RSS Feed
Twitter
8:48 PM
Unknown
ប្រភពពីhttp://news.sabay.com.kh/articles/637928
ប្រិយមិត្តអ្នកអាននឹងមានចម្ងល់ ចំពោះយុវជនម្នាក់ ដែលមានសមត្ថភាព ក្ដោបបានអាហារូបករណ៍ទៅសិក្សានៅបរទេសរហូតដល់ទៅ ៣ ប្រទេស បែរជាទម្លាក់ចោល ហើយសុខចិត្តជ្រើសរើសយកសិក្សាបង់ថ្លៃមហាវិទ្យាល័យក្នុង ស្រុកទៅវិញ។
យុវជនម្នាក់នេះមានឈ្មោះ ម៉ី គឹមហេង វ័យ ២៣ ឆ្នាំ បច្ចុប្បន្នជានិស្សិតរៀននៅសាកលវិទ្យាល័យវិទ្យាសាស្ត្រសុខាភិបាល។ ជានិស្សិតឆ្នើមតាំងពីបឋមមក គឹមហេង ក្រោយប្រលងមធ្យមសិក្សា ទុតិយភូមិឆ្នាំ២០១១ បានជាប់និទ្ទេស B។ ប៉ុន្តែសម្រាប់យុវជនម្នាក់នេះ ចាត់ទុកថា លទ្ធផល ដែលទទួលបាននេះភាពបរាជ័យទៅវិញ ដោយបំណងប្រាថ្នាធំចង់បាននិទ្ទេស A និងជាប់ពានរង្វាន់មេដាយមាសសិស្សពូកែគណិតវិទ្យា អន្តរជាតិ(International Mathematics Olympiad )។
“ពេលចេញលទ្ធផលបាក់ឌុបភ្លាម ខ្ញុំបាក់ទឹកចិត្តលែងចង់រៀនអីទាំងអស់ ព្រោះ ក្នុងពេលតែមួយ ខ្ញុំទទួលបរាជ័យ ពីរលើក។ ប៉ុន្តែបានប៉ាម៉ាក់ជួយលើកទឹកចិត្ត ក៏ខិតខំប្រឹងប្រែងឡើងវិញ”។ គឹមហេង បន្ថែម។
មិនបាននិទ្ទេស A ក៏ពិតមែន តែ គឹមហេង មានឈ្មោះជាប់អាហារូបករណ៍ នៅមហាវិទ្យាល័យរដ្ឋ និងឯកជនចំនួន ៣ មហាវិទ្យាល័យផ្សេងទៀត។
ប៉ុន្តែដោយសារបំណងប្រាថ្នា ឪពុកម្ដាយ គឹមហេង ស្រលាញ់មុខវិជ្ជាពេទ្យក៏សម្រេចឲ្យបង់លុយរៀននៅសាកលវិទ្យាល័យ វិទ្យាសាស្ត្រសុខាភិបាលតែម្តង។
គឹមហេង បានរៀបរាប់ថា ៖ “ពេលនោះខ្ញុំជាប់អាហារូបករណ៍នៅសាកល វិទ្យាល័យជាតិគ្រប់គ្រង សាកលវិទ្យាល័យស្សាម៉ាន និងសាកលវិទ្យាល័យមេគង្គ កម្ពុជា ដែលភាគច្រើនគឺ ទាក់ទងនឹងផ្នែកពាណិជ្ជកម្ម តែចុងក្រោយក៏សម្រេចចិត្តបង់លុយរៀននៅសាលាក្រហម ព្រោះប៉ាម៉ាក់គាត់ស្រលាញ់ជំនាញពេទ្យ”។
