RSS Feed
Twitter
8:29 PM
Unknown
ប្រភពពី៖http://news.sabay.com.kh/article/327000
និស្សិតស្រីអាហារូបករណ៍ដែលកំពុងស្រាវជ្រាវទៅលើជំងឺមហារីកនៅសហរដ្ឋអាមេរិក ត្រូវតុលាការចោទប្រកាន់ ថាបានព្យាយាមបំពុលមិត្តរួមថ្នាក់ក្នុងមន្ទីរពិសោធន៍ ដោយប្រើប្រាស់សារជាតិគីមី។ យ៉ាងណាក្ដី ជនល្មើសរូបនោះបានអះអាងថាខ្លួនមិនមានបំណងធ្វើបាបនរណាទេ ហើយក៏មិនបានដឹងថាប្រព្រឹត្តិទង្វើនេះឡើងទៅលើមិត្តរួមថ្នាក់ដែរ។
និស្សិតស្រីជនជាតិសិង្ហបុរីឈ្មោះ Ouyang Xiangyu អាយុ ២៧ឆ្នាំ បានទទួលអាហារូបករណ៍ពីភ្នាក់ងារវិទ្យាសាស្ត្រ បច្ចេកវិទ្យា និងស្រាវជ្រាវ (A*Star) ហើយត្រូវសិក្សាផ្នែកជំងឺមហារីកនៅសាកលវិទ្យាល័យ Stanford University របស់សហរដ្ឋអាមេរិក។ និស្សិតស្រីរូបនេះ កំពុងប្រឈមមុខក្នុងសវនាការនៅរដ្ឋ California បន្ទាប់ពីដាក់សារជាតិគីមីដែលមានក្នុងមន្ទីរពិសោធន៍ ចូលទៅក្នុងកែវទឹកមិត្តរួមថ្នាក់។ បច្ចុប្បន្ន នាងកំពុងនៅក្រៅឃុំបណ្ដោះអាសន្ន ដោយដាក់ប្រាក់តម្កល់ ៥០០០០ដុល្លារ ប៉ុន្តែមិនអនុញ្ញាតឲ្យចេញក្រៅប្រទេសឡើយ។
នាង Ouyang បានទទួលអាហារូបករណ៍ថ្នាក់បណ្ឌិតវិទ្យាសាស្ត្រនៅក្នុងឆ្នាំ២០១៣ ទៅសិក្សានៅសហរដ្ឋអាមេរិក បន្ទាប់ពីធ្វើបានយ៉ាងល្អនៅសាកលវិទ្យាល័យ Imperial College London ចក្រភពអង់គ្លេស។ និស្សិតស្រីបានអះអាងថា នាងកំពុងមានបញ្ហាគេងមិនលក់ ព្រមទាំងវង្វេងវង្វាន់ ហើយកំពុងស្វែងរកការព្យាបាលពីគ្រូពេទ្យចិត្តវិទ្យា។
នៅពេលសារព័ត៌មាន Straits Times ទៅដល់ផ្ទះ Ouyang ឪពុកនាងដែលមិនបង្ហាញឈ្មោះ បាននិយាយថា ប្រពន្ធខ្លួនកំពុងមើលថែកូនស្រីនៅសហរដ្ឋអាមេរិក។ លោកបានបដិសេធ មិនបង្ហាញពីបញ្ហាសុខភាពកូនស្រីរបស់ខ្លួននោះទេ។ លោកគ្រាន់តែនិយាយថា “បើដឹងមុននេះ… យើងប្រាកដជានាំនាងទៅព្យាបាល”។ អ្នកជួលផ្ទះ ដែលកំពុងរស់នៅជាមួយគ្រួសារ Ouyang បាននិយាយថា ឪពុកម្ដាយនិស្សិតស្រីនោះ ក៏ជាអ្នកស្រាវជ្រាវដែរ។
បើតាមច្បាប់រដ្ឋ California និស្សិតស្រីរូបនេះ អាចប្រឈមមុខក្នុងការជាប់ពន្ធនាគារចន្លោះពី២ ទៅ ៥ឆ្នាំ បើរកឃើញកំហុស។ ទោសបន្ថែម៣ ឆ្នាំទៀត អាចបូកពីលើ ប្រសិនបើការបំពុលនោះ ធ្វើឲ្យមានគ្រោះថ្នាក់ធ្ងន់ធ្ងរ ឬរហូតដល់ស្លាប់។ យ៉ាងណាមិញ គេរំពឹងថានាងអាចរួចពីការចោទប្រកាន់ ដោយសំអាងទៅលើសតិមិនប្រក្រតី ព្រោះស្រាវជ្រាវខ្លាំងពេក រហូតដល់វង្វេង៕
Posted in 
0 comments:
Post a Comment