ព្រឹត្តិការណ៍ក្នុងប្រទេសកម្ពុជា

This is featured post 1 title

Replace these every slider sentences with your featured post descriptions.Go to Blogger edit html and find these sentences.Now replace these with your own descriptions.This theme is Bloggerized by Lasantha - Premiumbloggertemplates.com.

This is featured post 2 title

Replace these every slider sentences with your featured post descriptions.Go to Blogger edit html and find these sentences.Now replace these with your own descriptions.This theme is Bloggerized by Lasantha - Premiumbloggertemplates.com.

This is featured post 3 title

Replace these every slider sentences with your featured post descriptions.Go to Blogger edit html and find these sentences.Now replace these with your own descriptions.This theme is Bloggerized by Lasantha - Premiumbloggertemplates.com.

This is featured post 4 title

Replace these every slider sentences with your featured post descriptions.Go to Blogger edit html and find these sentences.Now replace these with your own descriptions.This theme is Bloggerized by Lasantha - Premiumbloggertemplates.com.

This is featured post 5 title

Replace these every slider sentences with your featured post descriptions.Go to Blogger edit html and find these sentences.Now replace these with your own descriptions.This theme is Bloggerized by Lasantha - Premiumbloggertemplates.com.

Thursday, April 30, 2015

ដឹងកុងធនាគាររបស់អ្នកអាចត្រូវបានចោរលួចតាមណាអត់?

1:32 AM

Unknown

ប្រភពពី៖http://news.sabay.com.kh/article/353447

ក្រុមចោរ ឬ Hacker អាចលួចយកទិន្នន័យរបស់អ្នកតាមវិធីច្រើនយ៉ាង ហើយគោលដៅសំខាន់របស់ពួកគេនោះគឺចង់បានព័ត៌មានគណនីធនាគារដើម្បីដកយកលុយរបស់អ្នក។ តើអ្នកទាំងអស់គ្នាដឹងទេថា ពួកគេប្រើវិធីណាខ្លះដើម្បីលួចយកទិន្នន័យសំខាន់ទាំងនេះរបស់អ្នកបាន? ខាងក្រោមនេះគឺវិធីមួយចំនួនដែលពួក Hacker និយមប្រើដើម្បីលួចយកព័ត៌មានគណនីធនាគារ ឬលេខសម្ងាត់របស់អ្នកបានដោយងាយ៖

១. ផ្ញើ E-mail ក្លែងក្លាយ៖ ក្រុម Hacker អាចលួចយកទិន្នន័យពីធនាគារអ្នកបានដោយប្រើវិធីផ្ញើ E-mail ក្លែងក្លាយក្រោមឈ្មោះរបស់ធនាគារ ឬស្ថាប័នស្របច្បាប់ណាមួយ ដើម្បីឱ្យអ្នកវាយព័ត៌មាន និងលេខសម្ងាត់នៅពេលទទួលបាន E-mail ក្លែងក្លាយនោះ។

២. លួចតាមបណ្ដាញកុំព្យូទ័រ (Computer Network)៖ ជួនកាលក្រុមទុច្ចរិតទាំងនោះអាច Hack ចូលទៅក្នុងប្រព័ន្ធកុំព្យូទ័ររបស់អ្នក ជាពិសេសកុំព្យូទ័ររបស់ក្រុមហ៊ុនដើម្បីលួចយកនូវកំណត់ត្រាទិន្នន័យ ឬព័ត៌មានសំខាន់ៗរបស់អ្នកដោយប្រើវិធីមួយឈ្មោះថា Dumpster Diving ដែលអាចទាញយកទិន្នន័យតាមបណ្ដាញកុំព្យូទ័រ (Computer Network) ឬ E-mail បាន។

៣. Hack E-mail៖ ក្រុម Hacker ជំនាញអាច Hack ចូលគណនី E-mail របស់អ្នកបានដើម្បីលួចយកទិន្នន័យសំខាន់ដូចជារបាយការណ៍ធនាគារ លេខកាតឥណទាន, សែក, និងព័ត៌មានសំខាន់ទាក់ទងនឹងហិរញ្ញវត្ថុផ្សេងទៀត ប្រសិនបើអ្នកបានរក្សាទុកវានៅក្នុងនោះ ហើយមួយវិញទៀតនោះគឺ E-mail របស់អ្នកមិនមានសុវត្ថិភាពគ្រប់គ្រាន់។

៤. តាមម៉ាស៊ីន ATM៖ មិនត្រឹមតែប៉ុណ្ណោះពួកគេអាចលួចយកទិន្នន័យសម្ងាត់ពីកាត ATM របស់អ្នកដោយប្រើតិចនិកឈ្មោះថា Skimming ។ ពួកគេបានបង្កប់ឧបករណ៍ទាញយកនិងផ្ទុកទិន្នន័យជាប់នឹងម៉ាស៊ីន ATM ដើម្បីទាញយកលេខសម្ងាត់របស់អ្នកនៅពេលឆូតកាត ហើយពួកគេបង្កើតកាតក្លែងក្លាយដើម្បីទុកក្លែងបន្លំប្រើប្រាស់នៅទូ ATM។