ទោះជាកំពុងស្ថិតនៅ ក្នុងដំណាក់កាលឈានទៅសម្រេចបំណងប្រាថ្នា របស់ ឪពុកម្ដាយ និងខ្លួនឯងយ៉ាងណា គឹមហេង បានឆ្លៀតដាក់ពាក្យប្រលងយកអាហារូបករណ៍នៅបរទេស ដើម្បីចង់សាកល្បងលើសមត្ថភាពផ្ទាល់ខ្លួន។ ម្យ៉ាងក៏ចង់រំលឹកឡើងវិញ នូវគណិតវិទ្យា ដែលបានបោះបង់ជាង ១ឆ្នាំមកហើយនោះ។
“មិត្តភ័ក្ដិខ្ញុំម្នាក់ បានជាប់អាហារូបករណ៍ផ្នែកវេជ្ជសាស្ត្រ រៀននៅប្រទេសវៀតណាម ។ ខ្ញុំក៏បានដាក់ប្រលងទៅប្រទេសវៀតណាមដែរ ប៉ុន្តែគោលបំណងគឺ ដើម្បីតេស្តសមត្ថភាព ហើយបំណងពិតប្រាកដគឺចង់ទៅរៀននៅប្រទេសចិន។ ក្រោយមកខ្ញុំបានប្រលងជាប់អាហារូបករណ៍នៅចិន និងថៃ ផ្នែកវេជ្ជសាស្ត្រដូចគ្នា និងនៅសិង្ហបុរី នៅសម្ភាស២ តង់ទៀតទើបអាចដឹងលទ្ធផល។ ខ្ញុំរីករាយមែនទែន នឹងលទ្ធផលនេះ។ ប៉ុន្តែក៏មានអារម្មណ៍សោកស្ដាយមិនធម្មតាដែរ ព្រោះសម្រេចអត់ទៅរៀនវិញ ដោយសារថា បើទៅរៀននៅស្រុកគេត្រូវខាតឆ្នាំ។ ខ្ញុំរៀនដល់ឆ្នាំទី៣ ទៅហើយ។ ម្យ៉ាងបច្ចុប្បន្ន ប៉ាម៉ាក់ក៏អត់ចង់ឲ្យទៅរៀនឆ្ងាយដែរ”។
គឹមហេង ដែលឪពុកម្ដាយជាអាជីវករលក់ដូរនៅភ្នំពេញ បានរ៉ាប់រងលើថ្លៃសិក្សា
និងសម្ភារៈមួយចំនួនទៀតនោះបានបញ្ជាក់ថា
ក្នុងមួយឆ្នាំចំណាយមិនក្រោម ៣០០០ ពាន់ដុល្លារនោះទេ។ គឹមហេង
មានបំណងចាប់យកជំនាញផ្នែករោគកុមារ
ព្រោះអ្នកមានគុណទាំងពីរស្រលាញ់មុខជំនាញនេះ។
ម្យ៉ាងគោលបំណងធំមួយទៀត
គឺចង់បើកគ្លីនិកផ្នែកកុមារមួយផងដែរ។
គឹមហេង នឹងមិនបោះបង់បំណងប្រាថ្នាប្រលងអាហារូបករណ៍ទៅបរទេសត្រឹម នេះទេ។ នៅបួនទៅប្រាំឆ្នាំខាងមុខ គឹមហេង នឹងដាក់ពាក្យសុំអាហារូបករណ៍ជាថ្មី ទៅប៉ែកអឺរ៉ុបវិញម្តង ក្រោយរៀនចប់ផ្នែកវេជ្ជសាស្រ្ត ដោយរំពឹងថា ពេលនោះអាហារូបករណ៍ នឹងធ្លាក់មកច្រើន និងមិនចំណាយពេលច្រើនឆ្នាំសិក្សាទៀតផង។ “បច្ចុប្បន្ន ខ្ញុំគិតតែម្យ៉ាងគឺខំរៀនផ្នែកពេទ្យ និងឆ្លៀតពេលចុះស្តា ដើម្បីទទួលបានចំណេះដឹងថ្មី។ ក្រោយរៀនចប់ ទើបខ្ញុំសម្លឹងរកអាហារូបករណ៍ នៅប៉ែកអឺរ៉ុប ព្រោះនៅអឺរ៉ុប ក៏ខ្លាំងផ្នែកវេជ្ជសាស្ត្រនេះដែរ”។ គឺមហេង បន្ថែម។
