ព្រឹត្តិការណ៍ក្នុងប្រទេសកម្ពុជា

This is featured post 1 title

Replace these every slider sentences with your featured post descriptions.Go to Blogger edit html and find these sentences.Now replace these with your own descriptions.This theme is Bloggerized by Lasantha - Premiumbloggertemplates.com.

This is featured post 2 title

Replace these every slider sentences with your featured post descriptions.Go to Blogger edit html and find these sentences.Now replace these with your own descriptions.This theme is Bloggerized by Lasantha - Premiumbloggertemplates.com.

This is featured post 3 title

Replace these every slider sentences with your featured post descriptions.Go to Blogger edit html and find these sentences.Now replace these with your own descriptions.This theme is Bloggerized by Lasantha - Premiumbloggertemplates.com.

This is featured post 4 title

Replace these every slider sentences with your featured post descriptions.Go to Blogger edit html and find these sentences.Now replace these with your own descriptions.This theme is Bloggerized by Lasantha - Premiumbloggertemplates.com.

This is featured post 5 title

Replace these every slider sentences with your featured post descriptions.Go to Blogger edit html and find these sentences.Now replace these with your own descriptions.This theme is Bloggerized by Lasantha - Premiumbloggertemplates.com.

Monday, June 29, 2015

ទុកជាបទពិសោធន៍ សំរាប់ឪពុកម្តាយគ្រប់រូប! លទ្ធផល ភ្លេចកូនចោលក្នុងឡាន គឺបែបនេះ

12:46 AM

Unknown

ប្រភពពី៖http://www.khmerload.com/news/39094

ចិន៖ វាគឺជារឿងដ៏គួឲ្យ ប្រុងប្រយ័ត្នមួយ សំរាប់ឪពុកម្តាយ គ្រប់រូប ដែលតែងតែ មានការធ្វេសប្រហែស ជាមួយនឹង កូនតូចៗ របស់ខ្លួន បើទោះជា រវល់នឹងការងារ យ៉ាងណាក៏ដោយ។

រថយន្តទុកចោលកណ្តាលថ្ងៃ
ជាក់ស្តែង កាលពីពេលថ្មីៗនេះ ក្មេងប្រុស អាយុ៤ឆ្នាំម្នាក់ មកពីខេត្ត Hunan បានស្លាប់បាត់បង់ជីវិត ដោយសារជាប់នៅក្នុងរថយន្ត ផ្នែកកៅអីក្រោយ ខណ:ពេលដែល អាកាសធាតុក្តៅខ្លាំង ធ្វើឲ្យក្មេងប្រុសរងគ្រោះ មិនអាចទ្រាំទ្រនឹងកម្តៅក្នុងរថយន្តបាន។

យោងតាមប្រភពសារព័ត៌មាន បានឲ្យដឹងថា ក្មេងប្រុស រងគ្រោះឈ្មោះ Xiaotian នៅថ្ងៃកើតហេតុ បានធ្វើដំណើរជាមួយក្រុមគ្រួសារ ទៅទទួលវ៉ាក់សាំងការពារជំងឺ។ ប៉ុន្តែនៅពេលដែលត្រឡប់មកផ្ទះវិញ វេលាម៉ោងប្រហែល ១១ព្រឹក គ្រួសារក្មេងរងគ្រោះ បានភ្លេចយក Xiaotian ចេញពីឡាន ដែលរូបគេកំពុងគេង នៅកៅអីក្រោយតែម្នាក់ឯង រួចក៏នាំគ្នាឡើងទៅ បរិភោគអាហារនៅផ្ទះសាច់ញាតិ នៅជាន់ទី១៥ លើខុនដូមួយកន្លែង។ លុះមកទល់ម៉ោងប្រហែល ៥ល្ងាច ក្រុមគ្រួសារទាំងមូល ចាប់អារម្មណ៍ថា បាត់ Xiaotian ទើបចាប់ផ្តើមមានការភ្ញាក់ផ្អើល ដើររក។

ប្រភពឲ្យដឹងទៀតថា Xiaotain ជាប់ក្នុងរថយន្ត ដែលមានសីតុណ្ហភាពក្នុងនោះ ដល់ទៅ ៤០អង្សារសេ បានស្លាប់ មុនពេលក្រុមគ្រួសាររកឃើញ។ ទោះបីជាភ្លាមៗ ក្រុមគ្រួសារក្មេងរងគ្រោះ ហៅឡានពេទ្យ ដើម្បីជួយសង្គ្រោះ ក៏ដោយ តែវាបានហួសពេល អស់ទៅហើយ។ គិលានុបដ្ឋាយិកាម្នាក់ បានប្រាប់ដល់ សារព័ត៌មានថា ក្មេងរងគ្រោះ ទំនងជាស្លាប់មុនពេល ឪពុកម្តាយរបស់គេ បានរកឃើញ យូរដែរមកហើយ៕

រូបភាពវាស់សីតុណ្ហភាពក្នុងរថយន្ត

Thursday, June 25, 2015

ប៉ុន្មានម៉ាត់យ៉ាងខ្លី វៀតណាមថា កំពុងបញ្ជាឱ្យ អាជ្ញាធរមូលដ្ឋាន ធ្វើរបាយការណ៍

7:04 PM

Unknown

ប្រភពពី៖http://www.khmerload.com/news/38993

រាជធានីភ្នំពេញ ៖ មន្ត្រីអ្នកនាំពាក្យ ក្រសួងការបរទេស និងសហប្រតិបត្តិការ អន្តរជាតិ បានឲ្យដឹងថា រដ្ឋាភិបាលវៀតណាម បានបញ្ជាឲ្យ អាជ្ញាធរមូលដ្ឋាន ចុះពិនិត្យ តំបន់ព្រំដែន និងធ្វើរបាយការណ៍ ដើម្បីឲ្យថ្នាក់ដឹកនាំ ឆ្លើយតបនឹងកំណត់ទូត របស់កម្ពុជា ដែលលើកឡើងថា វៀតណាម បានរំលោភដីកម្ពុជា ក្នុងខេត្តរតនគីរី និងខេត្តកណ្តាល ។

យោងតាមសេចក្តីប្រកាសព័ត៌មានរបស់អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ ចុះថ្ងៃទី២៤ មិថុនា បានឱ្យដឹងថា លោកឧបនាយករដ្ឋមន្ត្រី ហោ ណាំហុង បានជួបជាមួយលោក Le Hoai Trung អនុរដ្ឋមន្ត្រីការបរទេសវៀតណាម ដែលបានមកចូលរួមក្នុងកិច្ចប្រជុំ «វេទិកាអាស៊ាន-ជប៉ុន» នៅរាជធានីភ្នំពេញ កាលពីថ្ងៃទី២៣ មិថុនា ។

ក្នុងជំនួបនោះ លោកឧបនាយករដ្ឋមន្ត្រី ហោ ណាំហុង បានរំឭកពីការលើកឡើងរបស់សម្តេចតេជោនាយករដ្ឋមន្ត្រី ហ៊ុន សែន ដែលបានស្នើកុំឲ្យវៀតណាមធ្វើអ្វីនៅក្នុងតំបន់ដែលមិនទាន់បានបោះបង្គោលព្រំដែន ។ សេចក្តីប្រកាសព័ត៌មានបន្តថា លោកឧបនាយករដ្ឋមន្ត្រី បានស្នើយ៉ាងទទូចជាថ្មីម្តងទៀតឲ្យភាគីវៀតណាមគោរពតាមសេចក្តីប្រកាសព័ត៌មានរួម ចុះថ្ងៃទី១៧ ខែមករា ឆ្នាំ១៩៩៥ រវាងកម្ពុជា និងវៀតណាម ។

សេចក្តីប្រកាសព័ត៌មានបន្តថា «លោកឧបនាយករដ្ឋមន្ត្រី ក៏បានលើកឡើងពីករណីវៀតណាមជីកស្រះនៅស្រុកអូរយ៉ាដាវ ខេត្តរតនគិរី និងករណីសាងសង់ប៉ុស្តិ៍យាមនៅជាប់ភូមិព្រែកស្បូវ ឃុំសំពៅពូន ស្រុកកោះធំ ខេត្តកណ្តាល ។ លោកបានស្នើឲ្យភាគីវៀតណាមបញ្ឈប់ការសាងសង់នេះ ទោះបីជាក្នុងករណីជាការជួសជុលប៉ុស្តិ៍យាមចាស់ក៏ដោយ ដែលអនុរដ្ឋមន្ត្រីការបរទេសវៀតណាមបានលើកឡើងថា គ្រាន់តែជាការជួសជុលទេ» ។

តាមសេចក្តីប្រកាសព័ត៌មានដដែលនេះថា លោកអនុរដ្ឋមន្ត្រីការបរទេសវៀតណាម បានលើកឡើងថា ភាគីវៀតណាមបានទទួលកំណត់ទូតរបស់កម្ពុជា ហើយថ្នាក់ដឹកនាំវៀតណាមបានបញ្ជាឲ្យអាជ្ញាធរមូលដ្ឋានធ្វើរបាយការណ៍ជូនថ្នាក់ដឹកនាំវៀតណាម និងបច្ចុប្បន្នកំពុងរង់ចាំរបាយការណ៍នេះ ។

អ្នកនាំពាក្យក្រសួងការបរទេសកម្ពុជាលោក ជុំ សន្ទរី ត្រូវបានដកស្រង់សម្តីដោយវិទ្យុ VOD កាលពីថ្ងៃអង្គារ ទី២៣ មិថុនាថា កម្ពុជាកំពុងដោះស្រាយបញ្ហាព្រំដែនជាមួយវៀតណាមតាមយន្តការទ្វេភាគី ដែលលោកថា ការងារនេះត្រូវចំណាយពេលវេលាយូរ ។ លោកបន្ដថា យន្តការទ្វេភាគីនេះជាដំណោះស្រាយជំហានដំបូង ដោយឲ្យអាជ្ញាធរខេត្ដនៅតាមបណ្ដោយព្រំដែនប្រទេសទាំងពីរជួបប្រជុំពិភាក្សាគ្នារកដំណោះស្រាយ ហើយក្រៅពីនេះក៏មានបើកកិច្ចប្រជុំរវាងគណៈកម្មការព្រំដែនប្រទេសទាំងពីរផងដែរ ។ លោកមានប្រសាសន៍ថា «បច្ចុប្បន្ន គឺយើងធ្វើការប្រមូលផ្ដុំការតវ៉ាតាមការទូត ហើយដែលយើងធ្វើកន្លងមករហូតដល់ពេលនេះ គេហៅថាយន្តការទ្វេភាគី ដូចជាតាមរយៈទំនាក់ទំនងគ្នារវាងអាជ្ញាធរដែនដី រវាងអាជ្ញាធរខេត្តនិងខេត្ត ខេត្តកម្ពុជានិងខេត្តវៀតណាម ឬក៏តាមរយៈកិច្ចប្រជុំរបស់គណៈកម្មការចម្រុះព្រំដែនរបស់ប្រទេសទាំងពីរ ហើយនិងការតវ៉ាតាមផ្លូវការទូត» ។

