រូបថត​៧​សន្លឹក​លក់​បាន​ថ្លៃ​បំផុត​បន្សល់ទុក​អត្ថន័យ​យ៉ាង​អាថ៌កំបាំង​

ប្រភពពី៖http://news.sabay.com.kh/articles/761720

កន្លង​មក ​Sabay ​ធ្លាប់​ចុះ​ផ្សាយ​អត្ថបទ​មួយ​ដែល​ស្ដី​ពី​រួប​គំនូរ​​ថ្លៃ​បំផុត​ក្នុង​លោក ​ដែល​ធ្វើ​ឲ្យ​ប្រិយមិត្ត​ចាប់​អារម្មណ៍​ទាំង​តម្លៃ និង​អត្ថន័យ​នៅ​ក្នុង​គំនូរ​ទាំង​នោះ។ តែ​នៅ​ថ្ងៃ​នេះ Sabay​ សូម​ណែនាំ​ប្រិយមិត្ត​ឲ្យ​បាន​ស្គាល់​រូប​ថត​ដែល​បាន​លក់​ថ្លៃ​ជាង​គេ​បំផុត ​ទាំង​៧​វិញ​ម្ដង។

៧ រូបថត Billy The Kid អ្នក​ថត​រូប​មិន​បញ្ជាក់

ថត ​ក្នុង​ចន្លោះ​​ឆ្នាំ​១៨៧៩​-១៨៨០ រូបថត William H. Bonney ​ឬ Billy the Kid គឺ​ជា​ខ្មាន់​កាំភ្លើង​សញ្ជាតិ​អាមេរិក​ដ៏​ល្បីល្បាញ​ និង​ពូកែ​មួយ​រូប​នៅ​ក្នុង​សតវត្ស​ទី​១៩។ រូបថត​របស់​គាត់​​ត្រូវ​បាន​លក់​ក្នុង​តម្លៃ ២,៣​ លាន​ដុល្លារ​កាល​ពី​ឆ្នាំ​២០១១។

៦ រូប​ថត Untitled # 153 ថត​ដោយ​លោក Cindy Sherman

រូបថត ​គ្មាន​ចំណង​ជើង​ខាងលើ​នេះ​ត្រូវ​បាន​ថត​ដោយ​​អ្នក​ថត​រូប Cindy Sherman។ វា​ត្រូវ​បាន​ថត​ក្នុង​ឆ្នាំ​១៩៨៥ ហើយ​ត្រូវ​បាន​លក់​ក្នុង​តម្លៃ​២,៧ លាន​ដុល្លារ​នៅ​ក្នុង​ទីក្រុង​ញូវយ៉ក​កាល​ពី​ឆ្នាំ​២០១០។​

៥ រូបថត​ស្រះ​ទឹក​នៅ​ពេល​រាត្រី ​ថត​ដោយ​លោក Edward Steichen

រូបថត ​នេះ​បាន​ថត​កាល​ពី​ឆ្នាំ​១៩០៤ នៅ​តំបន់ Mamaroneck ទីក្រុង​ញូវយ៉ក។ រូបថត​នេះ​ត្រូវ​បាន​គេ​ថត​ចម្លង​ជា​បន្តបន្ទាប់ ប៉ុន្តែ​រហូត​មក​ដល់​ពេល​បច្ចុប្បន្ន​​នេះ​នៅ​មាន​សេសសល់​តែ​៣​​សន្លឹក​តែ​ ប៉ុណ្ណោះ​។ ក្នុង​រូប​ថត​ថត​ចម្លង​មួយ​ច្បាប់​​នេះ​ត្រូវ​​បាន​គេ​លក់​ក្នុង​តម្លៃ​ ២,៩២៨​លាន​ដុល្លារ​កាល​​ពី​ឆ្នាំ​២០០៦​នៅ​ក្នុង​ទីក្រុង​ញូវយ៉ក។