យ៉ាងណាក៏ដោយបទពិសោធន៍ បរាជ័យកន្លងមកបានធ្វើឲ្យ គឹមហេង មើលឃើញចំណុចខ្វះខាតជាច្រើន ក្នុងនោះរាប់បញ្ចូលទាំង ការទុកចិត្តពេកលើខ្លួនឯង ការប្រឹងរៀនតែមុខវិជ្ជាពិត មុខវិជ្ជាដទៃគិតថា មិនសំខាន់ ការរៀនតែម្នាក់ឯងមិនសូវទទួលយកមតិយោបល់អ្នកផ្សេងជាដើម។ គឹមហេង ចាប់ផ្ដើមចេះដាក់ខ្លួន ដើម្បីស្វែងយល់ពីខ្លួនឯង និងការកំណត់គោលដៅមួយច្បាស់លាស់ថា ខ្លួនឯងចង់បានអ្វីឲ្យពិតប្រាកដ។ បើតាមគឹមហេង អ្នកពូកែ ចេះចាប់យកឱកាស នឹងទទួលបានជោគជ័យ ផ្ទុយទៅវិញបើអ្នកពូកែ តែមិនចេះចាប់យកឱកាស ទទួលបានជោគជ័យក៏តិចតួចដែរ។
គឹមហេង បានផ្តាំផ្ញើទៅយុវវ័យទាំងអស់ថា បើចង់ទទួលបានអាហារូបករណ៍សិក្សានៅបរទេស ទាំងអស់គ្នាគួរសិក្សាពីប្រភេទអាហារូបករណ៍ ការប្រឹងប្រែងសិក្សាលើមុខវិជ្ជាគណិត ទាំងរៀនគួរជាមួយគ្រួល្អ និងការខិតខំប្រឹងប្រែងអនុវត្តលំហាត់ដោយខ្លួនឯង។ មិនត្រឹមប៉ុណ្ណឹង ភាសាអង់គ្លេសក៏សំខាន់ផងដែរ ព្រោះភាសាអង់គ្លេស គឺជាមូលដ្ឋានគ្រឹះ ក្នុងការទំនាក់ទំនង និងដើម្បីបន្តការសិក្សានៅបរទេស៕
អត្ថបទ៖មៃ សុខលីម
ប្រិយមិត្តអ្នកអាននឹងមានចម្ងល់ ចំពោះយុវជនម្នាក់ ដែលមានសមត្ថភាព ក្ដោបបានអាហារូបករណ៍ទៅសិក្សានៅបរទេសរហូតដល់ទៅ ៣ ប្រទេស បែរជាទម្លាក់ចោល ហើយសុខចិត្តជ្រើសរើសយកសិក្សាបង់ថ្លៃមហាវិទ្យាល័យក្នុង ស្រុកទៅវិញ។
យុវជនម្នាក់នេះមានឈ្មោះ ម៉ី គឹមហេង វ័យ ២៣ ឆ្នាំ បច្ចុប្បន្នជានិស្សិតរៀននៅសាកលវិទ្យាល័យវិទ្យាសាស្ត្រសុខាភិបាល។ ជានិស្សិតឆ្នើមតាំងពីបឋមមក គឹមហេង ក្រោយប្រលងមធ្យមសិក្សា ទុតិយភូមិឆ្នាំ២០១១ បានជាប់និទ្ទេស B។ ប៉ុន្តែសម្រាប់យុវជនម្នាក់នេះ ចាត់ទុកថា លទ្ធផល ដែលទទួលបាននេះភាពបរាជ័យទៅវិញ ដោយបំណងប្រាថ្នាធំចង់បាននិទ្ទេស A និងជាប់ពានរង្វាន់មេដាយមាសសិស្សពូកែគណិតវិទ្យា អន្តរជាតិ(International Mathematics Olympiad )។