គួររំលឹកថា កំណត់ទូតរបស់ក្រសួងការបរទេសកម្ពុជា កាលពីថ្ងៃទី១៤ មិថុនា ដែលផ្ញើទៅរដ្ឋាភិបាលវៀតណាមឲ្យដឹងថា ក្រុមបច្ចេកទេសគណៈកម្មាធិការព្រំដែនកម្ពុជា និងអាជ្ញាធរខេត្តរតនគិរី បានរកឃើញស្រះចំនួន៣បន្ថែមទៀតនៅក្នុងព្រៃជ្រៅបន្ទាប់ពីការរកឃើញមុននេះចំនួន៥ ដែលវៀតណាមបានជីកចន្លោះបង្គោលព្រំដែនលេខ៣០ និងលេខ៤០ ក្នុងភូមិឡំ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី ដែលកន្លែងនោះមិនទាន់បានកំណត់ព្រំដែនច្បាស់លាស់នៅឡើយ ។ កំណត់ទូតបញ្ជាក់ថា ស្រះទឹកទី១មានទំហំ១២ម៉ែត្រគុណនឹង១៨ម៉ែត្រ ស្រះទឹកទី២មានទំហំ១៤,៥ម៉ែត្រគុណនឹង១៧ម៉ែត្រ និងស្រះទឹកទី៣ មានទំហំ១០ម៉ែត្រគុណនឹង២៤,៥ម៉ែត្រ ។

ចំណែកកំណត់ទូតរបស់ក្រសួងការបរទេសកម្ពុជា ចុះថ្ងៃទី១៧ មិថុនា លើកឡើងថា កាលពីថ្ងៃទី៨ មិថុនា ក្រសួងបានផ្ញើកំណត់ទូតមួយទៅប្រទេសវៀតណាម ស្នើឲ្យបញ្ឈប់ការជីកដីធ្វើគ្រឹះសម្រាប់សាងសង់ប៉ុស្តិ៍យោធា ត្រង់ចំណុចនិយាមការ WT-06065-07703 នៅជាប់ភូមិព្រែកស្បូវ ក្នុងឃុំសំពៅពូន ស្រុកកោះធំ ខេត្តកណ្ដាល របស់ប្រទេសកម្ពុជា ។

បើតាមអះអាងរបស់លោកឧបនាយករដ្ឋមន្ត្រី ហោ ណាំហុង ដែលបានផ្ញើលិខិតទៅសម្តេចពញាចក្រី ហេង សំរិន ប្រធានរដ្ឋសភាថា ក្រសួងការបរទេសកម្ពុជា និងស្ថានទូតកម្ពុជាប្រចាំនៅទីក្រុងហាណូយ បានធ្វើកំណត់ទូតទៅរដ្ឋាភិបាលវៀតណាមអំពីការរំលោភបំពានលើទឹកដីកម្ពុជានៅតំបន់ផ្សេងៗ ចាប់ពីឆ្នាំ២០១៣ ដល់ឆ្នាំ២០១៥នេះ ចំនួន១១ដងរួចមកហើយ ។

គួរកត់សម្គាល់ថា ភាគីកម្ពុជាបានផ្ញើរបាយការណ៍ច្រើនដងហើយ មានន័យថា និយាយច្រើនណាស់ហើយជម្រាបទៅភាគីវៀតណាម ។ ប៉ុន្តែភាគីវៀតណាមបានឆ្លើយតបវិញ «ប៉ុន្មានម៉ាត់យ៉ាងខ្លី» តែប៉ុណ្ណោះ មិនគួរឱ្យទុកចិត្តមែន !!

ថតបាន ខ្សែអាត់សម្លេង ពាក្យសម្តីគ្រូពេទ្យ ប្រមាថមើលងាយ លើអ្នកជម្ងឺ កំពុងសន្លប់ស្តូកស្តឹង ក្នុងពេលវះកាត់ (មានវីដេអូ)

7:01 PM

Unknown

ប្រភពពី៖http://www.khmerload.com/news/38989

អាមេរិក៖ អ្នកគ្រូពេទ្យជំនាញ ខាងដាក់ថ្នាំស្ពឹកម្នាក់ ត្រូវបានអ្នកជម្ងឺ ប្តឹង ហើយត្រូវពិន័យ ជាប្រាក់ បន្ទាប់ពី បែកធ្លាយ ខ្សែអាត់សំលេង ដែលលួចថត បានដោយទូរស័ព្ទ ស្មាតហ្វូន របស់អ្នកជម្ងឺនោះ នៅក្នុងដំណើរការ ទាំងមូល ក្នុងពេលវះកាត់ ជាពិសេស គឺថតបានសំដី មិនសមរម្យ និងប្រមាថមើលងាយ របស់នាង ចំពោះអ្នកជម្ងឹ ដែលសន្លប់ ស្តូកស្តឹងនោះ ទៀតផង។

រូបភាពពេលដែលកំពុងធ្វើការវះកាត់

យោងតាមប្រភពព័ត៌មាន បានឲ្យដឹងថា អ្នកគ្រូពេទ្យ មានជំនាញខាងដាក់ថ្នាំស្ពឹកម្នាក់ ដែលមានឈ្មោះថា Tiffany M Ingham ធ្វើការនៅតំបន់ Reston ក្នុងរដ្ឋ Virginia នៃសហរដ្ឋអាមេរិក ត្រូវបានអ្នកជម្ងឺម្នាក់ប្តឹង ហើយត្រូវបានពិន័យ ជាប្រាក់ បន្ទាប់ពីបែកធ្លាយ ខ្សែអាត់សំលេង នៃការប្រមាថមើលងាយ ដល់អ្នកជំងឺ ដែលថតបានដោយ អ្នកជម្ងឺរូបនោះ នៅក្នុងទូរស័ព្ទ ស្មាតហ្វូន របស់គាត់ផ្ទាល់តែម្តង។

អ្នកជម្ងឺ ដែលទទួលរង ការប្រមាថរូបនោះ ប្រើឈ្មោះកាត់ DB លោកបានប្រាប់ឲ្យដឹងថា ដោយខ្លាចមាន បញ្ហាផ្សេងៗ ដែលប៉ះពាល់ ដល់ផ្នែកសំខាន់ៗ នៅលើរាងកាយមុនពេលវះកាត់ គាត់ក៏បានប្រើប្រាស់ ទូរស័ព្ទស្មាតហ្វូន ដើម្បីថតសំលេង ក្នុងអំឡុងពេលវះកាត់នោះ។ បន្ទាប់ពីនោះមក លោក DB បានបើកស្តាប់សំលេងឡើងវិញ ពីក្នុងទូរសព្ទរបស់គាត់ ក្នុងពេលធ្វើដំណើរតាមផ្លូវ ត្រលប់មកកាន់ផ្ទះវិញ ក៏បានលឺសម្តីមិនសមរម្យ ទាំងនោះតែម្តង។

លោក DB បានឲ្យដឹងថា នៅពេលដែលខ្លួនលោក កំពុងសន្លប់ គ្រូពេទ្យស្រីម្នាក់ឈ្មោះ Ingham បាននិយាយដូចជា៖ «ក្រោយពេលនិយាយជាមួយលោក អស់៥នាទីមុនពេលដំណើរការវះកាត់ចាប់ផ្តើម ខ្ញុំពិតជាចង់ដាល់លោកមួយដៃ ឲ្យចំផ្ទៃមុខ ដ់ើម្បីឲ្យលោករឹងពឹង សមជាប្រុសបន្តិច»។ «មើលម្ជុលនេះទៅ ឃើញទេ .. តិចទៀត វាជ្រាបចូលទៅក្នុងខ្លួន គាត់នេះហើយ នឹងធ្វើឲ្យមានអារម្មណ៍ រាគចុះក្អួត»។ «មេរោគរបេងក្នុងប្រដាប់ភេទរបស់គាត់»។

យ៉ាងណាមិញ លោក DB បានដាក់ពាក្យបណ្តឹង រួចហើយ ដោយគ្រូពេទ្យស្រីនោះ ត្រូវបានចោទប្រកាន់ពីបទ បរិហាកេរ្តិ៍ និងអនុវត្តខុសផ្នែកវេជ្ជសាស្រ្ត ហើយតុលាការ បានកាត់ក្តី ឲ្យសងជម្ងឺចិត្ត ទឹកប្រាក់ចំនួន ៥សែនដុល្លារអាមេរិកដល់លោក DB ផងដែរ៕

សូមទស្សនាវីដេអូខាងក្រោម៖

ថតបាន ខ្សែអាត់សម្លេង ពាក្យសម្តីគ្រូពេទ្យ ប្រមាថមើលងាយ លើអ្នកជម្ងឺ កំពុងសន្លប់ស្តូកស្តឹង ក្នុងពេលវះកាត់ (មានវីដេអូ)

6:59 PM

Unknown

ប្រភពពី៖http://www.khmerload.com/news/38989

អាមេរិក៖ អ្នកគ្រូពេទ្យជំនាញ ខាងដាក់ថ្នាំស្ពឹកម្នាក់ ត្រូវបានអ្នកជម្ងឺ ប្តឹង ហើយត្រូវពិន័យ ជាប្រាក់ បន្ទាប់ពី បែកធ្លាយ ខ្សែអាត់សំលេង ដែលលួចថត បានដោយទូរស័ព្ទ ស្មាតហ្វូន របស់អ្នកជម្ងឺនោះ នៅក្នុងដំណើរការ ទាំងមូល ក្នុងពេលវះកាត់ ជាពិសេស គឺថតបានសំដី មិនសមរម្យ និងប្រមាថមើលងាយ របស់នាង ចំពោះអ្នកជម្ងឹ ដែលសន្លប់ ស្តូកស្តឹងនោះ ទៀតផង។