៤ រូបថត​ 99 Cent II Diptychon ដោយ​លោក Andreas Gursky

រូបថត ​នេះ​បាន​បង្ហាញ​ពី​​ផលិតផល​ជា​ច្រើន​​ដែល​ត្រូវ​បាន​ដាក់​តាំង​លក់​នៅ​ ក្នុង​ទីផ្សារ​មួយ​កន្លែង ​ប្រៀប​បាន​ដូច​ជា​កម្រាល​ភួយ​​​​ដ៏​ស្រស់​ស្អាត​​កើត​ចេញ​​ពី​​ស្នាដៃ​ តម្បាញ​យ៉ាង​ចំណាន។ បាន​ថត​នៅ​ក្នុង​ឆ្នាំ​២០០១ វា​ត្រូវ​បាន​លក់​កាល​ពី​ឆ្នាំ​២០០៧​នៅ​ទីក្រុង​ឡុងដុង​ប្រទេស​អង់គ្លេស​ ក្នុង​តម្លៃ ៣,៣៤៦លានដុល្លារ។
​
៣ រូបថត​ សម្រែក​របស់​កងទ័ព​មុន​ពេល​ស្លាប់ (Dead Troop Talk) ថត​ដោយ​លោក Jeff Wall

លោក Jeff Wall ត្រូវ​បាន​គេ​ចាត់​ទុក​ថា ជា​​អ្នក​និពន្ធ​ដ៏​ល្បីល្បាញ​​របស់​កាណាដា។ រូប​ថត​នេះ​បាន​បង្ហាញ​ពី​កងទ័ព​ក្រហម​របស់​អតីត​សូវៀត​ជា​ច្រើន​នាក់​បាន​​ ស្លាប់​ជា​មួយ​នឹង​ថ្លុក​ឈាម រង​របួស និង​ និយាយ​ដាក់​គ្នា​ទៅ​វិញ​ទៅ​មក​ក្នុង​អំឡុង​ពេល​វាយ​ប្រយុទ្ធ​គ្នា​ក្នុង​ សង្គ្រាម​អាហ្វហ្គានីស្ថាន​ឆ្នាំ​១៩៩២។ វា​ត្រូវ​បាន​លក់​នៅ​ក្នុង​ទីក្រុង​ញូវយ៉ក​កាល​ពី​ឆ្នាំ​២០១២ ក្នុង​តម្លៃ ៣,៦៦៦​លាន​ដុល្លារ។

២ រូប​ថត Untitled 96 ដោយ​​នាង Cindy Sherman

ថត ​ដោយ​នាងCindy Sherman ជនជាតិ​អាមេរិក រូប​ថត​នេះ​ត្រូវ​គេ​បញ្ជាក់​​ថា បង្កប់​​ទៅ​ដោយ​អត្ថន័យ​មួយ​បង្ហាញ​ពី​ភាព​ច្នៃប្រឌិត​​នៃ​សម័យ​ទំនើប​នា​ អំឡុង​ឆ្នាំ​១៩៨១។ វា​ត្រូវ​​បាន​លក់​កាល​ពី​ឆ្នាំ​២០១១ នៅ​ទីក្រុង​ញូវយ៉ក​ក្នុង​តម្លៃ ៣,៨៩ លាន​ដុល្លារ។​​​​

១ រូបថត Rhein II ដោយ​លោក Andreas Gursky

រូប ​ថត​​នេះ​ត្រូវ​បាន​ថត​ដោយ​​អ្នក​ថត​រូប​ជនជាតិ​អាល្លឺម៉ង់​លោក Andreas Gursky កាល​ពី​ឆ្នាំ​១៩៩៩។ ​ប្រកប​ដោយ​​គុណភាព​ខ្ពស់​ និង​​បង្កប់​​អត្ថន័យ​ហួស​ពី​ការ​ថ្លែង រូប​ថត​នេះ​ត្រូវ​បាន​ដាក់​លក់​នៅ​ទីក្រុង​ញូវយ៉ក​កាល​ពី​ឆ្នាំ​២០១១ ក្នុង​តម្លៃ ៤,៣៣៨​លាន​ដុល្លារ៕

ចុះ​ប្រិយមិត្ត​យល់​យ៉ាងណា​ដែរ​ចំពោះ​រូបថត​ទាំង​នេះ?