុងបន្ទប់កុដិ ចៅអធិការវត្ត ។

បន្ទាប់មកបានឱ្យអាត្មាសឹង នៅលើគ្រែ ហើយចៅអធិការនោះបានរួមភេទ តាមរន្ធគូទ លុះក្រោយៗមកទៀត តែងតែហៅ អាត្មាឱ្យទៅធ្វើសរសៃ និងបានសេពមេថុនតាមរន្ធគូទជា ហូរហែ រហូតមកដល់ឆ្នាំ២០១៤ គឺមិនតិចជាង១៥ដងនោះទេ ។ មិនតែប៉ុណ្ណោះថែមទាំង គំរាមមិនឱ្យប្រាប់អ្នកណាឡើយ បើសិនហ៊ានប្រាប់នោះ នឹងវាយមិនខាន ។

សាមណេរចូលបំភ្លឺឱ្យសមត្ថកិច្ច

ព្រះចៅអធិការវត្ត «ថ្មពូន» ព្រះនាម អ៊ុំ សុផុន

Read More

ប៉ូលីសខិលខូច ចាប់បាន ជនល្មើសហើយ បែរជាលាក់បាំង និង រួមភេទ ជាមួយនាងទៀត

ប្រភពពី៖http://www.khmerload.com/news/27309

អាមេរិក៖ មន្ត្រីប៉ូលីសម្នាក់ ត្រូវបានចាប់ខ្លួន បន្ទាប់ពីគាត់ បានរួមភេទជាមួយ ស្រ្តីម្នាក់ដែលជា អ្នកចែកចាយ គ្រឿងញៀន ជំនួសឲ្យការ បញ្ជូនខ្លួន នាងទៅធ្វើការកាត់ទោស។
គួរបញ្ជាក់ផងដែរថា មន្ត្រីប៉ូលីសរូបនេះ មានឈ្មោះថា Lucas Mace អាយុ ៣៨ឆ្នាំ រស់នៅ ក្នុងភូមិ Glouster ស្រុក Athens County នៃរដ្ឋ អូហ៊ីយ៉ូ សហរដ្ឋអាមេរិក ត្រូវបានជាប់ចោទ ពីបទលួចលាក់ទុក អ្នកទោសសង្ស័យ ចែកចាយ គ្រឿងញៀនម្នាក់ មានឈ្មោះថា Hilary Hooper អាយុ ២៣ឆ្នាំ។
គួររំលឹកផងដែរថា Mace បានជួបនឹងនាងដំបូង នៅពេលដែលលោក និងប៉ូលីសដទៃទៀត បានធ្វើការដេញចាប់ នាងរហូត ដល់ឡាននាង ជ្រុលទៅបុក របងចំនតយានយន្ត ទើបនាងឈប់។ តែផ្ទុយទៅវិញ លោកបែរជាមិនចាប់នាង ហើយថែមទាំងបាន រួមភេទ ជាមួយនាង និងជួយនាង ធ្វើការគេចខ្លួន ទៀតផង។
តាមសម្តីរបស់ ព្រះរាជអាជ្ញា Keller Blackburn ប្រចាំនៅ Athens County បានប្រាប់ថា អ្នកទាំងពីរនេះ ថែមទាំងបាន ធ្វើការរួមភេទ នៅលើកប៉ាល់ ប្រើសម្រាប់ការ យាមល្បាតតាមសមុទ្ររបស់ មន្ត្រីប៉ូលីស និងបន្សល់នូវអង្គធាតុរាវ ដែលវាជា ភស្តុតាង ដ៏សំខាន់ សម្រាប់ធ្វើការ ចោទប្រកាន់។ លោកបានបន្ត ទៀតថា ប៉ូលីស ឈ្មោះ Mace រូបនេះ ត្រូវបានចោទប្រកាន់ លើ ១២ ករណី និង ត្រូវបានព្យួរពីការងារ ដោយមិនទទួលបាន ប្រាក់បៀវត្សរ៍ឡើយ លើអំពើខុសឆ្គង ដែលរូបគេ បានប្រព្រឹត្ត ដែលធ្វើឲ្យអាប់អោនដល់ កិត្តិយស របស់ប៉ូលីស។ យ៉ាងណាមិញ សំរាប់នារីម្នាក់នោះវិញ មិនត្រូវបាន រកឃើញ ថាមាន ជាប់ទោស ទាក់ទង នឹងគ្រឿងញៀននោះទេ៕