រូបភាពពេលដែលកំពុងធ្វើការវះកាត់

យោងតាមប្រភពព័ត៌មាន បានឲ្យដឹងថា អ្នកគ្រូពេទ្យ មានជំនាញខាងដាក់ថ្នាំស្ពឹកម្នាក់ ដែលមានឈ្មោះថា Tiffany M Ingham ធ្វើការនៅតំបន់ Reston ក្នុងរដ្ឋ Virginia នៃសហរដ្ឋអាមេរិក ត្រូវបានអ្នកជម្ងឺម្នាក់ប្តឹង ហើយត្រូវបានពិន័យ ជាប្រាក់ បន្ទាប់ពីបែកធ្លាយ ខ្សែអាត់សំលេង នៃការប្រមាថមើលងាយ ដល់អ្នកជំងឺ ដែលថតបានដោយ អ្នកជម្ងឺរូបនោះ នៅក្នុងទូរស័ព្ទ ស្មាតហ្វូន របស់គាត់ផ្ទាល់តែម្តង។

អ្នកជម្ងឺ ដែលទទួលរង ការប្រមាថរូបនោះ ប្រើឈ្មោះកាត់ DB លោកបានប្រាប់ឲ្យដឹងថា ដោយខ្លាចមាន បញ្ហាផ្សេងៗ ដែលប៉ះពាល់ ដល់ផ្នែកសំខាន់ៗ នៅលើរាងកាយមុនពេលវះកាត់ គាត់ក៏បានប្រើប្រាស់ ទូរស័ព្ទស្មាតហ្វូន ដើម្បីថតសំលេង ក្នុងអំឡុងពេលវះកាត់នោះ។ បន្ទាប់ពីនោះមក លោក DB បានបើកស្តាប់សំលេងឡើងវិញ ពីក្នុងទូរសព្ទរបស់គាត់ ក្នុងពេលធ្វើដំណើរតាមផ្លូវ ត្រលប់មកកាន់ផ្ទះវិញ ក៏បានលឺសម្តីមិនសមរម្យ ទាំងនោះតែម្តង។

លោក DB បានឲ្យដឹងថា នៅពេលដែលខ្លួនលោក កំពុងសន្លប់ គ្រូពេទ្យស្រីម្នាក់ឈ្មោះ Ingham បាននិយាយដូចជា៖ «ក្រោយពេលនិយាយជាមួយលោក អស់៥នាទីមុនពេលដំណើរការវះកាត់ចាប់ផ្តើម ខ្ញុំពិតជាចង់ដាល់លោកមួយដៃ ឲ្យចំផ្ទៃមុខ ដ់ើម្បីឲ្យលោករឹងពឹង សមជាប្រុសបន្តិច»។ «មើលម្ជុលនេះទៅ ឃើញទេ .. តិចទៀត វាជ្រាបចូលទៅក្នុងខ្លួន គាត់នេះហើយ នឹងធ្វើឲ្យមានអារម្មណ៍ រាគចុះក្អួត»។ «មេរោគរបេងក្នុងប្រដាប់ភេទរបស់គាត់»។

យ៉ាងណាមិញ លោក DB បានដាក់ពាក្យបណ្តឹង រួចហើយ ដោយគ្រូពេទ្យស្រីនោះ ត្រូវបានចោទប្រកាន់ពីបទ បរិហាកេរ្តិ៍ និងអនុវត្តខុសផ្នែកវេជ្ជសាស្រ្ត ហើយតុលាការ បានកាត់ក្តី ឲ្យសងជម្ងឺចិត្ត ទឹកប្រាក់ចំនួន ៥សែនដុល្លារអាមេរិកដល់លោក DB ផងដែរ៕

សូមទស្សនាវីដេអូខាងក្រោម៖

ពិតជាអាយុថ្លៃមែន! ធ្លាក់យន្តហោះ ៥ថ្ងៃ ម្តាយ និងទារក តូចម្នាក់ នៅអាច រស់រាន មានជីវិត!

6:57 PM

Unknown

ប្រភពព៖http://www.khmerload.com/news/38999

កូឡំប៊ី៖ ម្តាយវ័យក្មេង និងទារកម្នាក់ ត្រូវបានគេប្រទះឃើញ នៅរស់រានមានជីវិត ក្រោយជួបឧបទ្ទវហេតុ ធ្លាក់យន្តហោះ អស់រយៈពេល ៥ថ្ងៃ នៅក្នុងព្រៃ ដែលស្ថិតនៅ ភាគខាងលិច នៃប្រទេសកូឡំប៊ី។

យោងតាមប្រភពព័ត៌មាន បាឲ្យដឹងថា នាង Maria Nelly Murillo វ័យ១៨ឆ្នាំ និងកូនប្រុស អាយុ ១ឆ្នាំម្នាក់ ត្រូវបានក្រុមសង្គ្រោះ ប្រទះឃើញ ក្បែរយន្តហោះតូចមួយ របស់ក្រុមហ៊ុនអាកាសចរណ៏ Cessna របស់សហរដ្ឋអាមេរិក ដែលបានធ្លាក់ នៅក្នុងខេត្ត Choco នៃប្រទេសកូឡំប៊ី។

នាង Maria Nelly Murillo និងកូនប្រុស ត្រូវបានសង្គ្រោះ

ប្រភពដដែល បានឲ្យដឹងទៀតថា នាង Murillo បានរងរបួស និងរលាក ខណៈទារក របស់នាង មិនមានរងរបួស អ្វីឡើយ ហើយថែមទាំង មានសុខភាពល្អ ទៀតផង។

គួរបញ្ជាក់ផងដែរថា យន្តហោះដែលបានធ្លាក់នោះ គឺជាយន្តហោះ របស់ក្រុមហ៊ុន អាកាសចរណ៏ Cessna ដែលបានហោះហើរ ចេញពីទីក្រុង Quibdo ឆ្ពោះទៅកាន់ទីក្រុង Nuqui ប៉ុន្តែបានធ្លាក់ នៅក្នុងតំបន់ Alto Baudo ស្ថិតក្នុងខេត្ត Choco កាលពីថ្ងៃសៅរ៏ ទី២០ ខែមិថុនា កន្លងទៅនេះ ខណៈមូលហេតុ នៃការធ្លាក់នោះ មិនទាន់ត្រូវបាន គេដឹងនៅឡើយទេ។

គួរឲ្យដឹងផងដែរថា ក្រុមអ្នកជួយសង្គ្រោះ បានប្រទះឃើញ យន្តហោះរងគ្រោះ កាលពីថ្ងៃច័ន្ទ ទី២២ ខែមិថុនា ហើយប្រទះឃើញ អ្នកបើកបរយន្តហោះ ដែលមានឈ្មោះថា Carlos Mario Ceballos បានស្លាប់បាត់បង់ជីវិត នៅក្នុងកាប៊ីនមុខ នៃយន្តហោះ បាត់ទៅហើយ។ ទោះបីជាយ៉ាងណា ទ្វារយន្តហោះ បានចំហរ ខណៈនាង Murillo និងកូនប្រុស ឈ្មោះ Yudier Moreno មិនស្ថិតនៅទីនោះឡើយ។

យន្តហោះ របស់ក្រុមហ៊ុន អាកាសចរណ៏ Cessna ដែលបានធ្លាក់នោះ

យ៉ាងណាមិញ ក្រុមអ្នកជួយសង្គ្រោះ ដែលមានគ្នាសរុប ចំនួន១៤នាក់ បានដើររុករកពេញព្រៃ អស់រយៈពេល ៣ថ្ងៃ ទើបប្រទះឃើញ នាង Murillo និងកូនប្រុស។

ប្រមុខកងទ័ពអាកាស Colombian Air Force ម្នាក់ ដែលមានឈ្មោះថា Colonel Hector Carrascaលបានប្រាប់ឲ្យដឹងថា ការរស់រានមានជីវិត របស់ម្តាយកូន ២នាក់នេះ គឺពិតជា អព្ភូតហេតុដ៏អស្ចារ្យមួយ។«វាគឺជាអភូតហេតុ ដ៏អស្ចារ្យមួយ។ នៅទីនោះ គឺជាតំបន់ព្រៃក្រាស់។»

ម្តាយកូនទាំង២នាក់នេះ ក្រោយមក ត្រូវបានគេបញ្ជូន ទៅកាន់មន្ទីរពេទ្យ នៅក្នុងទីក្រុង Quibdo នៃប្រទេសកូឡំប៊ី ដើម្បីធ្វើការព្យាបាល៕

មិនគួរឲ្យជឿ! ក្មេងស្រីជា សិស្សសាលា មួយក្រុម ចាប់មិត្តរួមថ្នាក់ វាយដំ ស្រាតខោអាវ ហើយថតរូប Selfie ទៀត (មានវីដេអូ)

6:51 PM

Unknown

ប្រាភពពីៈhttp://www.khmerload.com/news/39001

ចិន៖ ខែ្សវីដេអូកំពុងក្តៅគគុកមួយ បង្ហាញពីក្មេងមួយក្រុម ជាសិស្សអនុវិទ្យាល័យ ក្នុងខេត្ត Jiangxi បានវាយដំ និងទះកំភ្លៀង មិត្តរួមថ្នាក់ របស់ពួកគេម្នាក់ ជាង៥នាទី ហើយក្រោយមក ចាប់ស្រាតសំលៀកបំពាក់ ថែមទាំងបង្ខំ ឲ្យនាង ថតរូបជាមួយ ថែមទៀតផង។

ក្មេងស្រីរងគ្រោះត្រូវមិត្តរួមថ្នាក់បង្ខំឲ្យអង្គុយចុះ

នៅក្នុងវីដេអូ គេឃើញក្មេងស្រីរងគ្រោះ ដែលស្លៀកពាក់ ខោពណ៌ខៀវ និងអាវពណ៌ខ្មៅ ត្រូវមិត្តរួមថ្នាក់ ចាប់បង្ខំ ឲ្យលុតជង្គង់ និងផ្លាស់វេនគ្នា វាយ និងទាត់ធាក់ រូបនាង។ ទោះជាក្មេងស្រីរូបនោះ សំពះសុំអង្វរ ឲ្យបញ្ឈប់ សកម្មភាព ធ្វើបាបលើ រូបនាង យ៉ាងណាក៏ដោយ ក៏មិត្តភក្តិរបស់នាង ហាក់រីករាយ យ៉ាងខ្លាំង ហើយបន្តសកម្មភាព ហិង្សា របស់ពួកគេ តទៅទៀត។

