RSS Feed
Twitter
9:06 PM
Unknown
ប្រភពពីៈhttp://news.sabay.com.kh/article/357599
ម្សិលមិញស្ត្រីដែលបានធ្វើការលើការអប់រំកុមារលើគំនរសំរាមកម្ពុជាអ្នកស្រី នួន ភីមាន បានឈ្នះពានរង្វាន់មនុស្សធម៌ 2015 Special Humanitarian Award ពីកម្មវិធី Ountanding Asian Canadian Comminity Awards ដែលរៀបចំនៅទីក្រុង Onatario ប្រទេស កាណាដា។
បើតាមហ្វេសប៊ុកផ្លូវការរបស់ក្រុមប្រឹក្សា Canadian Multicultural Council – Asains in Ontario នៅទីនោះ អ្នកស្រី នួន ភីមាន ក៏បានជាប់ជាវីរបុរសអប់រំ Local Asian-Canadian Heroes of Education របស់ Asian Heritage Month 2015 ផងដែរ។
មន្ត្រីរដ្ឋបាលអង្គការលើកស្ទួយពលរដ្ឋ PIO លោក ធុល ហឿន ថ្លែងប្រាប់ Sabay ថាអ្នកស្រី នួន ភីមាន ស្ថាបនិកអង្គការបានចាកចេញពី កម្ពុជា តាំងពីថ្ងៃទី២៥មេសាម៉្លេះ ដើម្បីចូលរួមក្នុងកម្មវិធីនេះ និងសំខាន់គឺស្វែងរកមូលនិធិនៅទីនោះទ្រទ្រង់អង្គការ។ អ្នកស្រីនឹងត្រលប់មកកម្ពុជាវិញ នៅពាក់កណ្ដាលខែមិថុនាខាងមុខ។
អ្នកស្រី នួន ភីមាន ក្នុងសំលៀកបំពាក់ខ្មែរទទួលពានរង្វាន់
លោក ហឿន ថាបច្ចុប្បន្ននេះ យ៉ាងហោចណាស់អង្គការ (PIO) ដែលមានអ្នកស្រី នួន ភីមាន ជាស្ថាបនិកកំពុងផ្ដល់ការអប់រំនិង អាហារូបត្ថម្ភ ការថែទាំសុខភាព ដល់កុមាររើសសំរាមចាប់ពីអាយុ៥ឆ្នាំឡើង ប្រមាណ ១៣៥០នាក់ នៅសហគមន៍គំនរសំរាមស្ទឹងមានជ័យ។ ស្ត្រីដែលមានស្រុកកំណើតនៅខេត្ត កំពង់ចាម ពេលនេះកំពុងស្ថិតនៅប្រទេស កាណាដា។
អ្នកស្រី នួន ភីមាន បានបោះបង់ការងារចោលនៅពេលមួយដែលអ្នកស្រីទើបប្រទះនឹងភ្នែកនូវជីវិតអត់ឃ្លានរបស់កុមារតាមដងផ្លូវ រហូតអ្នកស្រីគិតថានឹងធ្វើអ្វីមួយសម្រាប់ពួកគេ។ ដោយមានបទពិសោធន៍ការងារជាមួយអង្គការអន្តរជាតិជាច្រើន អ្នកស្រីបានសម្រេចធ្វើការប្រយុទ្ធប្រឆាំងសម្រាប់សិទ្ធកុមារក្រីក្រ ដោយបើកថ្នាក់រៀនមួយនៅតំបន់គំនរសំរាមស្ទឹងមានជ័យ។ សាលាដែលដំបូងឡើយមានតែថ្នាក់រៀនមួយប៉ុណ្ណោះ បានផ្ដល់ការអប់រំ និងអាហារអាហារូបត្ថម្ភមានជីវជាតិ ការថែទាំងសុខភាព និងទឹកស្អាត ដល់កុមាររើសសំរាមនៅទីនោះ។ មកដល់ឥឡូវនេះ កុមារដែលផ្ញើជីវិតលើសំរាមមិនតិចជាង១៣០០ឡើយ កំពុងទទួលការអប់នៅ PIO និងមានសិស្ស២នាក់កំពុងសិក្សាដល់ថ្នាក់មហាវិទ្យាល័យ ក្រោមការទំនុកបម្រុងពីអង្គការគាំពារក្មេងរើសសំរាមនេះ។
នួន ភីមានកំពុងកាន់ហ្វូស្ទ័រ Asian Heritage Month 2015 ដែលអ្នកស្រីជាប់ជា Heroes of Education
ក្នុងកិច្ចការសង្គ្រោះកុមារកម្ពុជាជាច្រើននាក់ចេញពីភាពអវិជ្ជា អ្នកស្រី នួន ភីមាន កាលឆ្នាំ២០០៨ បានជាប់ជា វីរបុរស ប្រចាំទូរទស្សន៍ពិភពលោក មានមូលដ្ឋាននៅអាមេរិក CNN។ ម្យ៉ាងវិញទៀត កាលខែកុម្ភៈដើមឆ្នាំនេះ អ្នកស្រី ភីមាន ត្រូវបានប្រកាសជាបេក្ខជនលំដាប់ពិភពលោក គឺស្ត្រីធ្វើការលើការការពារសិទ្ធកុមារកម្ពុជារូបនេះ បានជាប់ជាបេក្ខជន៣នាក់ចុងក្រោយ នៃការប្រកួតពានរង្វាន់ណូបែលពិពលោកផ្នែកការងារកុមារ « Childrent’s Nobel Prizze» ដែលមានប្រាក់រង្វាន់ ១០ម៉ឺន ដុល្លារអាមេរិក។
ក្នុងការប្រជែងពានណូបែលពិភពលោកនេះ អ្នកស្រី នួន ភីមាន កំពុងប្រជែងជាមួយបេក្ខជន២នាក់ទៀតគឺលោក Kailash Satyarthi មកពីប្រទេសឥណ្ឌា ដែលធ្វើការប្រឆាំងលើពលកម្មនឹងទាសភាពកុមារ និង លោក Javir Stauring មកពីសហរដ្ឋអាមេរិក ដែលធ្វើការងារជាមួយកុមាររស់នៅក្នុងពន្ធនាគារនិងជនរងគ្រោះដោយសារ ឧក្រិដ្ឋ។ ការប្រកាសលទ្ធផលនៃការប្រកួតតាមរយៈការបើកឲ្យ បោះឆ្នោត តាមអនឡាញ នឹងមានរង្វាន់១សែនដុល្លារនេះ នឹងធ្វើនៅប្រទេសស៊ុយអ៊ែត នៅខែតុលាខាងមុខ៕ នេះបើតាមការផ្សាយរបស់ world children prize កន្លងមក។
ដើម្បីមើលលក្ខណនានាក្នុងការបោះឆ្នោតអនឡាញគាំទ្រអ្នកស្រី នួន ភីមាន ប្រកួតពានណូបែលកុមារសូម ចុចត្រង់នេះ…!
Posted in 
0 comments:
Post a Comment