“ពេលចេញលទ្ធផលបាក់ឌុបភ្លាម ខ្ញុំបាក់ទឹកចិត្តលែងចង់រៀនអីទាំងអស់ ព្រោះ ក្នុងពេលតែមួយ ខ្ញុំទទួលបរាជ័យ ពីរលើក។ ប៉ុន្តែបានប៉ាម៉ាក់ជួយលើកទឹកចិត្ត ក៏ខិតខំប្រឹងប្រែងឡើងវិញ”។ គឹមហេង បន្ថែម។
មិនបាននិទ្ទេស A ក៏ពិតមែន តែ គឹមហេង មានឈ្មោះជាប់អាហារូបករណ៍ នៅមហាវិទ្យាល័យរដ្ឋ និងឯកជនចំនួន ៣ មហាវិទ្យាល័យផ្សេងទៀត។
ប៉ុន្តែដោយសារបំណងប្រាថ្នា ឪពុកម្ដាយ គឹមហេង ស្រលាញ់មុខវិជ្ជាពេទ្យក៏សម្រេចឲ្យបង់លុយរៀននៅសាកលវិទ្យាល័យ វិទ្យាសាស្ត្រសុខាភិបាលតែម្តង។
គឹមហេង បានរៀបរាប់ថា ៖ “ពេលនោះខ្ញុំជាប់អាហារូបករណ៍នៅសាកល វិទ្យាល័យជាតិគ្រប់គ្រង សាកលវិទ្យាល័យស្សាម៉ាន និងសាកលវិទ្យាល័យមេគង្គ កម្ពុជា ដែលភាគច្រើនគឺ ទាក់ទងនឹងផ្នែកពាណិជ្ជកម្ម តែចុងក្រោយក៏សម្រេចចិត្តបង់លុយរៀននៅសាលាក្រហម ព្រោះប៉ាម៉ាក់គាត់ស្រលាញ់ជំនាញពេទ្យ”។
ទោះជាកំពុងស្ថិតនៅ ក្នុងដំណាក់កាលឈានទៅសម្រេចបំណងប្រាថ្នា របស់ ឪពុកម្ដាយ និងខ្លួនឯងយ៉ាងណា គឹមហេង បានឆ្លៀតដាក់ពាក្យប្រលងយកអាហារូបករណ៍នៅបរទេស ដើម្បីចង់សាកល្បងលើសមត្ថភាពផ្ទាល់ខ្លួន។ ម្យ៉ាងក៏ចង់រំលឹកឡើងវិញ នូវគណិតវិទ្យា ដែលបានបោះបង់ជាង ១ឆ្នាំមកហើយនោះ។
“មិត្តភ័ក្ដិខ្ញុំម្នាក់ បានជាប់អាហារូបករណ៍ផ្នែកវេជ្ជសាស្ត្រ រៀននៅប្រទេសវៀតណាម ។ ខ្ញុំក៏បានដាក់ប្រលងទៅប្រទេសវៀតណាមដែរ ប៉ុន្តែគោលបំណងគឺ ដើម្បីតេស្តសមត្ថភាព ហើយបំណងពិតប្រាកដគឺចង់ទៅរៀននៅប្រទេសចិន។ ក្រោយមកខ្ញុំបានប្រលងជាប់អាហារូបករណ៍នៅចិន និងថៃ ផ្នែកវេជ្ជសាស្ត្រដូចគ្នា និងនៅសិង្ហបុរី នៅសម្ភាស២ តង់ទៀតទើបអាចដឹងលទ្ធផល។ ខ្ញុំរីករាយមែនទែន នឹងលទ្ធផលនេះ។ ប៉ុន្តែក៏មានអារម្មណ៍សោកស្ដាយមិនធម្មតាដែរ ព្រោះសម្រេចអត់ទៅរៀនវិញ ដោយសារថា បើទៅរៀននៅស្រុកគេត្រូវខាតឆ្នាំ។ ខ្ញុំរៀនដល់ឆ្នាំទី៣ ទៅហើយ។ ម្យ៉ាងបច្ចុប្បន្ន ប៉ាម៉ាក់ក៏អត់ចង់ឲ្យទៅរៀនឆ្ងាយដែរ”។