យោងតាមនាយកដ្ឋានអប់រំខេត្ត Jiangxi បានឲ្យដឹងថា ក្មេងស្រីរងគ្រោះ មានឈ្មោះថា Huang ទើបតែរៀនចប់ ថ្នាក់ អនុវិទ្យាល័យ នៅខេត្ត Siyuan ហើយគេជា អតីតប្រធានថ្នាក់។ ដោយឡែក មេក្លោងដែល ដឹកនាំការវាយ ធ្វើបាបនោះ គឺមានឈ្មោះថា Liu មូលហេតុ គឺដោយសារ តែនាងមិនពេញចិត្តនឹង ការគ្រប់គ្រងថ្នាក់រៀន របស់ Huang។

Liu បានផ្ញើសារទៅ Huang ឲ្យមកជួបនាង នៅលើដំបូលអាគារ ដោយប្រាប់ថា ឲ្យជួយដោះស្រាយ ការឈ្លោះប្រកែក គ្នាមួយ។ អ្នកបង្កបញ្ហា ដែលស្ថិតនៅក្នុង វីដេអូទាំងប៉ុន្មាន ត្រូវគេស្គាល់ អត្តសញ្ញាណ អស់ហើយ និងកំពុង តែប្រគល់ កិច្ចការ ទៅឲ្យប៉ូលិស ជាអ្នកដោះស្រាយ។ ចំពោះ ក្មេងស្រីរងគ្រោះ ត្រូវបានគ្រូ របស់នាង បញ្ជូនទៅមន្ទីរពេទ្យ ដើម្បីព្យាបាលរបួស៕

នាងត្រូវមិត្តរួមថ្នាក់ ទាត់និងទះកំភ្លៀងជិត៥នាទី

បន្ទាប់ពីវាយធ្វើបាបរួច ហើយនាងត្រូវគេចាប់ដោះអាវ និងថតរូប Selfie

ឪពុកម្តាយស្លាប់ ដោយសារគ្រោះថ្នាក់ ចរាចរណ៍បន្សល់ទុក ក្មេង៧នាក់ ប្រឈមភាពទុរ្ភិក្ស កំពុងរង់ចាំ ជំនួយ

6:37 PM

Unknown

ប្រភពពី៖http://www.khmerload.com/news/39010

ខេត្តរតនគិរី ៖ ក្មេងកំព្រាចំនួន៧នាក់ ក្នុង២គ្រួសារ ជាជនជាតិដើម ភាគតិចទំពួន ត្រូវឪពុកម្តាយស្លាប់ចោលដោយ សារគ្រោះថ្នាក់ចរាចណ៍ កាលពីថ្ងៃទី២១ មិថុនា ២០១៥ កន្លងមក កំពុងជួបបញ្ហាអត់ផ្ទះនៅ ហើយត្រូវបានអ្នកជិតខាងយកមក ជាបណ្តោះអាសន្នដើម្បី រង់ចាំសប្បុរសជន ឬអង្គការមួយចំនួន មកទទួលយកទៅចិញ្ចឹម ។

ប្រភពបានឱ្យដឹងថា កូនកំព្រាទាំង៥ ១-ឈ្មោះរ៉េល វ៉ា ភេទស្រី អាយុ១៦ឆ្នាំ ២-ឈ្មោះរ៉េល អែម ភេទស្រី អាយុ១៤ឆ្នាំ ៣-ឈ្មោះ រ៉េល ចន្ទ្រា ភេទស្រី អាយុ៧ឆ្នាំ ៤-ឈ្មោះរ៉េល ភូម៉ា ភេទប្រុស អាយុ៦ឆ្នាំ និង៥-ឈ្មោះរ៉េល មាលា ភេទស្រី អាយុ៥ឆ្នាំ ។

ចំណែកគ្រួសារមួយទៀត ដែលត្រូវម្តាយ ស្លាប់ដោយគ្រោះថ្នាក់ចរាចរដែរនោះ បន្សល់ទុកនៅកូន ចំនួន២នាក់ និងឪពុកកំសត់ម្នាក់ ដោយបុរសជា ឪពុកឈ្មោះចាន់ ជាង ហៅញ៉ាញ់ អាយុ៣៣ឆ្នាំ ជនជាតិខ្មែរ ជាអ្នកធ្វើចំការ មានកូនទី១-ឈ្មោះជាង សុនីសា ភេទស្រី អាយុ២ឆ្នាំ និងកូនប្រុស ទើបតែបាន២ខែ មានឈ្មោះជាង រតនា ទាំង២គ្រួសារខាងលើនេះ រស់នៅភូមិភ្នំ សង្កាត់យក្សឡោម ក្រុងបានលុង ខេត្តរតនគិរី ។

អ្នកយក ព័ត៌មានកោះសន្តិភាព ប្រចាំខេត្តរតនគិរី បានទៅដល់កន្លែង កូនកំព្រាទាំង៥នោះ និងឪពុកព្រមទាំងកូនចំនួន២នាក់នោះហើយ ពិតជាកំសត់ និងមានការ ខ្វះខាតប្រាកដមែន សូមសប្បុរសជនក្នុង និងក្រៅប្រទេស មេត្តាជួយឧបត្តម្ភ ដល់ក្រុមគ្រួសារទាំងអស់នេះផង ។

Tuesday, June 23, 2015

ផ្អើលជីកបាន ទូកបុរាណ អាយុកាល 2 សតវត្ស ក្នុងទឹកដីប្រទេសថៃ (មានវីដេអូ)

10:50 PM

Unknown

ប្រភពពីៈhttp://www.khmerload.com/news/38951

ថៃ៖ ប្រជាជន មានការភ្ញាក់ផ្អើល យ៉ាងខ្លាំង នៅពេលដែល ពួកគេជីកដី ប្រទះឃើញទូកបុរាណ ដ៏ធំមួយ ដែលមានអាយុកាល ប្រមាណ ២សតវត្សឯណោះ។

បើតាមប្រភពព័ត៌មាន បានឲ្យដឹងថា ទូកបុរាណដែលគេជឿជាក់ថា មានអាយុកាល ជាង ២០០ឆ្នាំ (សតវត្ស ទី១៩) ត្រូវបានប្រជាជន រកឃើញនៅ ឯទំនប់ចាស់ Say Bai Dam ក្នុងប្រទេសថៃ កាលពីថ្ងៃទី១៥ ខែមិថុនា កន្លងទៅនេះ បន្ទាប់ពីទំនប់នោះ ត្រូវបានរីងស្ងួត។ ទូកនោះមានប្រវែង ៣០ម៉ែត្រ ប្រជាជនចាស់ៗ ក្នុងតំបន់បាននិយាយថា វាមើលទៅ ដូចជាទូកជំនាន់មុន ដែលគេប្រើសំរាប់ដឹកអង្ករពីខេត្ត Ubon Ratchathani។

ប្រភពព័ត៌មាន បានឲ្យដឹងទៀតថា ក្នុងការជីកយក ទូកបុរាណពីក្នុងដី មានការចូលរួម ពីសំណាក់ប្រជាជន ជាច្រើន រួមជាមួយនឹង ត្រាក់ទ័រ ២គ្រឿង ដើម្បីជំនួយដល់ប្រតិបត្តិការទាំងមូល ហើយទូកនោះ នឹងត្រូវបានគេ ដាក់បង្ហាញ ឲ្យមនុស្សម្នា ចូលទស្សនានៅឯវត្ត Baan Chiang Peng ផងដែរ។ ជាពិសេស មានប្រជាជនជាច្រើន ភ្លូកទឹកភ្លូកដី នាំគ្នាទៅអុជធូបបន់ស្រន់ សុំលេខឆ្នោតពីទូកបុរាណនោះ យ៉ាងពពាក់ពពូនទៀតផង។

បច្ចុប្បន្ននេះ ទូកត្រូវបានអាជ្ញាធរ ក្នុងតំបន់ កំពុងធ្វើការទាក់ទងទៅ ក្រសួងវិចិត្រសិល្បៈជាតិ ដើម្បីវាយតំលៃ ពីអាយុជាក់លាក់ និងតម្លៃរបស់វាផងដែរ៕

សូមទស្សនា វីដេអូខាងក្រោមនេះ៖

៤ប៉ុស្តិ៍របស់ អេនឌី និង ឌុច លីដា មានគ្រប់ស្ទាយ៍ ប្លែកភ្នែក

7:56 PM

Unknown

ប្រភពពី៖http://www.khmerload.com/news/38936

ភ្នំពេញ៖ តារាសម្តែង និងជាតារាចម្រៀង លោក អេនឌី ក្រៅពីលេចធ្លោក្នុង ការងារសិល្បៈ ហើយនោះលោកក៏ជា តារាមួយដួងដែល មានភាពលេចធ្លោលើការ ថតរូបអោបរឹត ជាមួយតារាស្រីល្បីឈ្មោះ ជាច្រើនដួងទៀត ក្នុងនោះលោកក៏ជាប់ងារជា តារាសម្បូរ Style ថតរូបប្លែកៗរហូត។ ជាក់ស្តែងថ្មីៗនេះ តារាប្រុសរូបនេះ បានចាប់ដៃគូជាមួយ តារាសម្តែង ស្រីស្រស់នាង ឌុច លីដា ថតរូបបញ្ចេញស្ទាយ៍ ថតរូបថ្មីទៀតហើយ ។

