អាណោចអាធ័ម! ប្រទះឃើញ​ សាកសព ស្អុយរលួយ របស់ជន អន្តោប្រវេសន៍ ដែលស្លាប់ នៅឯជំរុំ ជួញដូរមនុស្ស ដ៏ធំនៅថៃ (មានវីដេអូ)

ប្រភពពីៈhttp://www.khmerload.com/news/37450

ថៃ៖ ទិដ្ឋភាពដ៏គួរ ឲ្យអាណោចអាធ័ម មួយកំពុងតែធ្វើ ឲ្យមនុស្សជាច្រើន ជុំវិញពិភពលោក មានអារម្មណ៍រំជួលចិត្ត ជាខ្លាំងបន្ទាប់ពី បានឃើញនូវ រូបថតជាច្រើន សន្លឹកដែលបង្ហាញ ពីសាកសពដែល ស្អុយរលួយ ជាច្រើនត្រូវបាន គេគាស់យកចេញ ពីក្រោមដី នៃតំបន់ដាច់ស្រយាល មួយក្នុងប្រទេស ថៃ។

យោងតាមប្រភព ព័ត៌មានបាន ឲ្យដឹងថា សាកសពស្អុយរលួយ ទាំងនោះគឺជា សាកសពរបស់ ជនអន្តោប្រវេសន៍ ជនជាតិ មីយ៉ាន់ម៉ា និងបង់ក្លាដេស ដែលត្រូវបាន គេនាំមកកាន់ខេត្ត សុងក្លា ដែលស្ថិតនៅ ភាគខាងត្បូង នៃប្រទេសថៃ ក្បែរព្រំដែន ប្រទេសម៉ាឡេស៊ី និងជាទីកន្លែង ដ៏ល្បីមួយសម្រាប់ ធ្វើការជួញដូរ មនុស្ស។ ប្រភពបាន បញ្ជាក់ទៀតថា សាកសពទាំងនេះ គឺត្រូវបាន គេប្រទះឃើញថា បានកប់នៅក្រោមដី នៃតំបន់ព្រៃដាច់ស្រយាល មួយនាខេត្តមួយនោះ ដែលភាគច្រើន ពួកគេគឺត្រូវ បានស្លាប់ដោយសារ ការដាច់បាយ ឬក៏មានជំងឺស្លាប់ ដោយមិនអាច មានជីវិតក្នុងការ រង់ចាំប្រាក់ បង់រំលោះខ្លួន ដើម្បីអាចឆ្លងចូល ទៅធ្វើការ ក្នុងប្រទេស ម៉ាឡេស៊ី។

យ៉ាងណាមិញ បន្ទាប់ពីមាន ការប្រទះឃើញ រឿងរ៉ាវដ៏ អាណោចអាធ័ម បែបនេះហើយ ក្រុមអាជ្ញាធរ របស់ប្រទេសថៃ រួមមានទាហាន ប៉ូលីស និងក្រុមជួយសង្គ្រោះ បាននាំគ្នា ធ្វើដំណើរឆ្លង កាត់ភ្នំដើម្បី ឈានទៅដល់ ជំរុំនៃជន អន្តោប្រវេសន៍ ទាំងនោះដើម្បី រំដោះនិង សង្រ្គោះទៅដល់ អ្នកដែលកំពុង តែស្ថិតក្នុង ស្ថានភាពគ្រោះថ្នាក់។

ជាលទ្ធផល ក្រុមអាជ្ញាធរក៏បាន ធ្វើការរំដោះ ជនអន្តោប្រវេសន៍ ដែលត្រូវបាន គេជួញដូរមក កាន់ទីនេះ ជាង២០០នាក់ និងព្រមទាំងបាន ធ្វើការគាស់យក សាកសពនៃ មនុស្សដែលបាន ស្លាប់នៅទីនោះ បានជាង៣០ សាកសព។ លោកឧត្តមសេនីយ៍ Aek Angsananont បាននិយាយថា “ទីតាំងមួយនេះ គឺបានផ្តល់ នូវភាពងាយស្រួល យ៉ាងខ្លាំងទៅដល់ អ្នកជួញដូរ ដែលអាចឲ្យ ពួកគេធ្វើការ ផ្លាស់ទីជន អន្តោប្រវេសន៍ ទាំងនោះគ្រប់ពេល ម្យ៉ាងវិញទៀត វាក៏ពិបាក សម្រាប់មន្ត្រីប៉ូលីស របស់យើង ធ្វើការចាប់ខ្លួន ក្រុមជួញដូរ មនុស្សអស់ទាំង នេះដែរ”។

គួរបញ្ជាក់ផងដែរថា នេះគឺជារឿងរ៉ាវ ដ៏គួរឲ្យភ្ញាក់ផ្អើល មួយបន្ទាប់ពី ក្រុមអាជ្ញាធរ ប្រទះឃើញ ទីតាំងជួញដូរ មនុស្សដ៏ធំមួយ របស់ប្រទេសថៃ ហើយភាគច្រើន មនុស្សដែលរងគ្រោះ ក្នុងអំពើ ជួញដូរនេះ គឺជាជនអន្តោប្រវេសន៍ ដែលមកពីប្រទេស មីយ៉ាន់ម៉ា និងបង់ក្លាដេស ក្នុងនោះអ្វី ដែលគួរឲ្យកត់ សំគាល់ទៀតនោះ គឺទិដ្ឋភាពដ៏ សោកសង្រេងនៃ សាកសពស្អុយរលួយ របស់ជនរងគ្រោះ ទាំងនោះដែល បានស្លាប់ យ៉ាងអាណោចអាធ័ម៕

ទិដ្ឋភាពរួម នៃសាកសព ស្អុយរលួយ និងការចុះប្រតិបត្តិការ ជួយសង្រ្គោះ របស់ក្រុមអាជ្ញាធរ នៃប្រទេសថៃ៖