RSS Feed
Twitter
1:11 AM
Unknown
ប្រភពពី៖http://news.sabay.com.kh/article/390770
រូបថតគូស្នេហ៍ចូលរោងការដោយពាក់ម៉ាសនៅកូរ៉េខាងត្បូង បានក្លាយជានិមិត្តរូបប្រឆាំងជំងឺផ្លូវដង្ហើមមជ្ឈិមបូព៌ា MERS បន្ទាប់ពីមានការចែកចាយតគ្នាពាសពេញបណ្ដាញសង្គមនានា។
បើទោះបីជំងឺ MERS បានរីករាលដាលនៅប្រទេសកូរ៉េខាងត្បូងខ្លាំងយ៉ាងណា ក៏មិនអាចក្លាយជាឧបសគ្គសម្រាប់គូស្នេហ៍មួយគូ ចូលរោងការតាមថ្ងៃកំណត់ឡើយ។ រូបថតមួយសន្លឹក បង្ហាញពីកូនកំលោះ-ក្រមុំ រួមទាំងភ្ញៀវកិត្តិយសទាំងអស់ពាក់ម៉ាសថ្ងៃរៀបអាពាហ៍ពិពាហ៍ បានល្បីល្បាញពេញបណ្ដាញសង្គមរបស់ប្រទេសកូរ៉េខាងត្បូង។
អាពាហ៍ពិពាហ៍មួយនេះ បានប្រារព្ធធ្វើឡើងនៅក្រុងសេអ៊ូលកាលពីថ្ងៃសៅរ៍កន្លងទៅ ដែលជាពេលវេលាកំពុងមានការផ្ទុះឡើងយ៉ាងខ្លាំងក្លានៃជំងឺផ្លូវដង្ហើម MERS។ ទោះយ៉ាងណា ប្រភពព័ត៌មានពី Yahoo បានឲ្យដឹងថា កូនកំលោះ-ក្រមុំ និងអ្នកចូលរួម បានថតរូបជាការកម្សាន្តប៉ុណ្ណោះ ប៉ុន្តែវាបែរជាល្បីល្បាញពេញបណ្ដាញសង្គមក្នុងប្រទេសកូរ៉េខាងត្បូង។
ជំងឺផ្លូវដង្ហើម MERS មានពាក្យពេញ “Middle East Respiratory Syndrome” មានន័យថា “ជំងឺផ្លូវដង្ហើមមជ្ឈិមបូព៌ា” ដែលផ្ទុះឡើងដំបូងក្នុងឆ្នាំ២០១២ នៅប្រទេសអារ៉ាប៊ីសាអ៊ូឌីត និងឆក់យកជីវិតមនុស្សទូទាំងពិភពលោកអស់ជាង ៤០០នាក់។ ជំងឺដ៏សាហាវនេះ បានចូលមកប្រទេសកូរ៉េខាងត្បូង ដោយអ្នកជំនួញម្នាក់ ដែលធ្វើដំណើរទៅតំបន់មជ្ឈិមបូព៌ាកាលពីខែឧសភាកន្លងទៅ។
រោគសញ្ញានៃជំងឺ MERS គឺ ក្អក គ្រុន មានដង្ហើមខ្លីៗ ព្រមទាំងអាចឈានទៅដល់ការរលាកសួត និងខូចក្រលៀន។ មេរោគកំណាចនេះ អាចរីករាលដាលបានយ៉ាងស្រួលនៅក្នុងមន្ទីរពេទ្យ ហើយហានិភ័យនៃការឆ្លងមេរោគកាន់តែឆាប់រហ័ស នៅពេលអ្នកជំងឺចាប់ផ្ដើមចុះខ្សោយ និងក្អកកាន់តែច្រើន។ បច្ចុប្បន្ន ពុំមានថ្នាំព្យាបាល ឬវ៉ាក់សាំងការពារជំងឺផ្លូវដង្ហើម MERS ទេ៕
រោគសញ្ញានៃជំងឺ MERS គឺ ក្អក គ្រុន មានដង្ហើមខ្លីៗ ព្រមទាំងអាចឈានទៅដល់ការរលាកសួត និងខូចក្រលៀន។ មេរោគកំណាចនេះ អាចរីករាលដាលបានយ៉ាងស្រួលនៅក្នុងមន្ទីរពេទ្យ ហើយហានិភ័យនៃការឆ្លងមេរោគកាន់តែឆាប់រហ័ស នៅពេលអ្នកជំងឺចាប់ផ្ដើមចុះខ្សោយ និងក្អកកាន់តែច្រើន។ បច្ចុប្បន្ន ពុំមានថ្នាំព្យាបាល ឬវ៉ាក់សាំងការពារជំងឺផ្លូវដង្ហើម MERS ទេ៕
Posted in 
0 comments:
Post a Comment