ថ្ងៃនេះគេហទំព័រ LookingTODAY នឹងនាំអារម្មណ៍ប្រិយមិត្ត ទស្សនិកជនទស្សនា រូបថតជាច្រើន សន្លឹករបស់តារាប្រុស លោក អេនឌី និងតារាសម្តែង ស្រីវ័យក្មេង កញ្ញា ឌុច លីដា ដោយរូបថត ទាំងអស់នោះ មានស្ទីលថ្មីៗប្លែក ដោយមានការ ថតរូបបែប ពត់ពែនខ្លួន គេដាំក្បាលចុះក្រោម លើកជើងឡើងលើ ជាដើម ។ សម្រាប់ស្ទាយ៍ថតរូបនេះ គឺពិតជាថ្មីប្លែក ប្រចាំឆ្នាំដែលធ្វើឲ្យ តារា២ដួងនេះ មានការទាក់ទាញការចាប់ អារម្មណ៍ជាក់ជា មិនខាន ។

ចង់ដឹងថាតារា ២ដួងនេះ មានអ្វីប្លែកនិង គួរឲ្យចាប់អារម្មណ៍កម្រិតណា តោះទៅទស្សនា ទាំងអស់គ្នា៖

កម្លាំងនគរបាល ខេត្តព្រៃវែង បើក ប្រតិបត្តិការ បង្ក្រាបមេចោរប្លន់ ធ្លាប់ធ្វើសកម្មភាព កក្រើក នៅកម្ពុជា, ប្លន់ទូរមាស នៅផ្សារលាច ស្រុក ភ្នំក្រវាញ

7:43 PM

Unknown

ប្រភពពី៖http://www.khmerload.com/news/38942

ព្រៃវែង : លោក សេង សុភក្រ្ត ស្នងការរងនគរបាល ទទួលផែនព្រហ្មទណ្ឌ ខេត្តព្រៃវែង បាន បញ្ជាក់ថា កម្លាំង នគរបាលរបស់លោក ក្រោមបញ្ជាពីលោកស្នងការ បានបញ្ចេញប្រតិបត្តិការ បង្ក្រាប និងចាប់ខ្លួន មេចោរប្លន់ម្នាក់ នៅឃុំក្របៅ ស្រុកកំចាយមារ កាលពីព្រឹកថ្ងៃទី២៣ ខែមិថុនា ឆ្នាំ២០១៥ ដែលមេចោរ ប្លន់រូបនេះ រួមជាមួយបក្ខពួក របស់ខ្លួន ៤ និង ៥នាក់ផ្សេងទៀត តែងតែធ្វើសកម្មភាពប្លន់ និងលួច គ្រប់រូបភាព យ៉ាងច្រើន មិនថានៅខេត្ត ព្រៃវែងនោះទេ ប៉ុន្តែតាមបណ្តាខេត្តផ្សេងទៀត ផងដែរ ដូចជាប្លន់ ទូរមាស នៅផ្សារលាច ស្រុកភ្នំក្រវាញ ខេត្តពោធិ៍សាត់ជាដើម។

លោក សេង សុភក្រ្ត បានបញ្ជាក់ថា ប្រតិបត្តិចាប់មេចោរប្លន់ មានឈ្មោះ យិន សីុណា អាយុ៣៥ឆ្នាំ ខាងលើនេះ បានធ្វើឡើង ដោយតាមអូស តាំងពីស្រុកពញាក្រែក ជាមួយបក្ខពួកម្នាក់ទៀត ជាមេចោរធំផងដែរ គឺឈ្មោះ ហីុង នី អាយុ៣៥ឆ្នាំ កំពុងជិះម៉ូតូម៉ាកសេ១២៥ ស៊េរីឆ្នាំ២០១២ ប៉ុន្តែពេលជិះមកដល់ឃុំក្របៅ ស្រាប់តែពួកគេទាំង ២នាក់ ដឹងខ្លួនក៏ផ្តួលម៉ូតូចោល រួចរត់ចូលព្រៃបាត់។ ពេលនោះ កម្លាំងនគរបាល ជាច្រើននាក់ បានដេញតាម ហើយពួនស្ទាក់រហូត ចាប់បាន ឈ្មោះ យិន សីុណា នេះតែម្តង ខណ:ឈ្មោះ ហីុង នី បានរំដោះខ្លួន ចេញទៅបាត់។

បើតាមលោក សេង សុភក្រ្ត ក្រុមចោរទាំងនេះ មានបក្ខពួកប្រមាណ១០នាក់ បានចេញប្លន់ និង លួចទ្រព្យសម្បត្តិ គ្រប់រូបភាព ទាំងនៅខេត្តព្រៃវែង ខេត្តស្វាយរៀង និងប្លន់ទូរមាស នៅផ្សារលាច ស្រុកភ្នំក្រវាញ ដែលពេលនោះ ឈ្មោះ យិន សីុណា ជាអ្នកដឹកនាំធ្វើទៀតផង ប៉ុន្តែបក្ខពួកមួយ ចំនួនត្រូវបានចាប់ខ្លួន ផងដែរ ដូចជានៅខេត្ត ស្វាយរៀង ជាដើម ។

លោក បានបញ្ជាក់ថា ឈ្មោះ យិន សីុណា នេះ បានប្រើឈ្មោះ ជាច្រើនពេលចេញប្លន់ម្តងៗ ប៉ុន្តែត្រូវអស់លក្ខណ៏ នៅពេលនេះ ហើយលោកក៏សូមអំពាវនាវ ដល់សមត្ថកិច្ច តាមបណ្តាខេត្ត តាមបង្ក្រាប និងចាប់ខ្លួនមេចោរ ម្នាក់ទៀត ហីុង នី ដែលកំពុងរត់គេចខ្លួន។

បើតាមលោក សេង សុភក្រ្ត មេខ្លោងចោរប្លន់ ទាំង២នាក់ ក៏ត្រូវ បានតុលាការខេត្តពោធិ៍សាត់ ចេញដីកាបង្គាប់ អោយ ចាប់ខ្លួនផងដែរ កាលពីដើមខែមេសា ឆ្នាំ២០១៥ កន្លងទៅ ពីបទប្លន់ ទូរមាស នៅផ្សារលាចនោះ ។

លោកបានបន្តទៀតថា ក្រោមបញ្ជាពីលោកស្នងការ ឧត្តមសេនីយ៏ ស្រេង ជា កម្លាំងនគរបាល របស់លោក បាននិងកំពុងធ្វើការស្រាវជ្រាវតាមចាប់បក្ខពួកដែលនៅសេសសល់។

លោកសេង សុភក្រ្ត បានបញ្ជាក់ថា ដោយសារតែតុលាការខេត្តពោធិ៍សាត់បានចេញដីកា បញ្ជាឲ្យ ចាប់ខ្លួនក្រុម ចោរប្លន់ទាំងនេះ ដូច្នេះកម្លាំងសមត្ថកិច្ចរបស់លោក បាននឹងកំពុងរៀបចំ នីតិវិធី ប្រគល់ជនត្រូវចោទម្នាក់ នេះទៅឲ្យនគរបាលខេត្តពោធិ៍សាត់ចាត់ការទៅតាមនីតិវិធី៕

ស្តែងពេក! វីដេអូ បង្ហាញពីរថយន្ត BMW បើកលឿន ដូចហោះទៅបុក រថយន្តមួយទៀត ខ្ទេចម៉ត់ (មានវីដេអូ)

7:38 PM

Unknown

ប្រភពពី៖http://www.khmerload.com/news/38950

ចិន៖ ទិដ្ឋភាពដ៏ គួរឲ្យរន្ធត់មួយ ត្រូវបានថតជាប់ ដោយកាមេរ៉ាសុវត្ថិភាព ដែលដាក់បង្កប់ នៅតាមដងផ្លូវ ដោយបានបង្ហាញ ពីសកម្មភាពរបស់ រថយន្តមួយគ្រឿង បើកលឿនដូចព្យុះ ហោះទៅបុក រថយន្តមួយទៀត ឡើងខ្ទេចម៉ត់ ទាំងសងខាង តែម្តង។

យោងតាមប្រភព ព័ត៌មានបាន ឲ្យដឹងថា ហេតុការណ៍ដ៏រន្ធត់ មួយនេះបាន កើតឡើងកាល ពីថ្ងៃអាទិត្យ សប្តាហ៍មុន នៅឯដងផ្លូវ មួយកន្លែង ក្នុងទីក្រុង ណានជីង របស់ប្រទេស ចិន ដោយក្នុងនោះ មានការប៉ះទង្គិច រវាងរថយន្ត២គ្រឿង ដែលមួយជាប្រភេទ BMW និងជាអ្នកបង្កហេតុ ហើយមួយទៀត ជារថយន្តប្រភេទ Mazda។

ប្រភពក៏បាន បញ្ជាក់ផងដែរថា មូលហេតុដែល បណ្តាលឲ្យមាន គ្រោះថ្នាក់ចរាចរណ៍ បែបនេះគឺ បណ្តាលមកពី បុរសជាអ្នក បើករថយន្ត BMW ដែលមានវ័យ ៣៥ឆ្នាំ បានបើកលឿនពេក គឺប្រហែលជា ក្នុងល្បឿនដល់ទៅ ១៥០គីឡូម៉ែត្រ ក្នុងមួយម៉ោង ដោយបានបើក ហួសភ្លើងស្តុប ក្រហម ទើបនាំឲ្យ មានការហួសទៅបុក នឹងរថយន្ត Mazda ដែលកំពុងតែ បើកឆ្លងនៅឯ ផ្លូវម្ខាងទៀត បណ្តាលឲ្យ លាន់ដូចរន្ទះ និងខ្ទាតបំណែក នៃរថយន្តទាំងនោះ ពេញទាំងផ្លូវ តែម្តង។ ហើយអ្វីដែលរឹតតែ អកុសលទៀតនោះ គឺថាមនុស្ស ដែលស្ថិតនៅ ក្នុងរថយន្ត Mazda ចំនួន២នាក់ ត្រូវបានខ្ទាតចេញ ពីឡាននិងបាន ស្លាប់នៅកន្លែង កើតហេតុភ្លាមៗ តែម្តង។

សាក្សីម្នាក់ ដែលបានឃើញ ហេតុការណ៍ផ្ទាល់ភ្នែក បាននិយាយថា “ខ្ញុំបានឮសន្ធឹក របស់រថយន្ត BMW នោះយ៉ាងខ្លាំង ហើយក្រោយមក ស្រាប់តែខ្ញុំឮ សម្លេងលាន់ដូច រន្ទះនិងបាន ឃើញបំណែក រថយន្តជាច្រើន ប៉ើងខ្ទាតទៅលើ អាកាសស្រស់ៗតែម្តង ដែលទិដ្ឋភាពនេះ ពិតជារន្ធត់មែនទែន”។

