ប្រភពពី៖ http://news.sabay.com.kh/articles/766361

“ពេល​នេះ​ខ្ញុំ​កំពុង​​មាន​ជំងឺ​ ខ្ញុំ​​ពិត​​ជា​ចង់​ទៅ​រៀន ចង់​ឃើញ​មិត្តភ័ក្ដិ​ ចង់ ​ឃើញ​​ប៉ាម៉ាក់​មាន​ស្នាម​ញញឹម​​”។​ ទាំង​នេះ​គឺ​ជា​អត្ថន័យ​​នៅ​ឃ្លាដំបូង​​​ នៃ​លិខិត​​ របស់​កុមារី​ម្នាក់​​​ឈ្មោះ​​វិច្ឆិកា​ មុន​នាង​លាចាក​ដោយ​សារ​ជំងឺ​មហារីក​ឆ្អឹង​។​
អ្នក​ប្រើ​ប្រាស់​បណ្ដាញ​សង្គម​ម្នាក់បង្ហាញ​អារម្មណ៍​សោក​ស្តាយ​ ក្រោយ​បាន​អាន​អត្ថន័យ​ លិខិត​របស់​កុមារី​ វិច្ឆិកា​ និង​​បាន​សរសេរ​នៅ​លើ​បណ្តាញ​សង្គម​របស់​ខ្លួន​ថា​៖​ “សូម​វិញ្ញាណក្ខន្ធ​ក្មួយ​ស្រី​ទៅ​កាន់​សុគតិភព​កុំ​បី​ឃ្លៀង​ឃ្លាត​ឡើយ​ ​បើ​មាន​ជាតិ​ក្រោយ​ សូម​ក្មួយ​ស្រី​មាន​អាយុ​វែង​ ​សុខភាព​ល្អ ​ប្រាជ្ញា​វាង​វៃ​ និង​ជា​មនុស្ស​ល្អ​រស់​នៅ​ក្នុង​សង្គម”។​
ចំណែក​ អ្នក​ប្រើ​ប្រាស់​បណ្ដាញ​សង្គម​ម្នាក់​ផ្សេង​ទៀត​ក៏​បាន​បង្ហាញ​អារម្មណ៍​​ រំជួល​ចិត្ត​ និង​បាន​សរសេរ​ថា​៖​ “នាង​ពិត​ជា​ក្មេង​ស្រី​ឆ្លាត​ សូម​ឲ្យ​​ប្អូន​ស្រី​ទៅ​កាន់​ភព​មួយ​ទៀត​ដោយ​ស្ងប់​ស្ងាត់​​នាង​ខ្ញុំ​សូម​ ជួយ​រំលែក​ទុក្ខ​ដល់​ក្រុម​គ្រួសារ​គាត់​ផង​”។
កុមារី​ វិច្ឆិកា​ រៀន​នៅ​សាលា​បឋម​​សិក្សា​ វត្ត​បូព៌​​ ខេត្ត​សៀមរាប​។​ ប៉ុន្តែ​មិន​ដឹង​ថា​ រៀន​ថ្នាក់​ទី និង​អាយុ​ប៉ុន្មាន​នោះ​ទេ។
តើ​អ្នក​យល់​យ៉ាង​ណា​ដែរ​?