ATM-debit-card_0_0_0_0_0_0_0_0_0_0_0_0_0

៥. ប្រើគេហទំព័រក្លែងក្លាយ៖ ពួកគេអាចលួចយកទិន្នន័យធនាគាររបស់អ្នកបានដោយបង្កើតគេហទំព័រក្លែងក្លាយដើម្បីឲ្យអ្នកប្រើប្រាស់ទិញអីវ៉ាន់ ឬ សកម្មភាពមនុស្សធម៌ជាដើម។

៦. Hack វិបសាយ៖ Hacker អាចលួចយកទិន្នន័យធនាគាររបស់អ្នកដោយការ Hack។ នៅលើគេហទំព័រអាជីវកម្មមួយចំនួនអនុញ្ញាតឲ្យអ្នកប្រើប្រាស់រក្សាទុកលេខសម្ងាត់កាតធនាគារដើម្បីមានភាពងាយស្រួលដល់ពេលទិញលើកក្រោយទៀត។ ដូច្នេះវាជាឱកាសសម្រាប់ពួកគេ Hack ចូលក្នុងប្រព័ន្ធផ្ទុកទិន្នន័យដើម្បីលួចយកនូវទិន្នន័យសំខាន់ទាំងនោះ៕

វីដេអូបង្ហាញពីអគារដួលរលំស្ដែងៗក្នុងគ្រោះរញ្ជួយដីនៅនេប៉ាល់

1:22 AM

Unknown

ប្រភពពីៈhttp://news.sabay.com.kh/article/353741

គ្រោះរញ្ជួយដីដ៏អាក្រក់កម្រិត ៧,៨រ៉ិចទ័រ ដែលវាយប្រហារប្រទេសនេប៉ាល់កាលពីថ្ងៃសៅរ៍កន្លងទៅ បានឆក់យកជីវិតមនុស្សសរុប ៥៤៨៩នាក់ហើយ គិតមកត្រឹមពេលនេះ។ យ៉ាងណាមិញ វីដេអូស្ដែងៗបង្ហាញពីហេតុការណ៍ដ៏រន្ធត់នេះ ទើបចេញផ្សាយបន្តបន្ទាប់ ខណៈប្រតិបត្តិការជួយសង្គ្រោះនៅតែប្រព្រឹត្តទៅដូចភ្លៀងរលឹម។

មនុស្សកំពុងដើរព្រោងព្រាតនៅតាមដងផ្លូវ ឯយានយន្តគ្រប់ប្រភេទដំណើរការជាធម្មតាឥតអាក់ ដែលជាសកម្មភាពពិត ផ្ដិតជាប់តាមរយៈកាមេរ៉ាសុវត្ថិភាព។ ដោយគ្មានការដឹងមុន គ្រោះរញ្ជួយដីដ៏ខ្លាំងក្លាចាប់ផ្ដើមកម្រើកឡើង ធ្វើឲ្យមនុស្សទាំងអស់រត់ជាន់ជើងគ្នា។ ចំណែកអ្នកខ្លះដែលរត់មិនទាន់ ក៏ត្រូវអគារដួលរលំសង្កត់ពីលើ ដោយមិនដឹងថាអាចនៅរស់រានមានជីវិតឬយ៉ាងណា។

សូមទស្សនាវីដេអូដ៏រន្ធត់ខាងក្រោម៖

ប្រទេសជាច្រើនកំពុងដុតដៃដុតជើងជួយប្រទេសនេប៉ាល់ ខណៈអង្គការសហប្រជាជាតិបានបញ្ចេញកញ្ចប់ថវិកា ៤១៥លានដុល្លារ ស្រោចស្រង់ជនរងគ្រោះដោយហេតុការណ៍អាក្រក់នេះ។ បើតាមការបញ្ជាក់របស់អង្គការសហប្រជាជាតិ បានឲ្យដឹងថាផ្ទះ ៧ម៉ឺនខ្នង ត្រូវរងការបំផ្លិចបំផ្លាញទាំងស្រុង ឯ ៥៣ម៉ឺនខ្នងទៀត រងការខូចខាតនៅស្រុក៣៩ ក្នុងចំណោមស្រុកទាំង៧៥ របស់នេប៉ាល់៕

