RSS Feed
Twitter
8:31 PM
Unknown
ប្រភពពី៖http://news.sabay.com.kh/article/323442
បុរសជាច្រើនបានសុំមិត្តស្រីរៀបការដោយវិធីប្លែកៗ និងអំណោយថ្លៃៗ ដើម្បីល្បួងចិត្តនាងឲ្យយល់ព្រម ប៉ុន្តែបុរសម្នាក់នៅទីក្រុងប៉េកាំងប្រទេសចិន បែរជាមានគំនិតខុសពីអ្នកដទៃ។ រូបគេបានបង្ហាញថា មិនចាំបាច់ចំណាយពេលចេញទៅក្រៅដើម្បីខ្ជះខ្ជាយលុយទិញទូរសព្ទថ្លៃៗ ឬរបស់មានតម្លៃនោះទេ គ្រាន់តែសាច់ក៏អាចធ្វើជាបាច់ផ្កាសុំមិត្តស្រីក្លាយជាគូអនាគតបានដែរ។
បើតាមគេហទំព័រ Tencent របស់ប្រទេសចិន បានបញ្ជាក់ថា គម្រោងសុំមិត្តស្រីរៀបការនេះធ្វើឡើងនៅភោជនីយដ្ឋានមួយក្នុងក្រុងប៉េកាំង ប្រទេសចិន។ គូស្នេហ៍ទាំងពីរនាក់ បានទាក់ទងគ្នាអស់រយៈ ពេល ៥ឆ្នាំមកហើយ តាំងពីជួបគ្នាពេលរៀននៅសាកលវិទ្យាល័យ។ ជាទូទៅ មិត្តស្រីចូលចិត្តញ៉ាំសាច់ ដូចនេះហើយទើបមិត្តប្រុសធ្វើបាច់ផ្កាប្លែកនេះឡើង។
សម្រាប់អ្នកដទៃ សង្សារញ៉ាំច្រើនអាចចាត់ទុកថាជាទម្លាប់អាក្រក់ ប៉ុន្តែបុរសម្នាក់នេះវិញបានអះអាងថា សង្សារខ្លួនគួរតែញ៉ាំឲ្យបានច្រើនតាមចិត្តនាងចង់។ បើទោះនាងធាត់ដល់កម្រិតណា ក៏រូបគេនៅតែស្ម័គ្រស្រលាញ់រហូតគ្មានថ្ងៃប្រែឡើយ។ បន្ទាប់មក បុរសរ៉ូមែនទិកបានលុតជង្គង់ចុះ និងជូនបាច់ផ្កាធ្វើពីសាច់ ដើម្បីសុំមិត្តស្រីរៀបការ។ ដោយការរំភើបចិត្ត មិត្តស្រីបានឆ្លើយយល់ព្រម ក្រោមការអបអរពីអ្នកនៅក្នុងភោជនីយដ្ឋាន៕
ចុចអាន៖ បុរសម្នាក់សុខចិត្តសម្លាប់ខ្លួន ព្រោះគ្រួសារបង្ខំឱ្យរៀបការជាមួយនារីមុខអាក្រក់
Posted in 
0 comments:
Post a Comment