អតីត​បុរស​ធាត់​បំផុត​ក្នុង​លោក​ស្លាប់​នៅ​អាយុ ៤៨ ​ឆ្នាំ

ប្រភពពី៖http://news.sabay.com.kh/articles/761252

បុរស​មិកស៊ិក​ដែល​ធ្លាប់​ជាប់​កំណត់ត្រា​ជា​បុរស​ធាត់​បំផុត​ក្នុង​លោក​បាន​លា​ចាក​លោក​​នេះ​ហើយ​នៅ​អាយុ ៤៨​ឆ្នាំ។

​ ​​លោក​ Manuel Uribe ​បាន​សម្រក​ទម្ងន់​មក​ត្រឹម​ ៣៩៣ ​គីឡូក្រាម​ពី​ទម្ងន់​​ខ្ពស់​បំផុត​របស់​លោក​ដល់​ទៅ​ ៥៥៧ ​គីឡូក្រាម​​ដែល​ត្រូវ​បាន​ទទួល​ស្គាល់​ដោយ​សៀវភៅ​កំណត់ត្រា​ពិភពលោក​ Guinness ​​ក្នុង​ឆ្នាំ ២០០៦។

Uribe ​បាន​ស្លាប់​កាល​ពី​ថ្ងៃ​​ចន្ទ​កន្លង​ទៅ​​ ​ក្រោយ​ការ​ប្រកាស​ឲ្យ​ដឹង​​ពី​​មន្ទីរ​សុខាភិបាល​​រដ្ឋ​ Nuevo Leon ​​ទីក្រុង​ Monterrey។ ដោយសារ​ទម្ងន់​ដ៏​ធ្ងន់​របស់​លោក​ បុរស​រូប​នេះ​មិន​អាច​ដើរ​ទៅ​ណា​មក​ណា​បាន​ទេ​ ពោល​ត្រូវ​សម្រាក​នៅ​លើ​គ្រែ​រហូត។ ​​លោក​ត្រូវ​បាន​ឡាន​ស្ទូច​​នាំ​យក​ទៅ​កាន់​មន្ទីរពេទ្យ​កាល​ពី​ដើម​ខែ​នេះ​ ដោយសារ​ចង្វាក់​បេះដូង​លោត​ខុស​ប្រក្រតី ​ហើយ​​ពេល​នេះ​ក៏​ត្រូវ​បាន​បញ្ជាក់​ថា ​បាន​ស្លាប់​តែ​ម្ដង៕