ប្រភព៖http://news.sabay.com.kh/articles/647222
ពិត​ជា​រឿង​​មួយ​ដែល​ធ្វើ​ឲ្យ​មិត្ត​ អ្នកអាន​ព្រឺព្រួច​និង​​មាន​អារម្មណ៍​ភ័យខ្លាច ​បន្ទាប់​ពី​​បាន​មើល​រូបភាព​​ និង​វីដេអូ​​មួយ​នេះ ​ពី​​ការ​​បញ្ចប់​​ជីវិត​សត្វ​ក្រពើ​ក្រោម​ស្នាដៃ​ពស់ថ្លាន់​ដ៏​ធំ​មួយ​ ក្បាល។
ស្ថិត​នៅ​បឹង Moondarra ភាគ​ខាងកើត​តំបន់​ភ្នំ Isa រដ្ឋ​Queensland ប្រទេស​អូស្ត្រាលី​ ការ​ប្រយុទ្ធ​គ្នា​រវាង​សត្វ​ក្រពើ​ដែល​ពូកែ​ខាង​វាយ​ឆ្មក់​ចាប់​ចំណី​នៅ​ តាម​មាត់ច្រាំង​​ ជា​មួយ​នឹង​ពស់ថ្លាន់​ទី​បំផុត​ទៅ​ត្រូវ​ក្សិណក្ស័យ​ក្រោម​មាត់​ពស់​ថ្លាន់​ យ៉ាង​ធំ​មួយ​ក្បាល។
ជា​ការ​កត់សម្គាល់​ក្នុង​ករណី​នេះ ទោះបី​ជា​ក្រពើ​ខំ​រើ​បម្រាស​គេច​ចេញ​ពី​​ជ្រោះ​មរណៈ​យ៉ាងណា​ក៏ដោយ តែ​វា​ឥត​ប្រយោជន៍​ទេ ​ត្បិតអី​​ពស់​ថ្លាន់​នេះបាន​​រុំ​ជាប់​ដង​ខ្លួន​ក្រពើ​មិន​ឲ្យ​ដក​ខ្លួន​រួច ហើយ​​ហារ​មាត់​​លេប​ក្រពើ​បន្តិចម្ដងៗ រហូត​ដល់​វិនាទី​ចុងក្រោយ​៕