យ៉ាងណាមិញ បុរសជាអ្នក បើករថយន្ត BMW ត្រូវបានប៉ូលីស ចាប់ខ្លួនហើយ ផងដែរបន្ទាប់ ពីគេព្យាយាម រត់គេចក្រោយពី បានបង្កឲ្យមាន គ្រោះថ្នាក់មួយនេះ។ ម្យ៉ាងវិញទៀត ប៉ូលីសក៏បាន បញ្ជាក់ថា បុរសនោះ មិនបានស្ថិតនៅ ក្រោមស្ថានភាព ស្រវឹង ពេលកំពុងតែ បើកបរនោះឡើយ តែទោះយ៉ាងណា ពេលនេះរូបគេ ត្រូវបានឃុំខ្លួន ហើយប៉ូលីសក៏ កំពុងតែធ្វើការ ស៊ើបអង្កេតជុំវិញ ករណីមួយនេះ ផងដែរ៕

ទិដ្ឋភាពរួមនៃ គ្រោះថ្នាក់ចរាចរណ៍ ដ៏គួរឲ្យរន្ធត់មួយនេះ៖

អង្គការណាសា រៀបគម្រោង បង្ហោះគ្រាប់ កំទេចអាចម៍ផ្កាយ ដើម្បីសង្រ្គោះ ភពផែនដី

1:42 AM

Unknown

ប្រភពពី៖http://www.khmerload.com/news/38934

បរទេស៖ កាលពីពេលថ្មីៗនេះ អង្គការណាសា រួមជាមួយនឹង អង្គការថែរក្សា សុវត្ថិភាព គ្រាប់នុយក្លេអ៊ែរ ជាតិរបស់សហរដ្ឋ អាមេរិក បានចេញសេចក្តី ប្រកាសមួយដោយ បានបញ្ជាក់ អំពីការត្រៀមធ្វើ កិច្ចសហប្រតិបត្តិការ ដ៏ធំមួយក្នុងការ កំទេចដុំ អាចម៍ផ្កាយ (ផ្កាយព្រះគ្រោះ) ដែលស្ថិតនៅ ក្នុងលំហអាកាស ដើម្បីសង្រ្គោះ ពិភពលោកឲ្យ គេចផុតពីការ វិនាសហិនហោច។

ផ្អែកលើរបាយការណ៍ ដែលអះអាងដោយ អង្គការណាសា បានឲ្យដឹងថា យ៉ាងហោចណាស់ ក៏មានអាចម៍ផ្កាយ ជាង១លានដុំ ដែលកំពុងតែ រសាត់អណ្តែត នៅក្នុងលំហអាកាស ហើយពួកវា គឺជាកត្តាគំរាមកំហែង ដល់សុវត្ថិភាព របស់ភពផែនដី របស់យើង យ៉ាងខ្លាំង ព្រោះថាប្រសិនណា បើពួកវា ហោះមកបុក ឬក៏ធ្លាក់មកចំ ផែនដីនោះ មិនថាជីវិតមនុស្ស ឬក៏សត្វនោះទេ សុទ្ធតែត្រូវ ទទួលរងគ្រោះថ្នាក់ ជាក់ជាមិនខាន។

ការអះអាងនេះ ក៏មានភ្ជាប់មកជាមួយ នូវភស្តុតាងដែល បង្ហាញពីវត្តមាន របស់អាចម៍ផ្កាយ ដែលបានធ្លាប់ ធ្លាក់ចំភពផែនដី របស់យើងដែលនោះ គឺកាលពីថ្ងៃទី១៥ ខែកុម្ភៈ ឆ្នាំមុន មានការធ្លាក់ អាចម៍ផ្កាយដ៏ធំមួយ នៅក្នុងតំបន់ Chelyabinsk នៃប្រទេសរុស្ស៊ី ហើយកម្លាំងរបស់ វាគឺមានឥទ្ធិពល ខ្លាំងជាង គ្រាប់បែកប្រល័យលោក ដែលត្រូវបានទម្លាក់ នៅទីក្រុង ហ៊ីរ៉ូស៊ីម៉ា ដល់ទៅ២០ ឬក៏៣០ដង ឯណោះ។

លោក Bruce Betts នាយកផ្នែក វិទ្យាសាស្ត្រនិង បច្ចេកវិទ្យានៅឯ វិទ្យាស្ថាន Planetary Society បាននិយាយថា “វាជារឿងល្អយ៉ាងខ្លាំង ដែលអង្គការ ទាំង២នេះ បើកកិច្ចសហប្រតិបត្តិការ ដើម្បីដោះស្រាយ ក៏ដូចជាកំចាត់ចោល នូវអាចម៍ផ្កាយ ដែលស្ថិតក្នុង លំហអាកាស ទាំងនោះ ដោយសារតែពួកវា គឺជាកត្តាមួយ ក្នុងការនាំឲ្យ ពិភពលោក ឈានដល់ថ្ងៃ អវសាន”។

មានការបញ្ជាក់ បន្ថែមផងទៀតថា អង្គការទាំង២ នឹងមានគម្រោង ប្រើប្រាស់រ៉ុកកែត ដើម្បីបាញ់ បង្ហោះអាវុធ នុយក្លេអ៊ែរ ទៅកំទេចអាចម៍ផ្កាយ ទាំងនោះ ព្រោះថានេះជា ដំណោះស្រាយ ដ៏ល្អមួយ ដើម្បីជួយសង្រ្គោះ ភពផែនដី បើទោះជា អាចនឹងមាន ផលប៉ះពាល់ បន្តិចបន្តួច ព្រោះតែកំទេចកំទី នៃអាចម៍ផ្កាយ ដែលត្រូវបាន កំទេចទាំងនោះ យ៉ាងណាក៏ដោយ។

នេះគឺជាដំណឹង ដ៏គួរឲ្យភ្ញាក់ផ្អើល សម្រាប់មនុស្ស ជាច្រើនជុំវិញ ពិភពលោក ហើយគ្រប់គ្នា ក៏កំពុងតែ រង់ចាំមើលអំពី លទ្ធផលនៃគម្រោង របស់កិច្ចសហប្រតិបត្តិការ មួយនេះផងដែរ៕

រូបភាពបង្ហាញពី ការរសាត់អណ្តែត របស់ដុំអាចម៍ផ្កាយ មកប៉ះជាមួយ នឹងភពផែនដី របស់យើង

យុវតី អាយុ១៥ឆ្នាំ សម្លាប់ខ្លួន ដោយសារ សង្សារបង្ហោះ វីដេអូក្តៅសាច់ពួកគេ លើហ្វេសប៊ុក!

1:23 AM

Unknown

ប្រភពពីៈhttp://www.khmerload.com/news/38916

វៀតណាម៖ ប៉ូលីសខេត្តដុងណៃ បានធ្វើការចាប់ខ្លួនបុរសម្នាក់ ក្រោយពេលក្មេងស្រីសិស្សសាលា វ័យ១៥ឆ្នាំ និងត្រូវជាអតីតមិត្តស្រីរបស់គេ សម្លាប់ខ្លួនដោយសារតែ ការបង្ហោះ ខ្សែអាត់វីដេអូរួមភេទ ជាមួយក្មេងស្រីរងគ្រោះ ចូលទៅក្នុងគណនី បណ្តាញសង្គមហ្វេសប៊ុករួចមក។

បុរសឈ្មោះ Nguyen Dinh Loc អាយុ២២ឆ្នាំ អាចនឹងត្រូវទទួលទោសទណ្ឌ ដែលបានរួមភេទ ជាមួយនឹងក្មេងស្រីអនីតិជន និងធ្វើឲ្យនាងអាម៉ាស់មុខយ៉ាងខ្លាំង ដោយសារ វីដេអូក្តៅសាច់ រវាងពួកគេទាំងពីរនាក់ ត្រូវបានបង្ហោះឡើងលើបណ្តាញសង្គម។ ក្នុងនោះដែរ តាមការស៊ើបអង្កេតរបស់ប៉ូលីស នាពេលកន្លងទៅ បានរកឃើញថា ពួកគេទាំងពីរ ពិតជាមានទំនាក់ទំនងផ្លូវភេទជាមួយគ្នា ជាច្រើនលើកមកហើយពិតមែន។ ក្រៅពីនោះ មេធាវីក្នុងស្រុកម្នាក់ បានប្រាប់ឲ្យដឹងថា រូបគេ (Dinh Loc) អាចរងនូវការជាប់ចោទ ពីបទចែកចាយវីដេអូអាសអាភាសផងដែរ។

ប្រភពព័ត៌មាន ឲ្យដឹងទៀតថា ក្មេងស្រីរងគ្រោះ បានផឹកថ្នាំសំរាប់បាញ់រុក្ខជាតិ នៅវេលាថ្ងៃព្រហស្បតិ៍ សប្តាហ៍មុននេះ ក្រោយពីឈ្លោះប្រកែកគ្នាមួយប្រាវ ទីតាំងនៅផ្ទះរបស់នាង ជាមួយនឹងជនឈ្មោះ Loc រូបនេះ ដែលត្រូវជាអតីតមិត្តប្រុស ហើយនៅថ្ងៃបន្ទាប់នាងក៏បានស្លាប់បាត់បង់ជីវិត ក្រោយពីក្រុមគ្រូពេទ្យ មិនមានលទ្ធភាព ជួយស្រោចស្រង់អាយុជីវិតនាងបាន។ ប្រភពបន្តថា ពួកគេទាំងពីរគ្រាន់តែជាអ្នកជិតខាង ភូមិផងរបងជាមួយគ្នា ប៉ុណ្ណោះ មុនពេលមាន ទំនាក់ទំនងស្នេហាអស់រយ:ពេល ១ឆ្នាំ កន្លងមកនេះ ហើយទើបតែកាលពីពេលថ្មីៗនេះផងដែរ ដែលក្មេងស្រីរងគ្រោះ ចង់សុំបែកគ្នា ព្រោះនាងចង់យកពេលវេលា មកផ្តោតលើការសិក្សាវិញ។