ចុចអាន៖ ទារកអាយុ៤ខែនៅមានជីវិតក្រោយកប់ក្រោមកម្ទេចថ្ម២២ម៉ោងដោយសាររញ្ជួយដី

និស្សិតឆ្នាំទី៣ នៅវិទ្យាស្ថានខ្មែរ ជំនាន់ថ្មី អារក សម្លាប់ខ្លួន

12:07 AM

Unknown

ប្រភពពីៈhttp://www.khmerload.com/news/37374

ភ្នំពេញ៖ និស្សិតឆ្នាំទី៣ ជំនាន់ទី២ នៅ វិទ្យាស្ថានខ្មែរជំនាន់ថ្មី ឈ្មោះណុប ប៊ុនធឿន ត្រូវបានគេអះអាងថា យកកាំបិតអារ-ក ខ្លួនឯង បញ្ចប់ជីវិត ស្ថិតក្នុងផ្ទះជួល លេខ៩៦ ផ្លូវ លេខ២០២ ក្រុមទី១៧ សង្កាត់ទឹកល្អក់ទី៣ ខណ្ឌទួលគោក កាលពីវេលាម៉ោង ១០និង៤០នាទី ព្រឹកថ្ងៃទី៣០ ខែមេសា ឆ្នាំ២០១៥។

យ៉ាងណាក៏ដោយ មូលហេតុពិតប្រាកដ នៃការបញ្ចប់ជីវិត របស់ខ្លួនខាងលើនេះ នៅមិនទាន់មាន ការបញ្ជាក់ពី សមត្ថកិច្ចជំនាញ នៅឡើយទេ ដោយបច្ចុប្បន្នកំពុង ចុះទៅធ្វើការសួរនាំ ដើម្បីរក មូលហេតុពិត ។

ជនរងគ្រោះ ត្រូវបានគេដឹងថា មានស្រុកកំណើត នៅខេត្ដកំពង់ឆ្នាំង ហើយបច្ចុប្បន្ន មកស្នាក់នៅជាមួយ មិត្ដភក្ដិក្នុងផ្ទះជួល ៕

Wednesday, April 29, 2015

វីដេអូស្រស់ៗ បង្ហាញពីគ្រោះរញ្ជួយដី នៅតំបន់ទីបេ ប្រទេសចិន ខណៈមនុស្ស១៧នាក់ បានបាត់បង់ជីវិត (មានវីដេអូ)

11:51 PM

Unknown

ប្រភពពីៈhttp://www.khmerload.com/news/37350

តំបន់ទីបេ, ប្រទេសចិន៖ អត្រាចំនួនមនុស្សស្លាប់ នៅក្នុងតំបន់ទីបេ នៃប្រទេសចិន បានកើនឡើង ដល់១៧នាក់ហើយ បន្ទាប់ពីមាន គ្រោះរញ្ជួយដី ដ៏កាចសាហាវមួយ បានកើតឡើង នៅក្នុង ប្រទេសនេប៉ាល់ ហើយបានជះឥទ្ធិពល ដល់តំបន់មួយនេះ កាលពីថ្ងៃសៅរ៍ ទី២៥ ខែមេសា កន្លងទៅនេះ។ ជាមួយគ្នានេះដែរ មនុស្សនៅក្នុងតំបន់ទីបេ ចំនួន ៥៣នាក់ បានរងរបួស ខណៈ ១២,០០០នាក់ផ្សេងទៀត កំពុងរត់គេចខ្លួន រកកន្លែងមានសុវត្ថិភាព។

គួរបញ្ជាក់ផងដែរថា គ្រោះថ្នាក់រញ្ជួយដី ដ៏សាហាវ កម្រិត ៧.៨ បានកើតឡើង នៅក្នុងប្រទេសនេប៉ាល់ នៅវេលាម៉ោង ២៖១១នាទីរសៀល (ម៉ោងក្នុងទីក្រុងប៉េកាំង) ដោយបានសម្លាប់មនុស្ស ១,៨០៥នាក់ នៅក្នុងប្រទេសនោះ។ ជាងនេះទៅទៀត គ្រោះថ្នាក់រញ្ជួយដីនេះ បានជះឥទ្ធិពលយ៉ាងខ្លាំង ទៅដល់តំបន់ទីបេ ដែលធ្វើឲ្យ តំបន់មួយនេះ ទទួលរងគ្រោះថ្នាក់យ៉ាងខ្លាំង ផងដែរ។ កំពង់ផែចំនួន២ នៅក្នុងតំបន់ទីបេ ក្បែរប្រទេសនេប៉ាល់ បានទទួលរង នូវផលប៉ះពាល់ ខ្លាំងបំផុត។

យោងតាមប្រភពព័ត៌មាន បានឲ្យដឹងថា មនុស្សចំនួន ៧,០០០នាក់ បានផ្លាស់ទីលំនៅ ទៅក្នុងទីក្រុង Nyalam ខណៈមនុស្សចំនួន ៥,០០០នាក់ផ្សេងទៀត បានរត់គេចខ្លួន ទៅក្នុងទីក្រុង Gyirong នៃប្រទេសចិន។