Read More

បងប្អូន​ជីដូនមួយ​នឹងគ្នា ជិះ​ម៉ូតូបុក​គ្នាពេញ​ទំហឹង ស្លាប់​ម្នាក់ របួស​ធ្ងន់-ស្រាល​3

ប្រភពពី៖http://www.khmerload.com/news/27322

រាជធានីភ្នំពេញ ៖ ចាត់ទុកថាជារឿងចៃដន្យអាក្រក់បំផុត ឬជារឿងដែលនឹកស្មានមិនដល់ ដែលបុរសស្ត្រីចំនួន៤នាក់ ត្រូវជាបងប្អូនជីដូនមួយនឹងគ្នា និងមានទីលំនៅ ក្នុងភូមិជាមួយគ្នា បែរជាជិះម៉ូតូបុកគ្នា បណ្តាលឱ្យស្លាប់ម្នាក់ និងរបួសធ្ងន់ស្រាល៣នាក់ ។ ហេតុការណ៍នេះ បានកើតឡើង ខណៈភាគីម្ខាង ធ្វើដំណើរចេញពីផ្ទះ ទៅធ្វើការ រីឯភាគីម្ខាងទៀត ចេញពីធ្វើការត្រឡប់ទៅផ្ទះ លុះពេលទៅដល់ពាក់កណ្តាលផ្លូវ ស្រាប់តែបុកគ្នា ពេញទំហឹងលាន់សូរដូចរន្ទះ ។

ឧប្បត្តិហេតុគ្រោះថ្នាក់ចរាចរណ៍នោះ បានកើតឡើង កាលពីវេលាម៉ោង៦ និង២៥នាទីព្រឹក ថ្ងៃទី៥ មិថុនា នៅលើកំណាត់ផ្លូវជាតិលេខ៣ ត្រង់ចំណុចមុខវត្តស្លែង ស្ថិតក្នុងភូមិវត្តស្លែង សង្កាត់ពងទឹក ខណ្ឌដង្កោ ។ សមត្ថកិច្ចនគរបាល បានឱ្យដឹងថា ជនរងគ្រោះ នៅក្នុងហេតុការណ៍ គ្រោះថ្នាក់ចរាចរណ៍ ទាំងអ្នកស្លាប់ និងរបួស គឺពួកគេត្រូវជាបងប្អូនជីដូនមួយនឹងគ្នា ដែលអ្នកស្លាប់ ត្រូវបានគេស្គាល់ឈ្មោះ អ៊ួង សាវុទ្ធ ភេទប្រុស អាយុ៤៥ឆ្នាំ ជាសន្តិសុខក្រុមហ៊ុនឯកជនមួយ យាមរោងចក្រកាត់ដេរ នៅម្តុំភូមិ ទួលពង្រ សង្កាត់ចោមចៅ ខណ្ឌពោធិ៍សែនជ័យ មានទីលំនៅក្នុងភូមិដើមឫស ឃុំដើមឫស ស្រុកកណ្តាលស្ទឹង ខេត្តកណ្តាល ។