គឹមហេង នឹងមិនបោះបង់បំណងប្រាថ្នាប្រលងអាហារូបករណ៍ទៅបរទេសត្រឹម នេះទេ។ នៅបួនទៅប្រាំឆ្នាំខាងមុខ គឹមហេង នឹងដាក់ពាក្យសុំអាហារូបករណ៍ជាថ្មី ទៅប៉ែកអឺរ៉ុបវិញម្តង ក្រោយរៀនចប់ផ្នែកវេជ្ជសាស្រ្ត ដោយរំពឹងថា ពេលនោះអាហារូបករណ៍ នឹងធ្លាក់មកច្រើន និងមិនចំណាយពេលច្រើនឆ្នាំសិក្សាទៀតផង។ “បច្ចុប្បន្ន ខ្ញុំគិតតែម្យ៉ាងគឺខំរៀនផ្នែកពេទ្យ និងឆ្លៀតពេលចុះស្តា ដើម្បីទទួលបានចំណេះដឹងថ្មី។ ក្រោយរៀនចប់ ទើបខ្ញុំសម្លឹងរកអាហារូបករណ៍ នៅប៉ែកអឺរ៉ុប ព្រោះនៅអឺរ៉ុប ក៏ខ្លាំងផ្នែកវេជ្ជសាស្ត្រនេះដែរ”។ គឺមហេង បន្ថែម។
យ៉ាងណាក៏ដោយបទពិសោធន៍ បរាជ័យកន្លងមកបានធ្វើឲ្យ គឹមហេង មើលឃើញចំណុចខ្វះខាតជាច្រើន ក្នុងនោះរាប់បញ្ចូលទាំង ការទុកចិត្តពេកលើខ្លួនឯង ការប្រឹងរៀនតែមុខវិជ្ជាពិត មុខវិជ្ជាដទៃគិតថា មិនសំខាន់ ការរៀនតែម្នាក់ឯងមិនសូវទទួលយកមតិយោបល់អ្នកផ្សេងជាដើម។ គឹមហេង ចាប់ផ្ដើមចេះដាក់ខ្លួន ដើម្បីស្វែងយល់ពីខ្លួនឯង និងការកំណត់គោលដៅមួយច្បាស់លាស់ថា ខ្លួនឯងចង់បានអ្វីឲ្យពិតប្រាកដ។ បើតាមគឹមហេង អ្នកពូកែ ចេះចាប់យកឱកាស នឹងទទួលបានជោគជ័យ ផ្ទុយទៅវិញបើអ្នកពូកែ តែមិនចេះចាប់យកឱកាស ទទួលបានជោគជ័យក៏តិចតួចដែរ។
គឹមហេង បានផ្តាំផ្ញើទៅយុវវ័យទាំងអស់ថា បើចង់ទទួលបានអាហារូបករណ៍សិក្សានៅបរទេស ទាំងអស់គ្នាគួរសិក្សាពីប្រភេទអាហារូបករណ៍ ការប្រឹងប្រែងសិក្សាលើមុខវិជ្ជាគណិត ទាំងរៀនគួរជាមួយគ្រួល្អ និងការខិតខំប្រឹងប្រែងអនុវត្តលំហាត់ដោយខ្លួនឯង។ មិនត្រឹមប៉ុណ្ណឹង ភាសាអង់គ្លេសក៏សំខាន់ផងដែរ ព្រោះភាសាអង់គ្លេស គឺជាមូលដ្ឋានគ្រឹះ ក្នុងការទំនាក់ទំនង និងដើម្បីបន្តការសិក្សានៅបរទេស៕
អត្ថបទ៖មៃ សុខលីម
Posted in 
0 comments:
Post a Comment