បើតាមទីស្នាក់ការកណ្តាល នៃការជួយសង្គ្រោះ នៅក្នុងតំបន់ បានឲ្យដឹងថា នៅក្នុងទីក្រុង Gyirong មានមនុស្សចំនួន ៦នាក់ បានស្លាប់ និង ១៧នាក់ផ្សេងទៀតរងរបួស នៅក្នុងហេតុការណ៏ គ្រោះរញ្ជួយដីនេះ។ រហូតដល់ម៉ោង ៧ព្រឹក ថ្ងៃអាទិត្យ ទី២៦ ខែមេសា មានមនុស្សចំនួន ៤នាក់ ក្នុងនោះរួមមាន ជនជាតិនេប៉ាល់ ម្នាក់ផងដែរ បានបាត់ខ្លួន នៅក្នុងទីក្រុង Nyalam។

យ៉ាងណាមិញ ផ្ទះចំនួន ១,១៩១ បានដួលរលំ ខណៈផ្លូវជាច្រើនខ្សែ បានរងការខូចខាត និងប្រព័ន្ធទូរគមនាគមន៏ ត្រូវបានកាត់ផ្តាច់ផងដែរ នៅក្នុងប្រទេស និងតំបន់ ទាំង២នេះ។

គួរឲ្យដឹងផងដែរថា រហូតមកដល់ថ្ងៃទី២៩ ខែមេសា នេះ អត្រាចំនួនមនុស្សស្លាប់ នៅក្នុងប្រទេសនេប៉ាល់ ត្រូវបានគេដឹងថា បានកើតឡើង រហូតដល់ជាង ៤,៨០០ នាក់ និងច្រើនជាង ១០,០០០ នាក់ទៀត បានរងរបួស ខណៈនាយករដ្ឋមន្ត្រី នៃប្រទេសនេប៉ាល់ លោក Sushil Koirala បាននិយាយថា ចំនួនមនុស្សស្លាប់ អាចកើនឡើងដល់ ១០,០០០នាក់៕

សូមទស្សនាវីដេអូ នៅពេលកើតហេតុ គ្រោះរញ្ជួយដី នៅតំបន់ទីបេ៖

រូបភាពបង្ហាញពីទិដ្ឋភាព ក្រោយហេតុការណ៍ គ្រោះរញ្ជួយដី នៅទីបេ៖

រូបភាពបង្ហាញពីទិដ្ឋភាព ក្រោយហេតុការណ៍ គ្រោះរញ្ជួយដី នៅនេប៉ាល់៖

វីដេអូ នៅមុន និងពេលកើត គ្រោះរញ្ជួយដី នៅនេប៉ាល់៖

ទារកអាយុ៤ខែនៅមានជីវិតក្រោយកប់ក្រោមកម្ទេចថ្ម២២ម៉ោងដោយសាររញ្ជួយដី

12:44 AM

Unknown

ប្រភពពី៖http://news.sabay.com.kh/article/352340

រូបភាពប៉ុន្មានសន្លឹកខាងក្រោមនេះ គឺជារូបភាពទារកអាយុ៤ខែ ដែលត្រូវបានជួយសង្រ្គោះ ក្រោយកប់ក្រោមកម្ទេចថ្មអស់យ៉ាងហោចណាស់២២ម៉ោង បន្ទាប់ពីរញ្ជួយដីកម្រិត ៧,៨រ៉ិចទ័រនៅប្រទេសនេប៉ាល់កាលពីថ្ងៃសៅរ៍។

កាសែតនេប៉ាល់ Katmandu Today ដែលបានថតយករូបភាពមិនគួរឲ្យជឿនេះ បានបញ្ជាក់ថាទារកនេះត្រូវបានជួយសង្រ្គោះដោយទាហាននេប៉ាល់។ ដំបូងឡើយ ទាហានទាំងនោះបានបរាជ័យ មិនអាចយកទារកនោះចេញពីគំនរបាក់បែកបានឡើយ ដោយគិតថាទារកនោះបានស្លាប់បាត់ទៅហើយ។ ប៉ុន្មានម៉ោងក្រោយមក នៅពេលបានឮសំឡេងយំរបស់ទារក ពួកគេបានវិលមកវិញ ហើយជួយសង្រ្គោះបានជោគជ័យ។

ក្រោយក្រុមគ្រូពេទ្យពិនិត្យរួចមក លទ្ធផលបានបង្ហាញថា ទារកនោះស្ថិតក្នុងស្ថានភាពល្អប្រសើរ ពោលគឺមិនមានរបួសផ្នែកខាងក្នុងនោះទេ។

រញ្ជួយដីនៅនេប៉ាល់ គឺជារឿងទុក្ខសោកបំផុតមួយរបស់ពិភពលោកក្នុងឆ្នាំ២០១៥នេះ។ គិតមកទល់ព្រឹកមិញនេះ ចំនួនអ្នកស្លាប់បានកើនដល់ជាង៥០០០នាក់ និងមានរាប់ម៉ឺននាក់ផ្សេងទៀតរងរបួស និងបាត់បង់លំនៅដ្ឋាន។ គេប៉ាន់ស្មានថា ចំនួនអ្នកស្លាប់អាចកើនដល់ខ្ទង់ម៉ឺននាក់៕