បុរសនេះជិះម៉ូតូធំ១គ្រឿងម៉ាក XLR ពណ៌សលាយក្រហម អត់មានស្លាកលេខ បានបែកក្បាលធ្លាយខួរស្លាប់ភ្លាមៗ នៅនឹងកន្លែង ។ ដោយឡែក ភាគីម្ខាងទៀត មានគ្នា៣នាក់ ជិះម៉ូតូ១គ្រឿងម៉ាកសេ១២៥ ស៊េរី២០១៤ ពណ៌ខ្មៅ ពាក់ស្លាកលេខកណ្តាល 1Q-7573 បើកបរដោយយុវជន ឈ្មោះ សួង ភារម្យ អាយុ១៨ឆ្នាំ បានរងរបួសស្រាល ចំណែកអ្នករួមដំណើរជាមួយ ២នាក់ទៀត ដែលរបួសធ្ងន់ម្នាក់ឈ្មោះ ទិត្យ វុទ្ធី ភេទប្រុស អាយុ២៣ឆ្នាំ និងម្នាក់ទៀតឈ្មោះ ហីុង សាវុន ភេទស្រី អាយុ៤០ឆ្នាំ ។ ពួកគេទាំង៣នាក់ ជាកម្មកររោងចក្រកាត់ដេរ មានទីលំនៅក្នុងភូមិ ជាមួយអ្នកស្លាប់នោះដែរ ។

ប្រភពដដែលបានបន្តថា នៅមុនពេលកើតហេតុ បុរសដែលស្លាប់ បានជិះម៉ូតូធំមួយគ្រឿងនោះ ចេញពីយាមនៅរោងចក្រ ត្រឡប់ទៅផ្ទះ ដោយបានធ្វើដំណើរក្នុងទិសដៅ ពីកើតទៅលិច តាមផ្លូវវត្តស្លែង លុះពេលទៅដល់ផ្លូវជាតិលេខ៣ ត្រង់ចំណុចកើតហេតុ ជនរងគ្រោះបានបើកឆ្លងផ្លូវ ក្នុងបំណងឆ្ពោះទៅ ទិសខាងត្បូងវិញ ។ ស្រាប់តែភាគីអ្នកជិះម៉ូតូ៣នាក់ ដែលត្រូវជាបងប្អូនជីដូនមួយ នឹងគ្នាជិះពីត្បូងទៅជើង ក្នុងល្បឿនលឿន ក៏បុកគ្នាពេញទំហឹងតែម្តង បណ្តាលឱ្យបុរសដែលជិះម៉ូតូធំ ដួលបែកក្បាលធ្លាយខួរស្លាប់ម្នាក់ ភ្លាមៗនៅនឹងកន្លែង ។

ចំណែកខាងភាគីអ្នកជិះម៉ូតូហុងដាឌ្រីម សេ១២៥ បានរបួសធ្ងន់ និងស្រាលទាំង៣នាក់ ហើយម៉ូតូរបស់គេបានរងការខូចខាត ខ្ទេចមួយកំណាត់ខាងមុខ បន្ទាប់មកអ្នករងរបួស ត្រូវបានគេបញ្ជូនទៅសង្គ្រោះ ហើយម៉ូតូទាំង២គ្រឿង ត្រូវនគរបាលនាំយកទៅរក្សាទុក រង់ចាំការដោះស្រាយគ្នា នៅពេលក្រោយ ៕

សពជនរងគ្រោះនៅកន្លែងកើតហេតុ

មនុស្សម្នាចោមរោមមើលកន្លែងកើតហេតុ

Read More

ចោរប្រដាប់​អាវុធអស់​លក្ខណ៍ អ្នក​ស្រុកចាប់​បានវាយ​ស្ទើរស្លាប់ ក្រោយ​ប្លន់ម៉ូតូ​ពីនារី​ម្នាក់រួច​ជិះ​រត់

ប្រភពពី៖http://www.khmerload.com/news/27325

ខេត្តតាកែវ ៖ ជនសង្ស័យម្នាក់ ក្នុងចំណោមបក្សពួក២នាក់ ត្រូវបានក្រុមប្រជាពលរដ្ឋ ព័ទ្ធចាប់បាន និងវាយម្នាក់មួយដៃ ម្នាក់មួយជើង នៅសល់តែដង្ហើមចង្រិត ក្រោយពីក្រុមជននេះ ធ្វើសកម្មភាពប្លន់យកម៉ូតូ ពីនារីម្នាក់បានសម្រេច ហើយជិះរត់គេចខ្លួន ចូលមកទឹកដីស្រុកគិរីវង់ តាមបណ្តោយផ្លូវលំក្នុងភូមិ ។