បើតាមសម្តីរបស់មិត្តរួមថ្នាក់ បានឲ្យដឹងថា ក្មេងស្រីរងគ្រោះ ក៏ធ្លាប់បានប្រាប់ពួកគេដែរ ថានាងចង់ស្លាប់ ព្រោះនាងត្រូវអតីតសង្សារ (Loc) បង្ហោះវីដេអូលើហ្វេសប៊ុក ដើម្បីជាការ សងសឹកនឹងនាង។ មិត្តរួមថ្នាក់នាង បន្ថែមទៀតថា អតីតមិត្តប្រុសនោះ ថែមទាំងធ្លាប់ប្រើហឹង្សា វាយទៅលើនាងទៀតផង។

សារចុងក្រោយមួយ របស់ក្មេងស្រីរងគ្រោះ បានសរសេរផ្ញើរទៅកាន់ឪពុកម្តាយ របស់នាងយ៉ាងដូច្នេះថា៖ «ខ្ញុំសម្លាប់ខ្លួនដោយសារតែ Loc»។

នេះជាបទពិសោធន៍មួយ សំរាប់អ្នកផ្សេងទៀត ពិសេសយុវវ័យ ទុកជាមេរៀន កុំឲ្យប្រព្រឹត្ត ឬដើរតាមគន្លង ក្មេងស្រីរងគ្រោះ ម្នាក់នេះឲ្យសោះ៕

រំលោភសម្លាប់ បុរសថៃ ចាប់បោះ ពលការិនីខ្មែរម្នាក់ ទម្លាក់ពីលើ អគារសណ្ឋាគារ ជាន់ទី៣

1:22 AM

Unknown

ប្រភពពី៖http://www.khmerload.com/news/38924

ខេត្តបន្ទាយមានជ័យ ៖ ពលការិនីខ្មែរម្នាក់ ត្រូវបានបុរស ជនជាតិថៃម្នាក់ សម្លាប់ ដែលប្រភពខ្លះ អះអាងថា ជាមេសន្តិសុខ សណ្ឋាគារ និងខ្លះថា ជាទាហាន ដែលគេបញ្ជាឱ្យ ទទួលខុស ត្រូវផ្នែកសន្តិសុខ ។ ការសម្លាប់ពលការិនីខ្មែរនេះ បើតាមប្រភពពីបុរសជាប្តីបានអះអាងថា ជាការសម្លាប់ព្រោះតែការប៉ុនប៉ងរំលោភមិនបានសម្រេច ក៏រឹតកសម្លាប់នាងរួចយកសពបោះទម្លាក់ពីលើអគារសណ្ឋគារកម្ពស់៣ជាន់មកក្រោម ។ ដោយសារកាមេរ៉ាសុវត្ថិភាពដែលមាននៅក្នុងសណ្ឋាគារនោះ បានថតជាប់រាល់សកម្មភាពជនដែលបោះទម្លាក់សពពលការិនីខ្មែរូបនេះ ទើបឈានដល់ការចាប់ខ្លួនដោយក្រុមតម្រួតថៃ ។

ឈ្មោះ ខុម សុរិទ្ធិបូរ៉ា ជាប្តីបានប្រាប់ថា ស្ត្រីរងគ្រោះដែលជាប្រពន្ធរបស់ខ្លួនឈ្មោះ ជាតិ ភឿន អាយុ២២ឆ្នាំ នាងបានទៅដល់ប្រទេសថៃជាង១០ថ្ងៃមកហើយ នឹងទើបតែចូលធ្វើការក្នុងហាងកាហ្វេមួយកន្លែង នៅកណ្តាលក្រុងបាងកក បានរយៈពេល១ថ្ងៃប៉ុណ្ណោះ ។

បុរសជាប្តីបាននិយាយថា ពួកគេបានចេញទៅធ្វើការងាររៀងៗខ្លួន ដោយទ្បែករូបគេធ្វើការនៅកន្លែងផ្សេង ស្រាប់តែវេលាម៉ោង១២និង៣០នាទី ថ្ងៃទី១៦ មិថុនា ក៏មានសាច់ញាតិបានទូរស័ព្ទប្រាប់ថា ប្រពន្ធរបស់ខ្លួនត្រូវបានឃាតករសម្លាប់រួចទម្លាក់សពពីលើអគារជាន់ទី៣ នៅខេត្តមិនបូរី ប្រទេសថៃ ។

តាមសម្តីសមត្ថកិច្ចថៃដែលត្រួតពិនិត្យលើសពស្ត្រីខ្មែររងគ្រោះ គឺមានស្នាមរឹតកសម្លាប់ និងបានបោះទម្លាក់ពីលើអគារសណ្ឋាគារ ។ ទាក់ទិននឹងការសម្លាប់នេះ បុរសជាប្តីបានអះអាងថា ប្រពន្ធរបស់ខ្លួន ត្រូវជននោះរឹតកសម្លាប់ក្រោយពេលរំលោភ ។ ហេតុការណ៍នោះបានថតជាប់កាមេរ៉ាសុវត្ថិភាពនៅខាងក្រោយអគារ ទើបតម្រួតថៃស្រាវជ្រាវចាប់ឃាតករដៃដល់នៅថ្ងៃទី១៩ មិថុនា គឺឈ្មោះ ឆា រិន អាយុជាង៤០ឆ្នាំ ជាទាហានប៉ារា៉ ។

ព័ត៌មានពីសាច់ញាតិជនរងគ្រោះបានឱ្យដឹងថា មុនពេលស្ត្រីរងគ្រោះស្លាប់ គឺនាងត្រូវជនដៃដល់ឈ្មោះ ឆា រិន បានលួងលោមនាងថា នាំទៅធ្វើអត្តសញ្ញាណប័ណ្ណសញ្ជាតិថៃ ។ ហើយនាងក៏យល់ព្រមទៅជាមួយ ព្រោះចង់បានប័ណ្ណនោះ ងាយស្រួលក្នុងការរកការងារធ្វើ ។ តែត្រូវបានជនដៃដល់បង្ខំនាងឱ្យចូលក្នុងបន្ទប់ស្នាក់នៅរបស់គេ ហើយក៏ចាប់រំលោភបានសម្រេច រួចរឹតកសម្លាប់ ហើយទម្លាក់សពតាមបង្អួចពីលើអគារជាន់ទី៣ ។

លោកអនុសេនីយ៍ឯក ឡា រៀម នាយប៉ុស្តិ៍រដ្ឋបាលនគរបាលអូរប្រាសាទ បានឱ្យដឹងនៅព្រឹកថ្ងៃទី២១ មិថុនា ថា ស្ត្រីរងគ្រោះនៅភូមិភ្នំជើង ឃុំអូរប្រាសាទ ស្រុកមង្គលបុរី ។ ស្ត្រីខ្មែររងគ្រោះនេះមានប្តីឈ្មោះ ខុម សុរិទ្ធិបូរា៉ អាយុ២៩ឆ្នាំ និងមានកូនស្រីម្នាក់អាយុប្រមាណជា៤ឆ្នាំនៅក្នុងបន្ទុក ។

លោកនាយប៉ុស្តិ៍រូបនោះបានបញ្ជាក់ថា តាមការបំភ្លឺពីសាច់ញាតិក៏ដូចជាបុរសជាប្តីបាននិយាយរៀបរាប់ប្រាប់ថា ភរិយារបស់គាត់បានទៅតាមខ្លួនជាប្តី និងរកការងារធ្វើ ។ ពេលនោះបងស្រីនិយាយថា បើចង់ធ្វើសំណង់ជាមួយគ្នាទាល់តែមានប័ណ្ណសម្គាល់ខ្លួន ទើបអាចធ្វើបាន។ នៅថ្ងៃទី១៦ មិថុនា បងស្រីបានពឹងសន្តិសុខយាមសណ្ឋាគារឱ្យឌុបនាងជាប្រពន្ធរបស់ខ្លួនទៅធ្វើប័ណ្ណ ស្រាប់តែបាត់ដំណឹងរហូតដល់វេលាម៉ោង១២និង២០នាទីថ្ងៃត្រង់ ថ្ងៃទី១៧ ខែមិថុនា ឆ្នាំ២០១៥ ទើបប្រទះឃើញសពស្ត្រីម្នាក់ស្លាប់ក្បែរសណ្ឋាគារ ។

ទាក់ទិននឹងករណីសម្លាប់ស្ត្រីជាពលករខ្មែរនេះ សមត្ថកិច្ចខ្មែរដាក់ការសង្ស័យថា អាចជាការប៉ុនប៉ងចាប់នាងរំលោភតែមិនបានសម្រេចក៏សម្លាប់នាងបំបិទមាត់ ។ បច្ចុប្បន្នសពស្ត្រីរងគ្រោះត្រូវបានសាច់ញាតិ និងក្រុមគ្រួសារចាត់ចែងធ្វើបុណ្យតាមប្រពៃណីរួចហើយដែរ ៕

អ្នកនិពន្ធបទចម្រៀង ក្នុងរឿង “Titanic” ធ្លាក់យន្តហោះស្លាប់ កាលពីម្សិលមិញនេះ!