ចុចអាន៖ ចំនួនអ្នកស្លាប់ដោយគ្រោះរញ្ជួយដីនៅនេប៉ាល់កើនឡើងលើស ៥ពាន់នាក់

ប៉ុស្តិ៍ទូរទស្សន៍ថ្មីចាប់ផ្ដើមប្រកាសជ្រើសរើសតារាជំនាន់ថ្មីរបស់កម្ពុជា

12:33 AM

Unknown

ប្រភពពី៖http://news.sabay.com.kh/article/352412

រទស្សន៍ PNN ដែលជាប៉ុស្តិ៍ទូរទស្សន៍ថ្មី និងទំនើបបំផុតរបស់ប្រទេសកម្ពុជាកំពុងធ្វើយុទ្ធនាការស្វែងរកកំពូលតារាជំនាន់ថ្មីរបស់កម្ពុជា។

ទូរទស្សន៍ PNN ដែលគ្រោងនឹងចេញផ្សាយជាផ្លូវការនៅក្នុងត្រីមាសទី២ នៃឆ្នាំនេះ ប្រកាសស្វែងរកតារាសម្ដែង វ័យចន្លោះពី ១៨ឆ្នាំ ដល់ ៣០ឆ្នាំ ដែលចេះច្រៀង រាំ និងសម្ដែងជូនទស្សនិកជន តាមកញ្ចក់ទូរទស្សន៍ព្រមទាំងនៅតាមព្រឹត្តិការណ៍ផ្សាយផ្ទាល់។

ស្ថានីយទូរទស្សន៍ថ្មីនេះកំពុងប្រកាសឲ្យបេក្ខជនបេក្ខនារីដែលគិតថា ខ្លួនអាចនឹងក្លាយជាតារាល្បី មកចូលរួមការសម្ដែងប្រឡងសមត្ថភាព នៅថ្ងៃសៅរ៍ ទី៦ និងថ្ងៃអាទិត្យ ទី៧ ខែមិថុនា ខាងមុខនេះ។

ការប្រឡងសមត្ថភាពនេះ ធ្វើឡើងដើម្បីសម្រិតសម្រាំងជ្រើសរើសតារាសម្ដែងដែលមានទេពកោសល្យ មកចូលរួមកម្មវិធី កំពូលតារា របស់ PNN ដែលនឹងចាក់ផ្សាយនៅចុងឆ្នាំនេះ។ បេក្ខជនបេក្ខនារីដែលចូលរួម នឹងត្រូវផ្ដល់ឱកាសឲ្យបញ្ចេញសមត្ថភាពនិងទេពកោសល្យរបស់ខ្លួន នៅចំពោះមុខក្រុមចៅក្រមផ្ដល់ពិន្ទុ។

ផលិតករកម្មវិធី គឺលោក នូ ចំណាប់ ហៅ ជីមី មានប្រសាសន៍ថា “យើងកំពុងស្វែងរកកំពូលតារាជំនាន់ថ្មីរបស់កម្ពុជា។ មានតារាចម្រៀង អ្នករាំ និងអ្នកសម្ដែងដែលមានទេពកោសល្យរាប់ពាន់នាក់ ហើយយើងចង់ផ្ដល់ឱកាសឲ្យពួកគេបង្ហាញសមត្ថភាព និងចង់ផ្ដល់ការងារអាជីពដល់ពួកគេ”។

ផលិតករកម្មវិធី លោក នូ ចំណាប់ ហៅ ជីមី

បេក្ខជនបេក្ខនារីដែលឆ្លងផុតជុំទីមួយ នឹងត្រូវប្រកួតនៅក្នុងជុំបន្ទាប់ ហើយអ្នកដែលបានឆ្លងផុតការប្រកួតជុំដំបូងៗ នឹងត្រូវចូលរួមនៅក្នុងការប្រឡងចម្រៀងប្រចាំសប្ដាហ៍ ដែលនឹងចាក់ផ្សាយផ្ទាល់តាមកញ្ចក់ទូរទស្សន៍។

ទូរទស្សន៍ PNN ជ្រើសរើសតារាសម្ដែង ១៤រូប ដើម្បីចូលរួមនៅក្នុងកម្មវិធី កំពូលតារារបស់ខ្លួន។ បេក្ខជនបេក្ខនារីទាំងអស់នឹងទទួលបានការហ្វឹកហាត់ច្រៀង រាំ និងសម្ដែង។

អ្នកឈ្នះអាចទទួលរង្វាន់ជាប្រាក់ជាច្រើនពាន់ដុល្លារ ហើយអាចទទួលបានឱកាសការងារជាតារាសម្ដែង ប្រចាំស្ថានីយទូរទស្សន៍ PNN ផងដែរ។