ពេលនោះក៏ត្រូវប្រជាពលរដ្ឋ ដែលស្អប់ខ្ពើមឈ្មោះ ថាចោរនាំគ្នាស្ទាក់ចាប់បាន និងព្រួតគ្នាវាយទ្រមខ្លួនម្នាក់ ឯម្នាក់ទៀតរត់រួច យកតែប្រាសអាយុ ហើយបើកុំតែកម្លាំងនគរបាល ទៅទាន់ពេល កុំអីជនសង្ស័យអស់លក្ខណ៍នេះ ប្រហែលស្លាប់តៃហោង បាត់ទៅហើយ ។ ហេតុការណ៍ប្រជាពលរដ្ឋ ចាប់ជនសង្ស័យព្រួតវាយ សល់តែដង្ហើមចង្រិតនេះ បានកើតឡើងកាលពីថ្ងៃទី៥ មិថុនា វេលាម៉ោង១០ និង៣០នាទីព្រឹក នៅភូមិតាមេង ឃុំកំពែង ស្រុកគិរីវង់ ។

លោកវរសេនីយ៍ត្រី យ៉ុក សារ៉ាត់ អធិការនគរបាល ស្រុកគិរីវង់ បានឱ្យដឹងថា ជនសង្ស័យដែលចាប់ខ្លួនបាននេះ ឈ្មោះ ចាន់ សុភ័ក្ត្រ ភេទប្រុស អាយុ៣៨ឆ្នាំ រស់នៅឃុំបន្ទាយមាសកើត ស្រុកបន្ទាយមាស ខេត្តកំពត ។ ចំណែកនារីជាម្ចាស់ម៉ូតូឈ្មោះ ដេន ជី អាយុ២៥ឆ្នាំ រស់នៅភូមិដូនទាវ ឃុំត្នោត ស្រុកបន្ទាយមាស ។ លោកអធិការបន្តថា នៅមុនពេលកើតហេតុ នារីរងគ្រោះបានជិះម៉ូតូ១គ្រឿង ធុនសេ១២៥ ស៊េរី២០១១ ពណ៌ខ្មៅ ពាក់ស្លាកលេខកំពត 1E-1317 ឌុបក្មេង២នាក់ ធ្វើដំណើរពីត្បូងទៅជើង នៅក្នុងភូមិទន្លេ ឃុំព្រៃឫស្សី ស្រុកបន្ទាយមាស។

ពេលនោះក៏បានជួបជន២នាក់ ជិះម៉ូតូសេ១២៥ ស៊េរី២០១៤ ពណ៌ខ្មៅ ពាក់ស្លាកលេខភ្នំពេញ 1CK-2767 មកស្ទាក់ផ្លូវពីមុខ រួចឈប់ម៉ូតូសម្លុត ទារឱ្យប្រគល់សោម៉ូតូឱ្យពួកគេ ។ ដោយសារការភ័យខ្លាច នារីរងគ្រោះក៏ប្រគល់ម៉ូតូ ឱ្យទៅជនល្មើស ហើយជនម្នាក់ បានជិះម៉ូតូដែលប្លន់បាននេះ គេចខ្លួនបាត់ ចំណែកម្នាក់ទៀត ត្រូវអ្នកភូមិព័ទ្ធជាប់ និងចាប់បានហើយព្រួតវាយ រហូតសល់តែដង្ហើមចង្រិត ។