1:03 AM

Unknown

សហរដ្ឋអាមេរិក៖ យោងតាមប្រភពព័ត៌មាន បានឲ្យដឹងថា លោក James Horner វ័យ៦១ឆ្នាំ ដែលជាអ្នកនិពន្ធ សញ្ជាតិអាមេរិក និងជាអ្នកនិពន្ធ បទចម្រៀង "My Heart Will Go On" ក្នុងរឿង "Titanic" ហើយបានឈ្នះ ពាន់រង្វាន់ Oscar ផងនោះ បានស្លាប់ កាលពីព្រឹក ថ្ងៃច័ន្ទ ទី២២ ខែមិថុនា ឆ្នាំ២០១៥ ម្សិលមិញនេះ ដោយសារ ជួបឧបទ្ទវហេតុ ធ្លាក់យន្តហោះ នៅភាគខាងជើង នៃទីក្រុង Santa Barbara ក្នុងរដ្ឋ California សហរដ្ឋអាមេរិក។

លោក James Horner

បើតាមអាជ្ញាធរមូលដ្ឋាន បានប្រាប់ឲ្យដឹងថា យន្តហោះរបស់លោក James Horner បានធ្លាក់ និងឆាបឆេះ យ៉ាងខ្លាំង។

ប្រភពដដែល បានបន្តទៀតថា នៅពេលកើតហេតុ លោក Horner ដែលជាអ្នកបើកបរ ស្ថិតក្នុងការហ្វឹកហាត់ នៅឡើយនោះ ស្ថិតនៅក្នុងយន្តហោះ តែម្នាក់ឯងប៉ុណ្ណោះ ខណៈយន្តហោះ របស់លោក បានធ្លាក់ នៅភាគខាងជើង នៃទីក្រុង Santa Barbara ក្នុងរដ្ឋ California សហរដ្ឋអាមេរិក បណ្តាលឲ្យលោក ស្លាប់បាត់បង់ជីវិត នៅក្នុងហេតុការណ៏នេះ តែម្តង។

ជំនួយការផ្ទាល់ខ្លួន របស់លោក James Horner ដែលមានឈ្មោះថា Sylvia Patrycja បានសរសេរសារ នៅលើបណ្តាញសង្គម ហ្វេសប៊ុក របស់ខ្លួនថា “យើងបានបាត់បង់ មនុស្សដ៏អស្ចារ្យម្នាក់ ដែលមានទឹកចិត្ត ដ៏ធំធេង និងមានទេពកោសល្យ មិនគួរឲ្យជឿ។ គាត់បានស្លាប់ ដោយសារធ្វើអ្វី ដែលគាត់ស្រលាញ់។ សូមអរគុណ ចំពោះការគាំទ្រ និងស្រលាញ់របស់អ្នកទាំងអស់គ្នា។”

ជាមួយគ្នានេះដែរ តារាសម្តែង និងជាអ្នកដឹកនាំរឿង សញ្ញាតិអាមេរិក លោក Ron Howard ក៏បានសរសេរសារ នៅលើបណ្តាញសង្គម Twitter របស់ខ្លួនផងដែរ ថា “អ្នកនិពន្ធដ៏អស្ចារ្យ លោក James Horner ដែលជាមិត្តភក្តិ និងជាសហសេវិក របស់ខ្ញុំ បានស្លាប់ នៅក្នុងឧបទ្ទវហេតុ ធ្លាក់យន្តហោះ។”

សាររបស់លោក Ron Howard ដែលបានសរសេរ នៅលើបណ្តាញសង្គម Twitter

គួរបញ្ជាក់ផងដែរថា លោក James Horner គឺជាអ្នកនិពន្ធ ដ៏ល្បីល្បាញមួយរូប និងធ្លាប់មានស្នាដៃ ជាច្រើន ហើយធ្លាប់ឈ្នះ ពាន់រង្វាន់ Oscar ចំនួន២លើក ក្នុងខ្សែភាពយន្ត ចំនួន៣ របស់ផលិតករ លោក James Cameron ដែលមានដូចជា ខ្សែភាពយន្តរឿង “A Beautiful Mind” “Troy” និង “Apollo 13”៕

ទស្សនាវីដេអូចម្រៀង "My Heart Will Go On" ដែលជាស្នាដៃនិពន្ធ របស់លោក James Horner៖

ប្រភពពី៖http://www.khmerload.com/news/38928

Wednesday, June 17, 2015

៥ វិធីបង្ការភ្លាត់ស្នៀតធ្លាក់ក្នុងកលល្បិចក្រុម Hacker

12:07 AM

Unknown

ប្រភពពី៖http://news.sabay.com.kh/article/399329

បច្ចុប្បន្នពួក Hacker កំពុងតែបង្កព្យុះភ្លៀងនៅលើបណ្ដាញអ៊ីនធឺណិតទូទាំងពិភពលោក។ ជាក់ស្ដែងមានការលេចសារចម្លែកៗផ្ញើចូលក្នុង Email ឬនៅក្នុងគណនីរបស់អ្នកប្រើប្រាស់បណ្ដាញសង្គម ដែលជាសញ្ញាដែលបង្ហាញថាពួក Hacker កំពុងតែឈ្លានពានគណនីរបស់អ្នកប្រើប្រាស់។ តែមានវិធីមួយចំនួនដែលយើងអាចការពារគណនីផ្ទាល់ខ្លួនរបស់អ្នកមិនឲ្យពួក Hacker វាយលុកបាន។

១. ប្រើលេខសម្ងាត់ (Password) ដោយភាពឈ្លាសវៃ

-ត្រូវបង្កើតលេខសម្ងាត់ផ្សេងៗគ្នាទៅលើគ្រប់សេវាកម្ម (Email, Baking Account, Social Media,….) ដែលប្រើ ហើយត្រូវផ្លាស់ប្តូរវារៀងរាល់ ៦ខែម្ដងឬក៏លើសពីនេះ។
-ប្រើលេខសម្ងាត់កាន់តែវែងកាន់តែល្អ។ កាលណាយើងដាក់លេខសម្ងាត់ច្រើនខ្ទង់មានទាំងលេខ និងអក្សររួមគ្នានោះគ ណនីយើងនឹងកាន់តែមានសុវត្ថិភាព។

២. ប្រើកម្មវិធីកម្ចាត់មេរោគដែលមានគុណភាពខ្ពស់៖

កម្មវិធីកម្ចាត់មេរោគ ដែលមានគុណភាពខ្ពស់(Anti-virus) អាចការពារកុំព្យូទ័រក៏ដូចជាគណនីផ្សេងៗរបស់យើងពីពពួកមេរោគកុំព្យូទ័ររបស់ពួក Hacker។ នៅពេលយើងបើកចូលវិបសាយដែលគ្មានសុវត្ថិភាពនោះវានឹងផ្ដល់ដំណឹង (Alert) ដល់យើងភ្លាមៗ។

៣.ប្រុងប្រយ័ត្នចំពោះ HTTPនៅលើវិបសាយ៖

នៅពេលដែលយើងបើកវិបសាយណាមួយយើងគួរតែឧស្សាហ៍កត់សម្គាល់ទៅលើ Website Address ថាតើវាជា HTTP ឬក៏ HTTPS។ អក្សរ “S” ដែលនៅពីក្រោយ “HTTP” បានន័យថាវិបសាយនោះមានសុវត្ថិភាពដែលយើងអាចចូលមើលបានដោយមិនមានបញ្ហា។ ឧទាហរណ៍៖ https://www.facebook.com/។

៤. កុំចូល (Sign in or Register) នៅលើ Website ដែលមិនទុកចិត្ត៖

ជាទូទៅពួក Hacker តែងតែបង្កើតវិបសាយដែលតម្រូវឲ្យយើង Sign in ដោយត្រូវវាយ Password និង email របស់យើងចូលទៅក្នុងវិបសាយនោះ។ ដូច្នេះemail របស់យើងនឹងត្រូវវាយលុកពីសំណាក់ Hacker ដោយស្វ័យប្រវត្តិបន្ទាប់ពីយើងបាន Sign in ។

៥. ប្រុងប្រយ័ត្នទៅលើឯកសារចាស់៖

ប្រសិនបើយើងមានឯកសារចាស់ជាពិសេសឯកសារដែលទាក់ទងគណនីធនាគារ និងលេខ Credit Card គួរតែប្រញាប់លុបពួកវាចោលឬថតចម្លងទុកជាឯកសារប្រភេទ hardcopy។ មួយវិញទៀតកុំចេះតែបើក Mail ហើយចុចលើ Link ក្នុង Mail ដែលមិនទុកចិត្តនោះ ព្រោះអាចជា Mail ដែលពួក Hacker ផ្ញើមក។

Tuesday, June 16, 2015

កម្រងរូបភាព និងវីដេអូ របស់ អ្នកគាំទ្រកម្ពុជា រាប់មឺុននាក់ មកផ្តល់កម្លាំងចិត្ត ក្រុមជម្រើសជាតិ កាលពីយប់មិញ (មានវីដេអូ)

11:30 PM

Unknown

ប្រភពពី៖http://www.khmerload.com/news/38735

ភ្នំពេញ៖ សំលេងកងរំពង ដ៏ខ្លាំងក្លា ពីប្រជាជនកម្ពុជា រាប់ម៉ឺននាក់ បានមកលើកទឹកចិត្ត ក្រុមជម្រើសជាតិ កាលពីយប់មិញ នៅពហុកីឡដ្ឋាន អូឡាំពិក ក្នុងការប្រកួត ជម្រុះវើលខាប់ ២០១៨។

ទិដ្ឋភាពមនុស្សដ៏ច្រើនកុះករ ស្ទើរតែគ្មានកន្លែងអង្គុយ ឯអ្នកខ្លះទៀត សុខចិត្តឈរមើលតែម្តង ដោយសារតែពួកគេ ស្រឡាញ់វិស័យកីឡាបាល់ទាត់ និងចង់លើកទឹកចិត្ត ឲ្យក្រុមជម្រើសជាតិកម្ពុជា អាចយកជ័យជំនះ លើគូប្រកួតរបស់ខ្លួនបាន។ ចំពោះការប្រកួតជាមួយ ប្រទេស អាហ្វហ្គានីស្ថាន គួរឲ្យសោកស្តាយ ក្រុមជម្រើសជាតិកម្ពុជា នៅតែមិនអាចយកឈ្នះ ដោយត្រូវក្រុមភ្ញៀវ ស៊ុតចូលចុងម៉ោង ក្នុងលទ្ធផល ០ ទល់នឹង ១។

ទោះបីជាក្រុមជម្រើសជាតិកម្ពុជា ចាញ់ក៏ដោយ ប៉ុន្តែសំលេងគាំទ្រដ៏ខ្លាំងលើសលប់ នៅតែមានដដែល ហើយសកម្មភាពទាំងនេះ ពិតជាសបញ្ជាក់បានថា ប្រជាជនកម្ពុជា មិនថាក្មេង ចាស់ ប្រុស ស្រី នៅតែខិតខំលើកស្ទួយ វិស័យកីឡាមួយនេះ ឲ្យដើរទៅមុខ ទោះបីជាលទ្ធផលមិនល្អលើកនេះ តែពួកគេនៅតែស្រលាញ់គាំទ្រ យ៉ាងពេញទំហឹង៕

ចង់ដឹងថា កំណើនមនុស្ស បានចូលរួមទស្សនាការប្រកួត ក្រុមជម្រើសជាតិកម្ពុជា ជាមួយនឹង ក្រុមអាហ្វហ្គានីស្ថាន អ៊ូអរច្រើនកម្រិតណា តោះក្រឡេកមើលកម្រងរូបភាពទាំងអស់គ្នា៖