ប្រសិនបើអ្នកគិតថា អ្នកអាចក្លាយជាតារាជំនាន់ថ្មីរបស់កម្ពុជា អ្នកអាចដាក់ពាក្យសុំចូលរួមការប្រឡងជ្រើសរើស នៅថ្ងៃសៅរ៍ ទី៦ និងថ្ងៃអាទិត្យ ទី៧ ខែមិថុនា តាមរយៈ អ៊ីមែល៖ superstar@pnn.com.kh ។

បេក្ខជនដែលចាប់អារម្មណ៍អាចផ្ញើប្រវត្តិរូប (CVs) និងរូបថតមកការិយាល័យក្រុមហ៊ុន LYP Group តាមរយៈអាសយដ្ឋានអគារលេខ ២០៥, ២០៧, ២០៩ មហាវិថីម៉ៅសេទុង រាជធានីភ្នំពេញ។

ព័ត៌មានបន្ថែម សូមមើលទំព័រហ្វេសប៊ុក៖ Facebook

ក្រឡាបញ្ជី សាលាដំបូង ខេត្ដកណ្ដាល ម្នាក់ចង-ក ផ្ដាច់ជីវិត នៅក្នុងផ្ទះ

12:23 AM

Unknown

ប្រភពពី៖http://www.khmerload.com/news/37328

ជនរងគ្រោះ ជាក្រឡាបញ្ជីរបស់ លោក គឹម ម៉េង ចៅក្រមស៊ើបសួរ សាលាដំបូងខេត្តកណ្តាល
ភ្នំពេញ៖ ប្រភពព័ត៌មានពីមន្ដ្រី នគរបាល ខណ្ឌមានជ័យ បានឱ្យដឹងថា នៅវេលាម៉ោង ១និង៣០នាទី រសៀលថ្ងៃទី២៨ ខែមេសា ឆ្នាំ២០១៥នេះ មានករណីភ្ញាក់ផ្អើលមួយ បានកើតឡើង បន្ទាប់ពីឃើញ បុរសម្នាក់ចង-ក សម្លាប់ខ្លួន នៅក្នុងផ្ទះរបស់ខ្លួន ដែលជនរងគ្រោះ គឺជាក្រឡាបញ្ជី នៅសាលាដំបូង ខេត្ដកណ្ដាល ពោលជាក្រឡាបញ្ជី របស់លោក គឹម ម៉េង ចៅក្រមស៊ើបសួរ ។

ការភ្ញាក់ផ្អើលបាន កើតឡើងនៅផ្ទះ ជនរងគ្រោះ ស្ថិតនៅសង្កាត់ ចាក់អង្រែលើ ខណ្ឌមានជ័យ រាជធានីភ្នំពេញ ។ តាមមន្ដ្រីនគរបាល រូបនេះ ជនរងគ្រោះ ឈ្មោះ កែវ សុខា មានតួនាទីជា ក្រឡាបញ្ជី នៅសាលាដំបូង ខេត្ដកណ្ដាល និងមានកូនស្រី ម្នាក់អាយុ៨ឆ្នាំ ។

ចំពោះមូលហេតុ ពិតប្រាកដ ដែលនាំឱ្យជនរងគ្រោះ ចង-កសម្លាប់ខ្លួននោះ នៅមិនទាន់ដឹងនៅឡើយទេ ដោយបច្ចុប្បន្ន នគរបាលមូលដ្ឋាន និងនគរបាលផ្នែក បច្ចេកទេសរាជធានី ភ្នំពេញ បានចុះទៅផ្ទះ ជនរងគ្រោះ ស្ថិតនៅខាងក្រោយ រោងចក្រ បារីសេក។

បើតាមស្ដ្រីជាភរិយា បានប្រាប់សមត្ថកិច្ចថា ខ្លួនក៏មិនដឹងពី មូលហេតុពិត ប្រាកដដែរ ពីព្រោះក្នុង រយៈពេលចុងក្រោយនេះ ពួកគេ មិនដែលមាន រឿងរកាំរកូស ក្នុងគ្រួសារឡើយ រីឯការងាររបស់ប្ដី ក៏ខ្លួនមិនសូវជា បានសួរនាំនោះទេ ។ ការស្លាប់របស់ ជនរងគ្រោះ បានធ្វើឱ្យ កុមារីអាយុ៨ឆ្នាំ នៅកំព្រាឪពុក និងម្ដាយក្លាយជា ស្ដ្រីមេម៉ាយ ៕

ស្រ្តីរើស អេតចាយម្នាក់ យកសពកូន ទៅទុកក្នុងខ្ទមអ្នកតា ផ្អើលប្រជា ពលរដ្ឋ រត់ទៅមើល

12:17 AM

Unknown

ប្រភពពី៖http://www.khmerload.com/news/37336

ភ្នំពេញ៖ ប្រជាពលរដ្ឋជាច្រើននាក់ បាននាំគ្នាចោមរោមមើលសពក្មេងម្នាក់ នៅក្នុងខ្ទមអ្នកតា ទល់មុខសាលាបឋមសិក្សាថ្មគោល ភូមិថ្ម គោល សង្កាត់ចោមចៅ ខណ្ឌពោធិ៍សែនជ័យ នាល្ងាចថ្ងៃទី២៨ ខែមេសា ឆ្នាំ២០១៥នេះ ។