វត្ថុតាងដែលរឹបអូសបានមាន កាំភ្លើងខ្លីម៉ាកកា៥៤មួយដើម ខោអាវជាបុគ្គលិកធនាគារ និងឯកសារមួយចំនួនទៀត ។ លោកវរសេនីយ៍ទោ សែម សុជាតិ នាយការិយាល័យនគរបាល ព្រហ្មទណ្ឌកម្រិតធ្ងន់ខេត្ត ថ្លែងថា ជនសង្ស័យនេះ ជាមុខសញ្ញាចាស់ ហើយពេលនេះរងរបួសធ្ងន់ ដោយប្រជាពលរដ្ឋព្រួតវាយ ត្រូវបានយកទៅព្យាបាល នៅមន្ទីរពេទ្យបង្អែកខេត្ត ៕

ចោរប្លន់ដែលពលរដ្ឋព្រួតវាយស្ទើរស្លាប់

Read More

គ្រួសារចិត្តខ្មៅ ដាច់ចិត្តបាញ់សម្លាប់ កូនស្រីបង្កើត 2គ្រាប់ រួចបោះចូល ប្រឡាយទឹក តែសំណាង នាងនៅរស់

ប្រភពពី៖http://www.khmerload.com/news/27321

ប៉ាគីស្ថាន៖ យុវតីម្នាក់ បានរស់រានមានជីវិត ឡើងវិញ បន្ទាប់ពីត្រូវបាន ក្រុមគ្រួសារនាង បាញ់ពីរគ្រាប់ រួចចាប់ច្រកបាវ បោះចោលទៅក្នុង ប្រឡាយទឹក ដោយសារ តែនាង បានរៀបការជាមួយ បុរសដែលនាងស្រឡាញ់ និងមិនមានការ យល់ព្រមពីគ្រួសារ របស់នាង។
យ៉ាងណាមិញ តាមសម្តីអ្នក នាំពាក្យរបស់ មន្ត្រីប៉ូលីស បានរាយការណ៍ មកថា ស្ត្រីរងគ្រោះរូបនេះ មានឈ្មោះថា Saba Maqsood នាងត្រូវបាន ឪពុក ពូ មីង និងបងប្រុសបង្កើត វាយប្រហារ ដោយបានបាញ់នាង ចំនួនពីរគ្រាប់ រួចហើយទំលាក់ នាងចូលទៅក្នុង ប្រឡាយទឹក នៅក្នុងស្រុក Hafizabad ខេត្ត Punjab ប្រទេស ប៉ាគីស្ថាន។ លោកបានបន្តទៀតថា ថ្ពាល់និងដៃខាងស្តាំ របស់នាងបានរងរបួស យ៉ាងធ្ងន់ធ្ងរ។ តែទោះជាយ៉ាង ណាក៏ដោយ បន្ទាប់ពីនាងត្រូវ បានធ្លាក់ចូលទៅក្នុង ប្រឡាយហើយនោះ មួយសន្ទុះក្រោយមក នាងក៏បានដឹងខ្លួន ឡើងវិញ ហើយព្យាយាម តោងឡើង មកលើគោក  ទើបមានអ្នកដំនើរឆ្លង កាត់ទីនោះបានប្រទះ ឃើញនិង បញ្ជូននាងទៅកាន់ មន្ទីរពេទ្យភ្លាមៗ។
គួរបញ្ជាក់ផងដែរថា ក្រុមគ្រួសារអភិរក្សនិយម ជាច្រើនក្នុងប្រទេស ប៉ាគីស្ថាន ជឿជាក់ថា ការដែលស្រលាញ់ បុរសណាម្នាក់ និងជ្រើសរើស ស្វាមី ដោយខ្លួនឯងនេះ គឺជាអំពើដែលនាំឲ្យ អាប់អោនដល់កិត្តិយស គ្រួសារយ៉ាងខ្លាំង។ កូនស្រីត្រូវ តែរៀបការជាមួយ បុរសដែល ឪពុកម្តាយ រៀបចំឲ្យ បើមិនដូច្នោះ ទេនាងនឹងត្រូវ សម្លាប់ចោល ដើម្បីការពារកិត្តិយសគ្រួសារ៕

Read More

V

Read More