សេចក្តីរាយការណ៍ពីប្រជាពលរដ្ឋ ដែលដឹងរឿងរ៉ាវនេះបាននិយាយថា មុនពេលកើតហេតុ ស្រ្តីម្នាក់ឈ្មោះ សុខឃីន អាយុ ២៥ឆ្នាំ មុខរបរ រើសអេតចាយ រស់នៅផ្ទះជួល ភូមិថ្មគោល បានយកសពកូន ចេញពី ផ្ទះជួល ដោយម្ចាស់ផ្ទះមិនឲ្យទុក ទៅបូជានៅវត្តគោកបញ្ជាន់ ប៉ុន្តែពេល ធ្វើ ដំណើរ ដល់ខ្ទមអ្នកតា ថ្មគោល ក៏ទុកសពកូននៅទីនោះ ហើយទៅទិញទឹក។ ពេលដែលស្ត្រីរូបនេះទៅទិញទឹក ប្រជាពលរដ្ឋ មានការភ្ញាក់ផ្អើល នាំគ្នាចោមរោម មើល ប៉ុន្តែពេលស្រ្តីជាម្តាយមកដល់ ក៏លើកបីសព កូនឆ្ពោះទៅកាន់វត្តគោកបញ្ជាន់តែម្តង ដើម្បីបូជា៕

ចាប់បាន ត្រីដ៏កម្របំផុត មួយក្បាល មានទំងន់ជិត ២តោន (មានវីដេអូ)

12:12 AM

Unknown

ប្រភពពី៖http://www.khmerload.com/news/37341

ឥណ្ឌូនេស៊ី៖ អ្នកនេសាទ ជនជាតិឥណ្ឌូនេស៊ីមួយក្រុម បានប្រទះឃើញ ត្រីសមុទ្រ ដ៏ធំមួយក្បាល ដែលមាន ទំងន់ជាង ១តោនកន្លះ និងប្រវែងជិត ២ម៉ែត្រ។ ត្រីដែលពួកគេ បានឃើញនោះ ជាប្រភេទត្រី រស់នៅមហាសមុទ្រ ដ៏កម្រមួយក្បាល ឈ្មោះថា Sunfish (ត្រីព្រះអាទិត្យ) បានមកទើរ នៅឆ្នេរសមុទ្រ ទីក្រុង Palu ភាគកណ្តាល ខេត្ត Sulawesi ដែលវាស្ថិត ក្នុងស្ថានភាព យ៉ាប់យឺនណាស់ ទៅហើយ។

ត្រី Sunfishដែលអ្នកនេសាទឥណ្ឌូនេស៊ីប្រទះឃើញ

ក្រុមអ្នកនេសាទ បាននាំគ្នា ចាប់ទាញត្រី នោះចូលទៅក្នុងសមុទ្រវិញ ដោយសង្ឃឹមថា វាអាចនឹង ហែលបានវិញ តែទោះជាយ៉ាងណាក៏ដោយ ទីបំផុតត្រីនោះ បានងាប់បាត់ទៅ។ ត្រី Sunfish ឬក៏ Mola Mola គឺជាប្រភេទត្រី មានឆ្អឹងច្រើន (bony fish) ដែលធ្ងន់បំផុត នៅក្នុងពិភពលោក។ ត្រីប្រភេទនេះ អាចមានប្រវែង រហូតដល់ ជាង៤ម៉ែត្រ និងទំងន់ ជាង២ តោនកន្លះ។

ពាក្យថា Mola ក្នុងភាសា ឡាតាំង មានន័យថា ត្បាល់ថ្ម ដែលគេចង់ពណ៌នាពី រូបរាងមូលរបស់វា។ ត្រី sunfish ជាទូទៅមានពណ៌ប្រាក់ និងមានសំបក ដងខ្លួនគ្រើម។ ត្រីប្រភេទនេះ តែងរស់នៅទឹកដែលមិនក្តៅពេក មិនត្រជាក់ពេក និងនៅតាមមហាសមុទ្រត្រូពិកនានា ជុំវិញពិភពលោក ដែលជានិច្ចកាល គេតែតែមានការភ័ន្តច្រលំវា ជាមួយនឹងត្រីឆ្លាម នៅពេលដែល ព្រុយខ្នងដ៏ធំរបស់វា ងើបផុតពីទឹក។ ដោយឡែក ធ្មេញរបស់វា ជាប់ៗគ្នា ដូចជាជំពុះសត្វស្លាប ដែលជាហេតុធ្វើឲ្យត្រី sunfish នេះ មិនអាចបិទជិតទាំងស្រុង បាននោះទេ៕

ត្រី Sunfish គឺជាប្រភេទត្រីមានឆ្អឹងច្រើន (bony fish) ដែលធ្ងន់បំផុតនៅ ក្នុងពិភពលោក

ត្រី sunfish ក្រោយពេលដែលវាងាប់

វីដេអូបង្ហាញពីសកម្មភាពត្រី sunfish នៅក្នុងសមុទ្រដែលថតដោយក្រុមអ្នកមុជទឹក៖

គ្រោះរញ្ជួយដី នៅនេប៉ាល់ មនុស្សស្លាប់ កើនឡើងដល់ជិត ៥,០០០ នាក់ ខណៈក្រុមជួយ សង្គ្រោះ ជួបការលំបាក

12:05 AM

Unknown

ប្រភពពីៈhttp://www.khmerload.com/news/37340

នេប៉ាល់៖ ក្នុងហេតុការណ៍ គ្រោះរញ្ជួយដី ក្នុងប្រទេសនេប៉ាល់ ដែលកើតឡើង កាលពីថ្ងៃសៅរ៍ ទី ២៥ មេសា កន្លងទៅ បានបង្កផលប៉ះពាល់ ដល់ ប្រជាជនរាប់លាននាក់ និងកំពុងត្រូវការសង្គ្រោះបន្ទាន់។ ក្នុងនោះដែរ ចំនួនតួរលេខបណ្តោះអាសន្ន ត្រូវបានដឹងថា មនុស្សលើសពី ៤,៧០០ នាក់ បានបាត់បង់ជីវិត និងច្រើនជាង ៩,២០០ នាក់ទៀត បានរងរបួស។ នេះបើយោងតាម ការចុះផ្សាយរបស់ សារព័ត៌មាន CNN ។

គួររំលឹកថា គ្រោះរញ្ជួយដីនេះ មានកំរិត ៧.៨ រិចទ័រ បានកើតឡើង នៅមុនម៉ោង ១២ថ្ងៃត្រង់ ចំថ្ងៃសៅរ៍ ទី២៥ មេសា ស្ថិតនៅចម្ងាយ ប្រមាណ ៨០គ.ម ទិសពាយ័ព្យ ពីរដ្ឋធានី Kathmandu។

នៅព្រឹកថ្ងៃអាទិត្យ ទី ២៦ មេសា នេះផងដែរ មានការរញ្ជួយមួយទៀត កំរិត ៦,៥ រិចទ័រ ។ មកដល់ពេល សហគមន៍អន្តរជាតិ បានផ្តល់ជំនួយជាបន្តបន្ទាប់ ទាំងបរិក្ខាពេទ្យ អាហារ និង ឲ្យក្រុមជួយសង្គ្រោះ ទៅកាន់ប្រទេសនេប៉ាល់ ប៉ុន្តែអ្វីជា បញ្ហាចោទនោះ គឺ ក្រុមជួយសង្គ្រោះត្រូវជួបបញ្ហាលំបាក និងឧបសគ្គ ក្នុងការជួយសង្គ្រោះ ដោយសារស្ថានភាព ទីតាំងភូមិសាស្ត្រ ក្នុងប្រទេសនេប៉ាល់ ស្ថិតនៅតាម តំបន់ជួរភ្នំហិម៉ាល័យ។

មួយវិញទៀត ជនរងគ្រោះជាច្រើន ក្នុងប្រទេសនេះ រស់នៅតាមតំបន់ដាច់ស្រយ៉ាល ដែលគ្មានផ្លូវធ្វើដំណើរ ខណ:ដែល ប្រព័ន្ធគមនាគមន៍ ត្រូវបានកាត់ផ្តាច់ ដោយសារគ្រោះរញ្ជួយដី ទៀតផងនោះ បណ្តាលឲ្យ ក្រុមជួយសង្គ្រោះ ចំណាយពេលយូរ ដើម្បីចូលទៅ ជួយជនរងគ្រោះ។ កត្តាទាំងនេះ នឹងបណ្តាលឲ្យចំនួន មនុស្ស បាត់បង់ជីវិត អាចនឹងបន្តកើនឡើង ថែមទៀត។

គួរបញ្ជាក់ដែរ ប្រជាជននេប៉ាល់ មានចំនួនសរុប ប្រហែល ៣១ លាននាក់នាក់ ដោយក្នុងនោះ ជនរងគ្រោះដោយសារ គ្រោះរញ្ជួយដី មាន ជាង ៨ លាននាក់ ហើយក៏កំពុង បន្តរស់នៅ ក្នុងកន្លែងបោះតង់ បណ្តោះអាសន្ន ហើយប្រជាជនមួយចំនួន កំពុង ខ្វះអាហារ និងទឹកស្អាត ប្រើប្រាស់៕

រូបភាព បង្ហាញអំពី ទិដ្ឋភាព ក្រោយហេតុការណ៍ គ្រោះរញ្ជួយដី នៅនេប៉ាល់៖